كُلنا بيجي علينا فترة مُعينه نتغير فيها , بنبقي في أسوء حالتنا , بنبقي غير نفسنا بتصرفتنا وأفعالنا, أنا واحد من الناس جة عليه فترة إتغير فيها للأسوء إتغيرت 180 درجة , أفعال بقيت أعملها ومش حاسس بيها , لدرجة إن كُنت ممكن أجرح أي حد بكلمة, كُنت بقول أي هري مش داري أنا بقول إيه , بس دا كان بسبب ضغوط وظروف خارجة عن إرادتي, في الفتره الـ إتغيرت فيها دي , خسرت ناس كتيرة كُنت متعلق بيهم وبحبهم , مكملش معايا غير الناس الـ متمسكه بيا وعاوزني , لحد ما وقفت علي رجلي تاني ورجعت زي الأول وأحسن , ما بين التغير للأسوء والأحسن , في ناس كتيرة بعدت عندك, مستحملتش تشوفك وإنت متغير عليهم , كانت بتحبك علشان حاجة معينه فيك , وبمجرد ما حسوا إنها راحت بعدوا عندك ,مستحملتوش قرفك ونكدك ونرفزتك , الـ في نفس الوقت برده في ناس إستحملتك بكل ما فيك لحد ما فُوقت ووقفت علي رجلك إحنا كُلنا بنتغير, لظروف خارجة عن إرادتنا , الفكرة كُلها في إنك تعرف مين فعلاً الـ بيحبك وهيكمل معاك ع الوحشة قبل الحلوة , والأهم من كُل دا إنك تتعلم من غلطك , تشوف القصور كان عندك فين وتصلحة , الغلط مش عيب للمرة الأولي , الحياة ما هي إلا غلطات والكُل بيتعلم منها, بس بردة قاعدة في دماغك الـ بيحبك هيفضل مكمل معاك للأخر وعُمرة ما هيسيبك , مهما إتغيرت عليه ومهما قولت , لأنه هو عارف إنت إيه من جوا, وهيفصل جمبك لحد ما تبقي أحسن من الأول .