@CAD_Las

كلية التصاميم والفنون (لاس)

Ask me anything Follow
Ask @CAD_Las

Sort by:

LatestTop

طيب ممكن نصائح لتنظيم وقتنا في السنه التأسيسيه لان م شفت اي احد يقول عنده وقت فاضي كلهم يقولون كرف و يجون مواصلين و مدري كيف

امممم ، تداومين وتحاولين بقدر المستطاع ماتغيبين هذا واحد
اثنين ان الاشياء الي تطلبها منك حاولي تسوينها بالكلاس لا تقولين برجع وبسويها لان بالجامعه بتصيرين فاضيه اكثر من البيت
ثالثاً حاولي تتركين جوالك لان الجوال مصيبه وماراح يخليك بحالك
رابعاً الواجب الي تعطيكياه الدكتوره سويه بنفس اليوم يعني لا تأجلين عمل اليوم الى الغد لانه واح يتراكم عليك وبتتعيجزين
وان حصل سويه بالكلاس بعد
عطي نفسك معنويات حلوه وعطي نفسك طموح وتفائل وحاولي تستمتعين بأي شغله تسوينها وقولي انه مرا سهل 💪🏼
وان شاءالله نشوفك من اكبر المبعات يا مبدعه 💘
شذى
11
Liked by: Lubna يـٍُوجِي H E S S A H Slow! noura شذى R . Ghaida Glory

السلام عليكم انا طالبة ثانوية مره جاهله بامور الجامعه بس اعرف التخصاصات وما عندي اي طموح بس احب الرسم وابدع فيه وشفت صفحتكم مره اعجبني التخصص بس حابه اعرف لو كبرت ودخلته ايش اصير فالمستقبل؟ ادري السؤال غبي :(

لا ابدا مو غبي بالعكس اغلبنا مرينا بهالمرحلة .. سؤالك مهم وكثير يسألة .. ماودي اجاوبك عليه زي المكتوب في الموقع مو لانه خطأ بس لأنة يحصر تفكيرك .. انتي من اول خطوة تخطينها في الكلية بتمرين بتجارب وخبرات كثيرة تخليك تشوفين الحياة بشكل مختلف عن اي شخص ثاني .. بنفس الوقت بتتعلمين وتتطورين في مجال الفنون ويمكن تلقين اسلوبك الخاص الي يميزك عن باقي الفنانين وهذا شي صعب .. اني اشوف رسمة واعرف مين صاحبها اما من خطوطة او الوانه وضرباته بالفرشاة .. عموما نرجع لموضوعنا وبكلمك كطالبة جرافيك ( تصميم شعارات بوسترات و و و ) خلال دراستنا انا وزميلاتي كان موضوع الوظيفة يشغلنا كثير وصدفة تكلمنا مع بنت كانت في مستوى اعلى مننا وقلنا لها عن هالموضوع .. قالت وبكل ثقة انه في المستوى الخامس لاتوجد طالبة في القسم الا وتكون اشتغلت مع عملاء .. انا في مستواها الحين وااكد على كلامها .. مافيه ولا بنت حولي مابدت تشتغل لعملاء حقيقيين .. شغلك في مشاريعك يسوق لك .. الفن مو شي يحتاج شهادات .. اذا قدمتي على وظيفة مابيقولون وين شهادتك .. بيقولون ورينا اعمالك .. واذا كان فعلا الرسم هو الشي الي تحبينه بتكون هالأربع سنوات هي اجمل ايام حياتك ان شاء الله .. بتجلسين مع ناس يجمعكم حبكم للفن لكم نفس الميول غير لما تكلمين احد ثاني يمكن ماله اهتمام فيها ..
اتمنى اني اكون افدتك 💖
سارة ✨

