بداية سنة جدًا جميلة، أمطار حلوة، اليوم حنزوّج أختي، حناكل رز ولحمة على قولة أخويا، حيكون في كيكة، وأختي جاها هدية كوكيز وطبعًا وزعتلنا 🥺 أبويا مبسوط انو حيزوّج أختي جا ووزعلنا وأحس بجد كأنو اليوم عيد وأمس ليلتو، خالو وزوجتو احتفلنابهم بمناسبة تعافيهم من كورونا ووصلتني أمس أرق تهنية وأماني حلوة للسنة الجديدة من الناس اللي كنت خايفة أفقدهم ب٢٠٢٠ لكنهم كملو معايا لليوم وماتعرفي قد ايش أنا ممتنة لوجودهم للصحة للعافية لتيسير الأمور كل شي ربنا أعطاني هوا وأخدو مني دي السنة.. ان شاءالله بقية السنة تكون حلوة زي بدايتها وتكون كل سنيننا حلوة، عاد بكرا مخططين نسمر في السطوح مع أخواتي وبسويلهم قهوة بيضا، موعد اختبار تحديد المستوى جاني أمس وان شاءالله أسوي كويس متفائلة ومبسوطة بالمرة😋 *القهوة الحلوة مو عشانها سنة جديدة بس عشانو طقوس الشتا ههه فعاليات الشتا كلها أكل الله يستر لا أنفقع من كترو، حققت هدفي لسنة ٢٠٢٠ وهوا إني أدخلها ب٤٠ كيلو والله العالم إني برجع ٤٥ من دي اليومين :(
أظن إنو عندو موعد أو مستني حاجة أو أحد.. غالبًا محا أسأل ايش في لأني ملقوفة، وآخر شي بيجي فبالي إنو طفشان مني 🐿 ما أفتكر أحد قد عملها معايا أنا اللي دايمًا أعملها مع الناس ههه وبجد ما أكون طفشانة أنا لو طفشت أقول اني طفشانة أو الموضوع مو عاجبني تعالي نهرج فشي تاني بس في أوقات أستنى جوالي يعطي إشعار فيسير كل شوية أمسكو وأشوف حتى وأنا نفسي بهرج 🐿
امممم أخواتي أقولهم خدو كل شي بدون استئذان وأعتبرو دُرجي درجكم عدا "مقص الورق، قطاطة الأضافر، سلك الشاحن" ورأيي في أخواتي لما بياخدو بدون استئذان هادي الحاجات إنهم قليلين زوق -.- ماقد صادفت غريب ياخد شي خاص بدون إذني 🤷🏽♀️