مبقيتش بحكي حاجة .. واخد زاوية كده وراكن .. شاري دماغي يا عم.!!
هو ممكن علاقة قديمة تأثر علينا بعد ما تخلص تخلينا مش عارفين نكمل أو نبدأ مع حد تاني على الرغم أن العلاقة دي بقالها مدة طويلة والظاهر أن نسيتها فعلا ومعنديش حنين ليها ولا أنا اللي لسه ملقتش الشخص المناسب
عارف .. قلبك ده عامل زي حوض الزهور .. مليان زهور بعمر الربيع .. مع كل طاقة منه بتستنزف عاطفيًا تجاه شخص ما بتلاقي زهرة ورا التانية بتنشف وتموت .. فشوف باقي لك كام زهرة في قلبك وانت تعرف مقدار ما بقي منك .. بالمناسبة .. بيقولوا ممكن يجي لك شخص يملاه ورود وزهور من تاني ويرجعه زي الأول وأحسن كإنه لسه بِكر .. بيقولوا .. مش عارف صراحة .. فإدعي بقى.!!
أفضل شخصية في فيلم شخصية في فيلم بتحبها شخصية في مسلسل بتحبها
فيلم :- آسف على الإزعاج. مهندس حسن / أحمد حلمي.مسلسل :- لن أعيش في جلباب أبي. الحاج عبدالغفور / نور الشريف. ده في العربي، مش مستحضر مين في الأجنبي دلوقتي.
بتحب الشات ولا الكول
بحب أي حاجة سهلة وبسيطة مفيهاش جدال أو نقاشات حادة ووجع دماغ ..
اكتر مشروب بتحبو ؟
Iced Spanish Latee’
ممكن ترد هنا🙋♀️🙋♀️
خلينا نكون متفقين إن مفيش حد فينا كامل، ولا حد فينا هياخد كل حاجة .. فـ وإحنا بنختار بنشوف إيه من المعطيات اللي قدامنا دي كلها أنسب لينا ولشخصياتنا وأتيتيودنا عمومًا .. فمسألة الدين والأخلاق والاحترام وصفات كتير حلوة زي ما قلتي موجودة، إذًا خلينا نقول معانا ٧٠٪ من الحاجات اللي منقدرش نستغنى عنها ..