View more

10
Liked by: Fhy فتاة النعناع noura Deema Rayda. شذى ☹ ميـسم shahad R

نصايح لاول اسبوع دراسه في كليتهم الجميله 😍؟

تفائلي بهالسنة وتأكدي انك راح تستمعين فيها رغم كل الضغوط اللي ممكن تمر عليك ..
الاسبوع الأول سجلي كل الطلبات اللي تحتاجين تشترينها عشان تتقضينها مرة وحده ونصيحة لك روحي لمكتبة الشرق قبل جرير لان الاسعار هناك ارخص وخوذي كل اللي تحتاجينه من عندهم واللي ماتلقينه روحي دوريه بجرير ..
حاولي تخلصين اعمالك اول باول ولاتأجلين اي شي عشان ماتنضغطين وكل ماخصلتي شغلك بدري يكون احسن عشان تعطين نفسك وقت للتعديل وجعل العمل افضل ..
لاتفكرين انك تغيبين وخصوصاً في الايام اللي فيها محاضرات لمواد عملية لان ساعاتها كثيرة وغير كذا بتفوتين عليك شغل ممكن ماتفهمينه من البنات وماتلقين وقت تروحين تطبيقنه مع التيتشر ..
اذا حسيتي ان فكرتك لعمل من الاعمال ناقصة او يبيلها إضافة روحي لدكتورات المادة واستشيريهم وخوذي منهم بعض الأفكار اللي تفيدك ..
لا تتهاونين باي درجة ممكن تنقصينها لان بوقت التخصصات فرق بسيط بالنسبة ممكن يخدمك..
واخر واهم نقطة لاتسمعين للبنات اللي يتحلطمون كثير ولاتخلينهم يأثرون عليك ..
وبالتوفيق 💗..
مشاعل🌀

View more

9
Liked by: Lubna Reham Alabdulkarim Alanoud R AmalKH شذى Meshael Alturki

Related users

jan99jan99jan99jan
hazdesi
Ahd F. Abdallah
Razan
noraxo2012’s Profile Photo noraxo2012
reham
rawan_bafail’s Profile Photo raw
Sultanah saleh
Lubna
Renad
montaha1356’s Profile Photo Montaha

انا انقبلت بكليتكم رسمتي بالاختبار كان لا بأس بها، بس دايم عندي خوف ان البنات اللي معاي افضل مني بكثير ومستواي رح يكون نازل وفي بنات بيكونون داخلين الكلية عن موهبة للرسم:( اخاف ما امشي

الكلية ما طلبت رسامات .. طلبت بنات يحبون الفن ويبون يتعلمون .. هم عارفين انكم طالبات جايين تتعلمون.. فيه ناس قوتهم في الرسم وناس قوتهم في التصميم وناس قوتهم في الافكار وناس قوتهم في تقديم المشاريع .. استغلي نقاط قوتك وشدي حيلك في نقاط ضعفك والأكيد ان مستواك الحين بيختلف تماما عن نهاية السنه .. بالتوفيق ❤️
9
Liked by: jan99jan99jan99jan Lubna H E S S A H noura ساره الخلف. شذى Sara mag Jawaher

طيب مافي رسمه او طريقه لتظليل الصح الي ممكن اتدرب عليها القيها بليوتيوب؟ ياليت تفيديني💔💔

اليوتيوب مليان مقاطع تعليمية .. ابحثي باسم pencil shading وراح يطلع لك كثير ..
وهذا فيديو قاعد يشرح التظليل على اجسام سهلة ..
https://youtu.be/q4ZvpnuF6oQCAD_Las’s Video 139603784616 q4ZvpnuF6oQCAD_Las’s Video 139603784616 q4ZvpnuF6oQ
مشاعل🌀
8
Liked by: reham Lubna H E S S A H Ghada تسَاهيل . Lama Ma Afnan

مرحبا ، انا ببدأ السنة الجاية سنة تأسيسة و متحمسه ع قد مو خايفه .. اذا ممكن تعطيني نصائح تفيدني ف اول سنة :( وشككراً مره

