أنا تعبت من الفشل الدراسي والتوهان والرسوب في الامتحاناتبجد! أنا عارفة اني أذنبت كثير ومريضة وسواس ومش عارفة أتعافى من أخطاء الماضي والذنوب بتاعتي بس انا تعبت هو أنا هفضل في الفشل الدراسي ده علطول هو أنا مش هعرف أتعافى من ذنوب الماضي؟ بشوف ملتزمين وربنا بيوفقهم في الامتحانات ومتفوقين!ليه اناكداليه😭
الفشل الدراسي ملوش علاقة بمدي قربك أو بعدك من ربنا، الكفرة والملحدين بينجحوا وبيرتبوا علي دفعتهم عادي، من رحمة ربنا بينا انه جعل عطايا الدنيا في مقابل السعي مش في مقابل العبادة، يعني كل أما تذاكر أكتر وبطريقة صح كل ما هتجمع درجات أكتر حتي لو انت مش مسلم أصلا، اللي انت فيه ده بسبب عيب في طريقة مذاكرتك، أكيد بتعملي حاجة غلط، اسألي الناس اللي درجاتهم كويسة في دفعتك بيذاكروا ازاي وبيسمعوا لمين ومصادرهم ايه واعملي زيهم، لو كنت اتقي الناس واعبدهم وبتذاكري بطريقة غلط مش هتحققي درجات عالية برده، أما بالنسبة للتوفيق بتاع ربنا للعبد المسلم التفي فبيكون ان العبد ده استوفي الشروط الدنيوية في السعي الأول يعني ذاكر بطريقة صحيحة وسمع دكتور كويس يفهم منه وجاب مصادر كويسة يقرأ منها فييجي توفيق ربنا بقي متمثل في أشياء تانية زي البركة في الوقت والفهم والحفظ، يعني لو الطبيعي ان شابتر معين محتاج تلت أيام عشان يتذاكر فالأغلبية هياخدوا فيه تلت أيام مسلمين بقي كفرة أيا كان، أما الشخص اللي معاه توفيق ربنا ممكن ياخده في يوم أو يوم ونص ويحفظه كويس وأفضل من اللي ذاكره في تلت أيام، بس هل لو الشخص اللي معاه توفيق ربنا ده مذاكرش كويس بطريقة صحيحة واستوفي شروط السعي الدنيوية ربنا هيوفقه لأنه يخلص الشابتر ده في يوم بدل تلاتة؟ أكيد لأ هيسقط برده.View more
بعيدا عن انو شاوت اوت بس انا لسه كنت بتكلم ف الموضوع ده انهارده مش شرط المكان الي انت فيه مش كويس انا كنت ف اقل كليه والحمدلله ربنا كرمني منها كرم انا لغايه انهارده لسه بستوعب فيه مع ان تقديري كان مقبول بس السعي محدش بيسعي وربنا مش بيوفقه ادعي الدعي والله هو الوسيله الوحده ❤️
هو مبدأيا التفوق ف الامتحانات ده طبعا بعد كرم ربنا بيتوقف ع مذاكرتك واجتهادك يعني تذاكري تنجحي بسيطه .... لكن مساله انك عملتي ذنب فربنا مش هيوفقك ده مش صحيح بسم الله الرحمن الرحيم " لا تزر وازره وزر اخرى " صدق الله العظيم
لكن عليكي انك تتوبي حتى لو عملتي ذنوب كتير توبي تاني وتالت وعاشر قال رسول الله صلى الله عليه وسلم " كل بني آدم خطاء وخير الخطتئين التوابون "
مش عيب اننا نغلط العيب اننا نستكر ونكابر فيه
+ 2 💬 messages
read all
ملهاش علاقة أولاً و تقدري تتغيري للأحسن تروحي لدكتور نفسي لو صعب تيجي العياده عندي معنديش مشكلة و ممكن تقربي لربنا بالصلاه و تعرفي إن الدنيا فانيه بكل ما فيها اديها مكانتها الحقيقة و صلحي كل الي كان 💙💙
رحمة الله وسعت كل شيء
خلي عندك ثقه في رحمة ربنا
بلاش كلمة ليه كده لازم يبقي في تهذب مع الله واقداره ده اولا
الشئ التاني علي قد الذنوب الي عملتهيا لازم تعملي قدها خير يمكن انتي لسه مقدمتيش كفايا اسعي اكتر عشان ربنا يكرمك🤍 الشئ التاني ان المرحله دي اصعب مرحله فالتوبه وهي ان الشيطان لما يلاقيكي بدأتي عايزه تبقي كويسه واحسن مجرد ما يحصل حاجه يوسوسلك ويخليكي تقولي ليه انا كده وتعترضي
اكتبي مشاكلك الحقيقية في ورقة ووشوفي ايه اسباب المشكله دي وعالجي كل مشكله لوحدها واستعيني بخبرات اكبر منك علشان ترشدك ع الطريق الصحيح بس خلي بالك وانتقي الاصحاب ف الصاحب ساحب
العبد الذي يذنب ويتوب هو أواب. أيضاً، الله يحب التوابيين.
حوار الفشل الدراسي وما إلي ذلك، الإنسان بيأخذ بالاسباب ودي أرزاق.
نصيحه أخيره: " لا تمدن عينيك"
شوفي طبيب نفسي
