مبارح لمحت "دبوس" على الأرض .. نزلت شلته وما انتبهت اني حطيته في جيبتي . بعد شوي نسيت و حطيت ايدي في جيبتي .. الدبوس جرحني!💔 وقتها تذكرت إنو نيتي كانت خير و اتأذيت أنا في الآخر . و تذكرت من ورا هالموضوع كل المواقف اللي اتأذيت فيها عشان أمنع الأذية عن ناس واحمي ناس .. والتعب اللي تعبته عشان ناس تانية . وكل المواقف الزبالة اللي نحطيت فيها بسبب ناس ولا ع بالهم و لا فارق معاهم أصلاً ✋ تذكرت أني تحملت مسؤولية أخطاء مش أخطائي .. وإنو ناس كتيرة ما بتستاهل .. وانو وجودي في حياتها فادهم .. و ضرني أنا سألت حالي .. مش رح أبطّل ألملم دبابيس عن الأرض انا؟ لأنه بكفي!👌💛 بس المشكلة لهسا كل ما ألاقي دبوس على الأرض بشيله حتى لو عارف انو رح يجرحني لبعدين . بس بالآخر - أضلّ الشخص اللي بلمّ دبابيس من الأرض أحسن بمليون مرة من اني أكون الشخص اللي برميهم هاي اسمها طيبة القلب والنيه الصافيه #بخطط ايدي❤🌚