✨أهلا وسهلا
حلو .. بدايةً أقول لك مافيه شي مستحيل كل شي يقولونه ويطلبونه يتسوى .. بس الشطارة هنا كيف ممكن تسوين هالشي .. طريقة عملك هي الي بتحدد إذا كان التخصص صعب أو سهل ..
شخصياً كنت أشتغل على مبدأ *أسوي سكتش سريع للفكرة إذا أعجب التيتشر أعيده في البيت* وهذا خطأ فادح .. لأني كنت بهالطريقة اضيع ٥ ساعات في المحاضرة وأرجع أشتغلها في البيت وأروح مواصلة .. لذلك كان الترم الأول كابوس بالنسبة لي ماجا الإختبار النهائي إلا وأنا مقررة إني مابكمل الترم الجاي واني بقعد سنة راحة عن هالشهرين الي راحت .. مرت أيام الإختبارات طلعت الدرجات رجعوا لنا المشاريع أخذتهم وصفيتهم في البيت .. بحياتي ماحسيت بإنجاز كبر هالشعور الي حسيته كل مامريت منها بدال ما أنبسط لأن الاختبارات خلصت كنت متحمسسة للترم الي بعدة مع إن الإجازة كانت أسبوع بس رجعت وأنا متلهفة للبداية من جديد ..
لا تخلين البنات يحبطونك انه مافيه وقت ومن هالكلام الوقت متوفر بس السر في استغلاله ..على قد ماكنت منحاسة وأواصل كان فيه بنات يخلصون بحوث تسليمها الشهر الجاي ويقعدون فاضين بعد .. الشغل أول بأول أخذتي المحاضرة حاولي تخلصين شغلها في نفس اليوم عشان يمديك تمرين التيتشر نص الأسبوع تاخذين ملاحظاتها أضمن لك درجاتك وهي بتعرف أنك مهتمة والإنطباع الأول أهم شي .. يفضل يكون معك ورقة وقلم في وقت المحاضرة أي شي تحسينه مهم اكتبيه .. اعرفي أنه مافيه سؤال يجي في الإختبار إلا والتيتشر قايلته في المحاضرة .. المحاضرات ممتعة ركزي نص ساعة وترتاحين من المذاكرة في البيت .. عموماً هي درجات العملي أكثر بكثير من النظري بتكون سهلة إن شاء الله .. في المحاضرات قبل ماتبدون أي مشروع بيقولون لك جيبي صور .. لأن ببساطة التصاميم الي بتسوينها بتكونين جايبتها من مصدر مو من الخيال .. فحلو تحاولين تطلعين على مثل هالعناصر الي بتسهل لك التصميم .. هذا الي أتذكرة الحين وإن شاء الله بحاول أسوي ڤيديو تعريفي بالمقررات والمشاريع الي بتاخذونها في المستوى الأول رغم انها تتغير من ترم لترم بس الأساسيات وحدة ..

View more

8
Liked by: H E S S A H ترآتيـلْ ، * كُلنـا غزة . Slow! ساره الخلف. Deema Jawaher كلية الإدارة والأعمال حصة الحسن.

ممكن تتكملين عن اول سنة تصميم داخلي بتفصيل ؟

اول ترم بيكون عندك اربع مواد تخصص ثنتين نظري وثنتين عملي وسلم وانقلش .. المواد النظرية هي تاريخ التصميم الداخلي : يتكلم عن تطور المباني من العصر القديم للحديث واشهر قطع الاثاث ومميزات البناء في كل عصر .. الماده الثانيه نظريات التصميم الداخلي كلها نظريات واراء علماء بالتصميم .. الماده الثالثة نظم وصياغة التصميم الداخلي وبهالمادة تتعلمين فيها كيف ترسمين المخططات بشكل يدوي وتتعلمين الرموز المستخدمه .. والمادة الاخيرة المواد والعمليات : تتعرفين فيها على المواد المستخدمة للتشطيب في الارضيات والجدران والاسقف ووميزات كل ماده ووين تستخدم ..🙄في الترم الثاني عندك ثلاث مواد عمليه اللي هي استوديو سكني مشروعك فيها بيكون رسم يدوي لمخطط سكني وتأثيثه واخذ قطاعات وواجهات له .. الماده الثانيه تصميم ثنائي الابعاد بتتعلمين فيه على برنامج الاوتوكاد.. المادة الثالثه هي المواصفات وفكرتها انك تعرفين انواع النوافذ والابواب والتشطيبات .. بشكل عام تعرفين كيف توصفين للعماله الشي اللي تبينه وبيكون فيها مشروع تصممين قطعة اثاث ويتم تنفيذه..ومادة نظريه سلوك الانسان تجاه البيئة وعرب ومادة حره..
مشاعل🌀

