بنت صغيرة في الحجم لكن عندي أحلام كبيرة بالمرة، أنانية أحب أحصل على كل شيء في نفس الوقت قنوعة أرضى باللي عندي، بسيطة جدا، ليا ذوقي الخاص، عندي أكتر من شخصية لا تتفاجأ لما تفكر إنك عرفتني وتطلع ماعرفتني بالمرة، مزاجية جدا، ما أحسس أحد إنو غريب آخد ع الناس بسرعة، شريرة وسيئة بس قلبي من جوتو طيب زي جوز الهند تحتاج إنك تكسرو حتى تاخد حليبو اللزيز "مو تكسر قلبي لا تكسر الشر" أحب البرد أحب المطر أحب الألوان تفرحني، أحب الكتب جدا أحب أقرأ وأتعلم، عادة ما أتقمص الشخصيات اللي أقرأ عنها أو أتفرج عليها أحب أسوي كدا، أسوي إني غبية وهبلة وما أفهم وأنا مدركة الوضع الصراحة مدري ليش أشوي كدا بلكن أنا من جد غبية؟ فضولية جدا، أحب أعمل تسريحات غريبة ولطيفة في شعري، أعشق صوت الكمان والشوكولاتة، أحب المخمل أي شي فيلو مخمل بيكون من أشيائي المفضلة، أحب اللون الأسود، لوني المفضل هو الأحمر، مترددة، مندفعة جدا، سهل التعامل معايا في البداية ولكنو في الأخير صعب جدا، أحب الأوشحة حبا جما، أزعل لما أخسر :{ حتى لو كان شي سخيف وغبي أبا كلامي دايما يمشي لو كلامي ما مشي قلبي يعورني دماغي تعورني التنفس يسير صعب كل جسمي يتدلع :{ في الحقيقة ما أظهر مشاعر الحزن أبدا أبدا لكن هنا الوضع مختلف أحب أتبكبك في الآسك بتكلم زيادة بس راسي عورني من كتر الكتابة :{
"بالنسبة لي تعني لي الكتب الكثير، ربما أكثر من اللازم. في سابق عهدي فضلتها على العالم الحقيقي لازلت أحمل في داخلي شيء من هذا الإحساس. ولا زالت الكتب تحتفظ بالنسبة لي بمذاق الأبدية."
أحدهم عرف إني أحب القراءة، إشترالي كتاب كان نفسي أشتريه من زمان مرة كتبت إني أحب الشرطة الخاصة باسمي وكدا أحد رسلي اياها بإسمي شكرا مرة للي يعملو كدا ^-^ مرة في أحد وإحنا بنهرج حط يدو على كتفي كان موقف لطيف مرة رسلت أغنية فيها رسالة مبطنة وفهمها ورد عليها مرات أخد من وقتو من جهدو وصرف من مالو الخاص حتى يشوفني وقت قليل أقل من ساعة مرة شخص خيرتو بيني وبين "عيشة أفضل راتب أفضل وظيفة مضمونة" اختارني بدون تردد مرة أماني خبتلي كوكيز ميد وأنا أحححححوووبببب كوكيز ميد وكل المرات اللي كان يواسيني فيها وينجح وكل المرات اللي كان يعتذرلي فيها كانت لطيفة جدا بالنسبالي أحس إجاباتي مليانة glitter لأنها أشياء حلوة فقلبي
حشيش قتل صحبة سيئة أو أي صحبة يعني ههه سرقة مرات لما أكون مطفرة نفسي أكون رقاصة مع إني سيئة في الرقص بس مين يهتم ●رغبة محا أنفذها حتى لو اتسنت لي الفرصة إني ما ألبس عباية أو حجاب وإنو أعيش حياتي كدا أختار ملابس تعبر عني. عندي رغبات فنفسي أهرج عنها بس مافحيلي أكتب 🐒
على قد ما أحب أهرج وإني مرة رغاية، دحينا يجيني خوف ازا كلمت أحد في إحساس إني تقيلة مايفارقني أو أحس إني حضايقهم، عشان كدا ما أحب أحتك بالناس وعمري محا أبدأ بمحادثة أحدهم لكن بس أحد بيكلمني أنبسسط أحس إنو دي إشارة إنو أتقبلني لكن بس أطلق الرغاية الا جوتي ألاحظ الانزعاج ع التاني اللي بيسمعني، المهم إني في طريقي لتعلم إني ما أكلم أحد بالمرة حتى لو هوا بدأ يكلمني.. لكن مرات يعجبني أحد وأتمنى يكلمني أوكي بس يكلمني أشرد وأنفجع 🐒