بالنسبة للزواج وكده.. عيب لو حطيت للشكل أو المظهر عمومًا حيز قليل من إجابتي سواء بالرفض أو القبول؟
عيب بمعنى هل ده شيء غلط وأبطله ولا عادي حقي طالما مش هبقى سطحية وأركز على الشكل بنسبة كبيرة، يعني أبص على الشكل آه لكن مش بأوڤر يعني؟
فيدوني عشان متلغبطة جدًا ومش عارفة أنا صح ولا غلط
لا مش عيب ومش صح ومش غلط مش قاعدة اصلا ، من اهم سمات شريك الحياة إنك تبقي حبه شكله ،ممكن تحطي بنود يعني بس متأفوريش يعني مثلا ممكن تقولي انا احب الشخص اللي ارتبط بيه يكون طويل ، لكن مثلا مش طويل وابيض وعينه مش عارفه لونها ايه وشعره لونه ايه وكذا ، وبرده متفكريش في الموضوع اوفر وتلغبطي نفسك اعرفي انتي مين وعاوزة ايه وساعتها هترتاحي جدا وخدي الأمور بأريحية شديدة وادعي ربنا يرزقك ويقر عينك بزوج صالح مصلح يكون زوج الدنيا والجنة ان شاء الله <3
لو عندكم شخصية كبيرة فعيلتكو دايما تشتمك وتقعد تديك فنصايح على اساس انك صغير مش فاهم وهو الكبير العاقل ال فاهم كل حاجة .. بتعمل اية عشان توقفه عند حده
الشتيمة بكل أدب تقول لو سمحت مبحبش الشتيمة أو انا بدايق لما حضرتك بتشتمني مع أن نصايحك مفيدة بس الله يكرمك بلاش شتيمة ،كدا الاسلوب مهذب وانت او انتي هتكبروا في نظره ولو اتكرر برده كرر طلبك بأدب بنفس تون الصوت الواطي والادب في الطلب واسمعه واسمع من هنا وفوت من هنا وطبعا قدر المستطاع تحاول تبعد عن القعدة معاه او انه يستفرد بيك وواحدة واحدة هينساك خالص
كان الصالحُون يتواصون بثلاث كلمات
لو وُزِنتْ بالذَّهب لرجحتْ به :
.
ـ الأولى :
من أصلحَ ما بينه وبين الله
أصلحَ الله ما بينه وبين الناس
.
ـ الثانية :
من أصلحَ سريرته
أصلح الله علانيته
.
ـ الثالثة :
من اهتم بأمر آخرته
كفاه اللهَّ أمر دنياه وآخرتِه !
رزقكمـ الله الصُحبة الصالحة
للأسف من كتر أغاني الحب وافلام بتتكلم عن الحب فالكلمة رخصت جدا ووبقينا مفكرين ان الإعجاب أو الإنجذاب لشخص هو حب ، الحب ده معنى قوي جدا ومن أسمى المعاني الإنسانية وكتب فيه الشيخ أحمد سالم كلمات رائعة يا ليتنا نفقها ونعلمها خاصة في بداية مرحلة المراهقة والشباب عشان نرحم قلبنا اللي بنوجعه عالفاضي وبعد ما نعدى المراحل دي نندم على اللي عملناه في نفسنا ، للأسف مش لاقيه لينك اجابة السؤال عند الشيخ أحمد سالم اذا لاقيتها بالصدفة هحطها بس كان شخص بيسأل عن ماهو الحب
أول فلوس هكسبها من شغل عملته .. فلوس بسيطه بس لها احساس تانى و كفايه انها من حلال ، تقترحو عليا اعمل بيها ايه؟
10% ادخرها وزيهم صدقة بنيه الرزق وان ربنا يباركلك والباقي هاتي بيه جاجة نفسك فيها كمكافأة لنفسك او حاجة حلوة للأسرة وكدا
هو حرام او مكروه او مش مستحب اني اقول لحد اني دعيتله او لما حد يقولي ادعيلي اقوله بدعيلك كل صلاه ومش بفوت فرض غير اما بدعيلك
لو انا بقولها بنيه اني عايزه اقرح الشخص ده ما ينفعش!!