View more

7
Liked by: Lubna Dalal Alanoud nd ساره الخلف. Amjad almutairi

ايش الاشياء اللي المفروض استعد فيها للسنه التأسيسية ؟

https://ask.fm/CAD_Las/answer/144475302312?utm_source=copy_link&utm_medium=android
حاليا أشوف أهم شي إنك تطورين رسمك، حتى لو كان التخصص اللي تبغينه ما يحتاج رسم كثير، بس لازم عشان السنة التأسيسية تحتاج رسم، وعندك مقرر الرسم واجبك ترسمين أربع صفحات في الأسبوع فلازم تتعودين ترسمين كثير وبسرعة.
Getting Started: Tutorials for Beginners: https://www.youtube.com/playlist?list=PLV2X3tgajVlEAo91iOj8w5YizC_fLULzu
Drawing Methods: https://www.youtube.com/playlist?list=PL2F0088896BBDEE72
وبعدين إذا حسيتي إنك تمكنتي من الرسم تعلمي الظل والنور:
Foundations of Light and Shadow: https://www.youtube.com/playlist?list=PLV2X3tgajVlHkH3FHxm3rLZWqScFTRhtv
دعاء 🌸
6
Liked by: hazdesi raw Lubna شذى ameera ✖ H E S S A H

ممكن تتكلمون عن تجربتكم في السنه التأسيسيه، ايش اصعب شئ واجهتيه ؟ وايش المواد المكثفه وكذا عشان ناخذ احتياطنا 💓💓

هذي تجارب البنات القديمة:
https://ask.fm/CAD_Las/answer/131514557096?utm_source=copy_link&utm_medium=android
https://ask.fm/CAD_Las/answer/132994270120?utm_source=copy_link&utm_medium=android
بالنسبة لتجربتي الخاصة:
*أهم شي لازم تسوين إنك تبعدين عن كلام البنات السلبي، أوقات كنت أحس إنه يمديني أخلص شغلي بس لما أسمع كلامهم يصير أستثقل الشغل وأحس مافي فايدة لأنه كثير مرة ولازم أرتاح إلى لما أبدا وأندمج بالشغل أستخف بنفسي لأني خليتهم يأثرون علي. فعلا لا تقولين أنا قوية وما راح أتأثر بكلامك مجرد تسمعين كلامهم راح يخليك مهمومة. وبالذات هالفترة لو تسألين أي وحدة ما انقبلت في التخصص اللي تبغاه راح تحسسك إنه هالكلية جحيم -شطحت شوي لكن هذا اللي قاعد يصير وألاحظه في البنات-.
*الشغل وقت الكلاس، راح تحسين كلامي بديهي لكن لما تجربين بتلقين النظام ساعة -أو بالكثير ساعتين- محاضرة والباقي وقت عملي، فأغلب البنات يشوفون العملي = راحة وسوالف، لين تتراكم عليها الأشغال ولا تلوم نفسها. أنا كنت منعزلة تماما عنهم فأخلص شغلي بوقته وأحيانا يزعجون الباقين بسوالفهم فكنت مضطرة ألبس سماعات "مع إنه ممنوع أظن" -هم أكيد يشتغلون بس مع السوالف تركيزهم يصير أقل وياخذون وقت طويل-.
النتيجة إنه بعد شهر بتلقينك خلصتي شغل كل محاضرة بوقتها أو تقريبا أغلبه، طبعا أكيد يحتاج تعديل يحتاج إضافات بس فرق بين اللي لسا باقي لها نص الشغل.
*احترمي خبرة الاستاذة، خاصة لو كانت تنتقد كثير، حتى لو كان ذوقها مو عاجبك في الأخير الدرجات بيدها وما راح توزعها على مزاجها -زي ما يقولون البنات-، هي راح تعطي اللي تشوفها مهتمة وحريصة وتاخذ بكلامها. مو البنت اللي تسفه كلامها وتسوي الشغل على ذوقها. بتقولين وحريتي وابداعي؟ بكل بساطة إنتي طالبة ومهارة إنك تتعاملين مع النقد تحتاجيها مهما كان مجالك، لا تسمعين اللي يقول الفنان يكون حر، خطأ. الفنان وراه جمهور ولا كيف بيلقى التقدير؟ المصمم يحتاج عميل كيف راح يتقبله العميل لما المصمم يسفه ويسوي الشغل اللي يشوفه؟ بالأخير الشغل له.
نفس المهارة هذي لازم تكتسبيها، وشخصيا أشوفها أهم حاجة تعلمتها في الكلية، أهم من كل النظريات والتطبيقات. لازم تتعلمين كيف تمشين مع آراء وأذواق غيرك حتى لو كرهتيها. بالنهاية فنك مو لك لوحدك، العناد ما راح ينفعك.
^ يتبع < باقي كثير 😂
دعاء 🌸

