مو حرف جميل لكن كلام في نفسي. إيش عن اللي يحبك حيتغير عشانك، مافي أحد يتغير إلا عشانو يحب، وسار مرتبط الحب بإنو بيغيّر الإنسان وماحد بيكون مثالي إلا لو حب!!! الوحدة سارت مستنية بس الطرف التاني يتغير عشان تصدق انو يحبها فعلًا! طيب خليني أتفلسف وأشرح الموضوع من بدايتو وحتكلم عن الشائع والأغلب. عادةً يكون الولد bad وعفن ومخمّج ومو مبقي حاجة وحشة إلا وعاملها دا الولد السيء مايحب أيت بنت يتعرف على ١٠٠ وتجذبو وحدة بس والوحدة دي هيا اللي هوا شايفها البنت المثالية والنسخة الأفضل اللي يتمنى إنو يكون زيها ف يجي ويرمي نفسو عليها على أمل يصبح زيها ويتغير فعلًا على يدها ويسير مرررة كووويييس، لكن ليه هوا أتغير من الأساس؟ هل أتغير بسبب الحب؟ لأا أبدددًا هوا أتغير عشان كان في نفسو يتغير ولما لقى الشخص المثالي اللي بدو يكون زيو أخدو ك دافع واتغير مو بسبب الحب أو بسبب البنت السحرية التغيير كان جاي من جوتو. نيجي للنقطة التانية. الحُب مايغيّرنا التغيير يؤذي مشاعرنا يحسسنا إنو فينا عيوب ولازم نصححها بينما الحب أسمى من كدا بكتيير. بعد بداية الحُب لما تبدأ تكتشف وتوصل لمرحلة جديدة في العلاقة، مرحلة أنا أحب الطرف التاني بكل اللي فيه بكل اختلافاتو ومابدي أغيرو أبدًا أبا أحبو للأبد ايش ماكانت حال شخصيتو مو لازم يكون مثالي مو لازم يكون أحسن يكفيني قلبو زي ما نيكول تحب ريتشارد وهوا يحبها ومتقبلين بعض بكل اللي فيهم وماحد حاول يغير التاني لانهم كدا مرررة حللوووييين ومزيوطين بدون تغيير
٣:٤٢ "ضَاقت صدورُ الناس عن أحزانها من ذا يطيق إذا بكيتَ أساكَ ؟! لا تشكِ أوجاع الفؤاد وحزنه إلا لرب الكون في نجواك فإذا سجدت فبُح بهمك كلّه أخبره ما أبكاك، ما آذاكَ"