معرفش الصراحة ، بس هو واضح والله اعلم ان اللي بيسأل بنت واللي بتدعيله شاب وطبعا لو كدا فهيبقى باب مفتوح للكلام ملوش لازمة وتعليق للقلب والله اعلم
عايزة اعرف ايه وجهة نظر الشباب انه ليه ميتجوزش واحدة مطلقة ؟ وخصوصا لو هي اتجوزت سنة ولسه صغيرة في منتصف العشرينات ؟؟ والطلاق بسبب اختلافات ما بين الزوجين ؟ فهل شاب اعزب ممكن يوافق بكدا ؟ ولا لأ .. ايه السبب ؟؟
ماهو انا مش شاب اعزب ومش شاب اصلا :D
هو لما إللى يبقى بيحبنى من ست سنين تقريبا وانا مش كنت مدايله اهتمام وبعدين حبيت أعرفه انى مش رافضه بس رافضه الفكره نفسها فضل يقولى اديني فرصه واديتو واتكلمنا شويه وبالفعل لقيتو كويس بس فيه حته انه عايزنا نفضل نتكلم لحد اما يتقدم وعايز كمان نفطر مع بعض ف يوم وانا رفضت طبعا هل هو كده حد كويس ولا ايه ؟
السؤال هنا هل انتي كنتي كويسة مع نفسك في تعاملك مع الآخر كدا ؟ يعني هل انتي شايفة ان اللي بتعمليه صح في حق ربنا وحق نفسك ؟
ربنا يوفقك في كل اللي جاي ويكتبلك الخير ويسعد قلبك ويباركلك في أيامك ربنا يجبر بخاطرك ويفرح روحك ويرزقك من أوسع أبواب رزقه ربنا يرزقك نفس صبورة ينبع الفرح من داخلها وتشوف الحياة دايما حلوة ربنا يبعد عنك كل اللي فيه أذى بأي نوع كان ربنا يرضى عنك ويراضيك ويقرب منك الناس الحلوة ويزرع محبتك في قلوبهم
اللهم امين ولك مثله
ايه الدعاء الى ممكن اقوله وانا باخد قرار مصيرى زى الزواج ومش عارفة اقرر ! ..
لو حد بعتلي رساله ع الماسنجر وعملي بلوك
ف اي طريقه اعرف هو/ هي مين ؟
متشغليش بالك عشان دي ناس عندها مشاكل مع نفسها
عندي 35 سنة من ساعة ما اتخرجت من هندسة القاهرة وانا عايش في الكويت اهلي كلهم اتوفوا ماليش حد في مصر حرفيا انا حاليا في مصر قولت انزل اتجوز واخدها معايا مش لاقي واحده مناسبة وخايف اتخدع بالمظاهر
عندي فلوس كتير وعايش عيشة محترمه في الكويت الحمد لله
اي نصيحة وجزاكم الله خيرا
35 سنة ومش عارف عاوز ايه !! المشكلة ان حضرتك لازم تعرف انت عاوز ايه ساعتها هتعرف تختار وطبعا كله توفيق ربنا ، استخير الله وتوكل على الله
قالوا ايه علينا دولا وقالوا ايه
بكرهها وبكره كل اللي بيقولها
لم أكن أتوقع أن أصل إلى هذه المرحلة من الأكتئاب و القلق الذي يراودني قبل نومي قد يكون اكتئاب ولكن كثرة التفكير في حالي و أوقاتي التي اعيشها الان وكثرة تفكيري بمستقبلي 😑 لقد وصلت إلى مرحلة لا أستطيع الخروج منها لقد تعبت كثيرا وما زلت ولا أدري ماذا أفعل ؟ 😥
في علامة ترس كدا فوق على اليومين وجنبها سهم صغير اضغطي عليه واختاري اعدادات او setting
هو ليه اننا بنحب حد و عايزينه جنبنا مش سبب كافى أنه يفضل معانا ها ليه؟!
السؤال اصلا مش ليه ، السؤال اصلا منين حكمنا اننا بنحب الشخص ده ؟وممنين متأكدين اننا لو كملنا حياتنا مع بعض هنتأكد انه فعلا حب ؟ ومنين عرفنا ان ده الخير لينا ؟
يعني ايه قسمه ونصيب
هو لفظ عامي ولكن يعني قدر الله
هو البرتقال اسمه برتقال علشان لونه برتقالي! ولا اللون البرتقالي اسمه برتقالي علشان لون البرتقال؟!
الاسئلة دي تقريبا بيسألها حد بدأ مذاكرة او قبل ما ينام ، الحمد لله انا بنام على طول ومبسألش نفسي الاسئلة الوجودية دي