View more

6
Liked by: Ahd F. Abdallah Razan raw Lubna ameera ✖ Anoud 雨

لو تخصصت تصميم داخلي وش بتكون وظيفتي بعدين؟ قالو لي ماله مستقبل يعني لازم ااسس نفسي انا ويبغا لي راس مال و و الخ طمنيني الله يرضى عليك

لاتسمعون كلام ناس مالهم خبره بالمجال .. وخصوصا الكلام المحبط هذا .. انتي ابحثي بنفسك وشوفي اذا كان القسم مناسب لميولك وتفكيرك او لا ولما تكونين تحبين قسمك اكيد بتبدعين فيه وبيكون لك اسم حتى لو قلت الفرص قدامك انتي بتفرضين نفسك ..
وبعدين اكبر غلط ممكن تسوينه انك تشتغلين براس مال من البدايه وتحاولين تبنين لك اسم من نفسك ولوحدك.. من الافضل انك تبدين مع شركة وتكتسبين خبره ولما يكون عليك طلب ذاك الوقت اذا توفر عندك راس مال تطلعين وتستقلين بنفسك وبنفس الوقت تضمنين ان الناس عارفتك اصلا ..
وبالنسبة للفرص الوظيفية هذي هي .
مشاعل🌀
لو تخصصت تصميم داخلي وش بتكون وظيفتي بعدين قالو لي ماله مستقبل يعني لازم ااسس
6
Liked by: م ع ا ص ر شذى Aezoo Maha1 Lamya Hamad✨

ودي اتدرب عالرسم قبل يوم الاختبار بس مادري اتدرب على ايش بالضبط ايش تنصحوني؟؟

تدربي على اخذ الابعاد الصحيحة وطريقة توزيع الظل والنور وكيف رسم الملامس..
مشاعل🌀
6
Liked by: hazdesi H E S S A H Lama Rayda. شذى |a

انا ابدا ما اعرف ارسم ، كيف ابدا علمًا اني حاليا تحضيري وابغا اعرف لو الأساسيات عشان انقبل .

اممم ..هو لازم له ممارسة .. حاولي ترسمين كثير عشان تمرنين يدك انها تتحرك بسهوله عالورقة ،. افتحي مقاطع على اليوتيوب فيه اشياء تعليمية ارسمي معهم خطوة بخطوة .. وحاولي تتعلمين التظليل لانه يحلي الشغل 💖
سارة ✨
6
Liked by: jan99jan99jan99jan H E S S A H Lama Deema شذى نيفيل

لو سمحتي اناا ادرس لغات وحابه اخذ موادي الحره عندكم بس ماعندي خلفيه عن المواد حقكم يعني حابه اخذ مواد في قسم الرسم التشكيلي وتساعدني اني اعرف اساسيات الرسم ومو مهم كم مدتها اهم شي اطور نفسي لاني احب ذَا المجال)؛؟

