هو فى حد كلمنى وقالى انوا عاوز يتقدملى بس قال نتعرف على بعض الاول لو ارتحنا لبعض يجى يتقدم وبقالنا اسبوع بنتكلم وانا جايلى عريس تانى ومناسب ومش عارفه اعمل اي وخايفه يكون بيتسلى بيا او مش ناوى معايا جد وفى نفس الوقت بقول من حقه يتعرف عليا ونعرف بعض اكتر عشان ميدخلش البيت ومنرتحش ومعرفش اعمل ايه
ما يدخل البيت واتعرفو ع بعض بردو اومال الخطوبة اتعملت ليه
السلام عليكم انا اخي متزوج من سنه ومراته على وشك ولاده وماما واحنا كان املنا انها تسمي البنوته اللي هتولدلها على اسم ماما لأن ده اخونا الوحيد واحنا بنتين لكن زوجة اخي رافضه نهائي وبتقول هي مختارة اسم ومش هتسمي بنتها باسم ماما علما ان اخي معندوش اي اعتراض بس هي اللي منشفه راسها رغم اننا بنعملها كاخت
انتي حطي نفسك مكانها اكيد لو بنتك هتبقي عايزة تسميها باللي نفسك فيه ف هي مغلطتش عاملوها كاخت بردو محصلش حاجة 🤷
اي ذنبي اني اتولدت في اسره مش متعلمه واخواتي صنايعيه وبيتنا اقل من متواضع وانا بقيت دكتوره بشري وكل اللي يتقدملي يسأل اخواتي شغالين اي ومستوانا اي وبعدين يرفض لو شاف شكل بيتنا ،اي ذنبي ان اهلي مش عاوزين ينقلو او يتعبو علي نفسهم ويأجرو حتي ومش مدركين الموقف اي ذنبي ان اخواتي فشله اتعاقب لي من المجتمع
اللي شاريكي مش هيفرق معاه هي مسالة نصيب بس مش اكتر ربنا يكرمك باللي يستاهلك ان شاء الله
الشكل مهم بالنسبالك ولا الطبع اهم 👀
الطبع اهم
انا كنت معزومة عند اهل خطيبي وحصلت مشاداة بيني وبين حماتي ضربتني بالقلم فزعقتلها لقيت خطيبي بيشدني من شعري وخبطني في الحيطة روحت البيت وانا زعلانة رجع يصالحني وقالي مكنش قصدي انا لما بتعصب مبشوفش قدامي وقالي انتتي حبيبتي ومقدرش اعيش من غيرك و معتش زعلانه منه بس ماما بتقولي اتي معندكيش كرامة
هو ولا من حقه هو ولا حماتك يمدو ايديهم لما ف الخطوبة بيمدو ايديهم اومال هيعملو ايه بعد الجواز !!
بيعجبني رأيك و عايزة أخد رأيك في موضوع
متقدملي واحد مش منتظم في الصلاة و بيشرب سجائر بس هو و عدني إنه هينتظم و هيبطل سجائر عشاني
رأيك ايه عشان محتارة ؟
يعني الافضل بلاش
الجواز في شقه ايجار في مدينه ولا شقه ملك في قريه !؟
ايجار ف مدينة
معنديش حد احكيله تفاصيل يومي وانهارده حصل كذا موقف حز ف نفسيتي اوووي ف ممكن احكيلك!
اتفضلي
سبب مقنع افسخ خطوبتي بيه لاني بجد تعبت 💔
انك مش مرتاحة وتعبتي ده سبب كافي
أنا رحت لمهندس شاب بيخلص شغل لماما كنت بسلم له ورق وقعد يكلمني فالشغل وف الاخر قالي خدي رقمي من ماما ولو عزتي تساليني ف اي حاجه كلميني ع طول هو عارف ان كل شغله مع ماما بيعرض عليا كدا ليه ، ولا دي بدايه اعجاب ؟
متعشميش نفسك وخلي مامتك اللي تكلمه وهو لو معجب هيكلم مامتك ويتقدملك