قد مرة كنت ألعب حرامي خطفني أو شي زي كدا المهم كان في أحد بيعزبني وعشان أمثل العذاب جد فكيت المنشر "اللي يعلقو فيه الملابس عشان تنشف" وسكيتو على أصباعي وماعرفت أفكو ههه يومتها أمي صرّخت أكتر مني.. كنت أحب أفك الشباك وأتفل عاللي يمر من تحتنا واستخبى وما أعرف لو التفلة توصل أو لا بس كنت مررة أنبسط وأضحك على دي الحركة. كنت شقية مرة أفتكر بس ماكنت أعمل مصايب
أيهما أسوء أن تفشل في شيء أم أن لا تفعله القيام به على الأطلاق ؟
مرات كدا ومرات كدا مرات كويس إنك تفشل عشان تتعلم وتتحسّن وعشان ماتفضل في نفسك "لو كنت سويت دا الشي" الفشل يقنعك ويريحك من الشيء. لكن مرات التجربة الفاشلة تضيّعلك وقتك وتندّمك فبيكون أفضل لو ماتفعله على الإطلاق وتفعل شيء تاني.
اممم بيكون وقتها عمري ٣٠ أتمنى لو أكون لسا في سريري ماسكة جوالي وبجاوب على أسئلة قديمة، لكن الحقيقة إني ما أشوف شي غمضت عيني عن المستقبل من مدة وقررت أعيش كل لحظة بلحظتها وكل وقت بوقت فين ما كان مستقبلي مو مهم المهم إني أتمنى لنفسي أكون مرتاحة فيه وإنو الفترة دي اللي قلت عنها بتعدي تكون عدت من جد.