هذا ملف شامل عن المواد الحره جميل ، يعدد لك المواد ويكتب لك اسماء التيتشرات وفيه بعد موجود شرح مبسط عن الماده وكم اختباراتها وهل فيها مشروع وكذا بتستفيدون منه كثير ان شاءالله💛💛
https://drive.google.com/file/d/0B_iCcpZT-zD-Njl3WEZCdDZrcUE/view?pref=2&pli=1
ساره 💛
5
Liked by: mem Rabah hessah009988 AmalKH Rahaf

سؤال الحين وش اكثر شي يرفع المعدل؟ اذا الرسم مو ممتاز عندي وش الاشيا الي اركز عليها ؟؟

- أول شي الحضور لا تستهينين بالمواد العلمية، لأن على كل غياب راح تنقصين على الحضور وتسليم الواجب اللي راح بوقته وتطبيقك في المحاضرة نفسها، يعني الغياب عندنا ينقصك ضعف الكليات الثانية. غير إنك ما راح تستوعبين الشغل وتضيعين.
- إذا حسيتي إنك ضعيفة من الحين عودي نفسك لسا يمديك، أو شوفي مشاريع البنات اللي قبل وحضري حتى ما يصعب عليك بعدين.
- تركيزنا كله عالمشاريع يعني أغلب المواد فيها 10 درجات عالحضور و15 عالبورتفليو وبالكثير 20 نظري وبعضها مافيه وأحيانا بحث والباقي كله مشاريع.
المشاريع مو أساسها الرسم بس بديهيا راح تحتاجينه كثير.
- من أول كلاس لما تبدين الشغل حطي كل طاقتك فيه، لا تقولين هذي البداية بعدين لما أستوعب أكثر بتطلع أفكار كويسة. ولا تقولين هذا المشروع الأول بركز عالنهائي. هم كلهم بنفس الأهمية.
- شخصيا أنا أمشي على قاعدة 20/80، "حاولت أطلع من وين قريتها بس نسيت" ابحثي عنها. عموما فكرتها إنه ال20% هي أساس باقي الشغل لو ركزتي عليها بيسهل عليك باقي ال80%.
ال20% هي الفكرة والتخطيط والتفكير والتحليل، هنا وقتها استشيري الاستاذة كثير ما راح يقصرون معك لو شافوك مهتمة، استشيري أهلك زميلاتك ابحثي عن أفكار مميزة، وخططي كويس ورتبي كيف بتبدين وكيف تشتغلين. بعدين ال80% اللي هي التنفيذ والتعديل. وبالتوفيق.
دعاء 🌸

View more

4
Liked by: noraxo2012 Lubna ameera ✖ hanan

تابع نصائح للسنة التأسيسية:

