"كانت آيتكِ أنكِ امرأة تنقل الضوء بنظراتها، من شمعة إلى شمعة، كان الغريب عندما لا يجد من ينادي عليه، يتخذ من صوتكِ مأوى .. ومن آياتكِ أيضا أنكِ امرأة تتشمّس في داخلها الموسيقى، وتنفردُ بها القصائد عندما يتراكم الغبار على الكتب
لما بمسك بأحد أمسك فيه بيدي ورجولي وأسناني، صعب عليا إني أفلت يدي وتفضل رجولي وأسناني معلقة، وصعب جدًا على الأشخاص المتعلقة بهم التخلص مني لأنهم بيحتاجو يقلعو أسناني ويقطعو أطرافي، تقدري تقولي إني نشبة وما أمل التمسّك ماقد عملتها، حتى دولاك اللي عملوها وأجبروني أسيبهم لو رجعولي يوم من الأيام وطلبوني أمسك فيهم مع إنو ماعندي أسنان ولا رجول ولايد أقدر أمسكهم بيها حلاقي طريقة تخليني أقدر ألصق فيهم من جديد 🤝 بذو أحب ريحة المسك جدًا🤤
لا تسوي الشي عشان يجيكي غيرو، لما تجبري بخاطر شخص اهتمي بخاطرو لا تهتمي بنفسك ولما تقدمي خير اهتمي بإنو في خير حيتقدم لا تستني يجيكي الخير، أما عن جبر الخواطر الله بيجبر بخاطرك بدون ماتعملي شي لأحد إن شاء.
أنا دايمًا أعبّر حتى لما ماينطلب مني، لذلك مابخفي حزني بس بقول إني حزينة حتى لو ماحد راضاني أنا حزينة ليش أخفي؟ ثم إني بكره النوم وأشرد منو فمحا أكون حزينة وأغصب نفسي على شي أكرهو 🐠 لو حزنت ممكن آكل الأكل علاج لكل شي 🤤
يخوّف إنك تزعّل أحد ويمكن يختفي وهوا مو مسامحك حتى لو كنت انتا زعلت منو بالأول، عشان كدا الإساءة غلط تنرد بالإساءة ولازم نقابل السيئة بالحسنة بس أظن إني شريرة لأني دايمًا أطلب من الناس السماح لكني ما أسامحهم بالمقابل.. ليش أسامح؟ أنا كنت مهتمة واعتذرت وطلبت السماح لكن هما مافكرو إنهم يعتذرو عشان كدا مايستحقو انهم يتسامحو /:
ماتصدقي أحد يقولك العمر قصير، مافي شي يفوتك تقدري تلحقي بكل شي تقدري تعملي كل شي لو كنتي تبغي تعمليه، مابقولك تضيّعي وقتك لكن لو حصل ومر الوقت بدون ماتعملي شي مو مهم، المهم لما تحسي إنو بدك تعملي شي أعمليه حتى لو سار عمرك ٨٠ سنة احتمال تعيشي لل١٠٠ سنة أو أكتر يعني عندك ٢٠ سنة كاملة تحققي فيها اللي بدك اياه وغالبًا الأحلام تتحقق في وقت قصير، سو وقفي تحسي إنو حياتك ضايعة والعمر قصير وبطلي تسمعي العمر طويل بالمرة. تعرفي فين مشكلتي؟ كفوفي كثيرة التعرّق أمل من استخدام الكريم ومافيني أضرب لكفوفي بوتوكس بس الشي دا جدًا مزعج في الكتابة على الجوال "حتى الكتابة بالمرسام" يتحوّل الجوال لبركة من العرق وتسير الشاشة ملوّنة، دايمًا البزورة يشردو مني مايبوني أمسكهم في الأماكن العامة حتى ماتتبلبل أياديهم الحل: "أطلب منهم يمسكو في عبايتي" لكن الكتابة على الجوال مالها حل غير القلم والقلم علّة.
أول نصيحة مني ليكي يازمرّدي، لا تنصتي لجاهل مثلي. غالبًا أفضّل الحديث والإنصات لنفسي مرات يبان كأني أكلم غريب بس أنا غريبة عني برضو مو! قريب من الإلحاد، غارق في الظلمات.. دعا بكل إيمانه أن ينجو لم يكن إيمانه ضعيفًا ما كان في قلبه إيمان. { ليس عليك هداهم ولكن الله يهدي من يشاء } تصلح الدنيا لما تصلحي إيمان قلبك، لا تتعلقي بغير الله؛ الرزق منو والأشياء كلها بتيجي وبتروح وبيبقى بس إيمانك، قرّبي من الله يسخرلك الدنيا ويشرح صدرك.. (شخص سيء جدًا مايعرف بصلاح قلبو غير ربو) السؤال هوا لو كنت في مكان تاني في الدنيا لو اتولدت كافر هل حسير كويس؟ أنا كويس عشاني مسلم ولا عشاني أتربيت في بلد مسلم يمنع الأمور المحرّمة والبشعة؟ ع الأغلب لو كنت مسلم في مكان تاني كنت حكون من أسوأ الناس، لكنك ما اتولدت كافر اتولدت مسلم، لكنك اتولدت في هادي البلد المسلمة، لكنك ماكنت في مكان تاني.. تتغير الدنيا وتتغير الأحوال والقلوب تتقلب اللي كان مستحيل أمس يسير معقول اليوم واللي معقول اليوم يكون مستحيل بكرا، التفكير هوا بداية الطريق لكن الطريق مالو نهاية، عشان توصل محا توصل بتضل تبحث وتضل تدور وبتحس دايمًا إنك مو قادر ومو عارف صح؟ عشانك تفتقر للحكمة والعلم ومحا يكفيك ١٠٠ سنة من الدراسة حتى تصبح عالم، العلماء لا وجود لهم، معليش الطريق لو نهاية بس ماهي هنا نهايتنا هناك في الدار الآخرة، حتى ذلك الوقت لا تتوقفي عن الإيمان يا أروى.
عادي أرفض المعروف لو كنت شخص إنتحاري؟ ايش الفايدة من تقديم المعروف والتعب وكلنا نعرف النهاية 🐠؟ هل يقام العزا للمنتحر؟ هل بعد مايموت المنتحر أول شي بيجي ببال اللي تعبو عشانو "ياريتنا ماعملناها ضاعت ع الفاضي"