هل تعرضت قبل كده لموقف وحش مع حملات التبرع بالدم اْو مستشفى اْو فى شوْون الطلبه اْو مصلحه حكوميه؟ وممكن تذكر اْيه اللى حصل؟
كنت مرة في المترو و كنت ماشي فا نديتني واحدة قالتلي ممكن تتبرع بدم عشان في ناس حياتها متوقفة علي الدم دا و كلام من دا كتير ، في الاول كنت متردد بس قولت لنفسي ، هما حبة دم صغييرين مش هيأثروا معايا يعني ، فا المهم قالتلي نام علي الكرسي دا و راحت تجيب البتاع اللي هتاخد فيها الدم ، المهم اما في مخيلتي انها هتجيب حقنة و تسحب حبة صغيرين و خلاص ، بس للاسف لقيتها جابت كيس دم و متوصل بحقنة كدا و عملت الحقنة في ايدي ، والدم عمال يملي الكيس ، المهم خدت حبة دم حلوين -حلوين بمعني الكلمة- زي ما تقول كدا فضيتني من الدم ، فا بعد ما خلصت ، جاي بقوم لاقيت نفسي دخت و شايف كل حاجة قدامي اتنين ، راحت جايبالي عصير و مسبتنيش غير لما فوقت. كان موقف سخيف اني افكر انهم هيبقو حبة دم قليلين ، لو كنت اعرف انهم كتير كدا مكنتش اتبرعت، لاني فعلا معرفش هل الدم اللي بياخدوه دا بيدوه للناس مجانا ولا بيبعوه!!