CAD_Las’s Profile Photoكلية التصاميم والفنون (لاس)
*استغلي وقت الفراغ، ولما نقول وقت فراغ مو معناته أربع خمس ساعات راح تكونين فاضية "لأن الشي هذا ما راح يكون موجود 😂".
أتكلم مثلا لما تنتظرين السواق أو الباص، أحيانا تداومين بدري أو تطلعين متأخر أو الاستاذة تتأخر، هذي الربع أو الثلث ساعة حرام تضعيها وإنتي عندك أشغال كثيرة. "وصراحة أكثر شي ساعدني هو إني أداوم بالباص فأوقات الخروج تكون موحدة، حتى لو طلعتنا بدري راح أنتظر وأكمل شغلي".
*بشكل عام تحتاجين تدربين عالرسم والتصميم لازم يدك تصير خفيفة وهالشي ما راح تكتسبينه إلا بالرسم الكثييييير من الحين حاولي تدربين نفسك على تصاميم بسيطة، تطلعين أفكار مميزة، ابحثي وشوفي مشاريع غيرك. حملي بيهانس "مرة ملهم لما تشوفين شغل غيرك ويحمسك عالشغل".
افتحي الفوتوشوب والاليستريتور "طبعا بتحتاجيهم الترم الثاني كثييييير، الأول مو مرة كان الأغلب الشغل يدوي".
*حاولي تعودين نفسك إنك تشوفين التفاصيل في كل مكان، النبات الحيوان السماء الجدران البوابات حتى السيارات والمباني كل شي ممكن يكون ملهم لك، وهذي نصيحة للفن بشكل عام مو بس دراسة.
*نصيحة نوعا ما خارج السنة التأسيسية: حاولي تتعمقين في فهم الفن والتصميم، اقري كتب عن الفن، راح تحبينه أكثر وتقدرين نفسك لما تقرين عن الفنون والحضارات.
*من الحين ما راح أقنعك إنه الحياة وردية بكليتنا، أكيد في ضغوط نفسية وكرف وتعب وأحيانا تنسين الأكل ونومك يقل وأيام راح تلومين نفسك ليش دخلتي هذي الكلية وراح تتسائلين عن أهمية المستبقل والحياة والوجود 😂😂
بس صدقيني كلها فترة وتعدي، صعب أقولك راح تكونين مرتاحة 100% لأن حتى لو كنتي مرتبة مرة إلا تنضغطين. بس التعب هذا كله راح يروح لما تشوفين نتيجته.
---------
*المواد: الترم الأول ثلاث مواد عملية:
نظريات اللون "من اسمها تتكلم عن الألوان وعلاقتها ببعضها"
الرسم "تتعلمين التظليل بالرصاص والفحم رسم الأشكال الهندسية، الطبيعة الصامتة، الإنسان والمنظور.
التكوين "بتدرسين فيها أسس وعناصر التصميم"
من الحين ابحثي عنهم خلي عندك خلفية حتى ما تحسين إنك ضايعة.
النظري: تاريخ الفن - الثقافة الإسلامية - التحرير الكتابي.
بالنسبة للترم الثاني راح تدرسين مقرر عن كل تخصص "أساسياته ومجالاته" وتاريخ الفن 2.
دعاء 🌸

View more

4
3
Liked by: Ahd F. Abdallah raw Lubna Anoud 雨

السلام عليكم .. اذا ممكن تعطيني كل اسامي البرامج المستعمله في تخصص القرافك ديزاين ؟

وعليكم السلام .❤
ادوبي فوتوشوب
ادوبي اليستريتور
ادوبي انديزاين
ادوبي افترافيكت
ادوبي دريم ويڤر
فاينل كت برو
اتوقع بس تقريبا هذي الاغلب اللي نشتغل عليها 💛🙏🏻
4
Liked by: Dalal Rabah Maha

ايش هي الفرصص الوظيفيه للتصميم الداخلي احس ماله هدف ؟

حبيبتي اذا انتي تشوفينه ماله هدف غيرك يشوفه مستقبل .. لكن انا راح اجاوبك واوضح لك وش هو التصميم الداخلي ..في التصميم الداخلي انتي راح تكونين مسؤولة عن كل التشطيبات الداخلية في المبنى سواء كان بيت، مستشفى، فندق، شركة، محلات او مطاعم .. المصمم الداخلي يستلم المخطط من المهندس ويبدأ يوزع افكارة فيه وكل مكان وش يحتاج اثاث او وش راح يكون وباستطاعته انه ممكن يغير بالمخطط باضافة او ازاله بعض الجدران على حسب حاجته للمكان .. انتي راح تستلمين المبنى فاضي مافيه لا ارضيات ولا فينيشنق للجدران والاسقف يعني شبه عظم وراح تكونين عارفه كل المواد اللي تستخدم للارض مثلاً من انواع الرخام او الحجر او الخشب وغيرها وكل مادة وين افضل مكان تستخدم فيه و راح تشتغلين على التصميم للمكان والالوان وتوزيع الاضاءة وانواعها والتهوية وبعدها تنتقلين للاثاث وممكن تصممين قطع اثاث خاصه بتصميمك لما تنتهين بالاكسسوارات.. اذا دخلتي مكان فخم وانبهرتي بجماله اعرفي ان هذا شغل المصمم الداخلي مش فقط المهندس .. لان المصمم الداخلي هو اللي نشوف شغله داخل المبنى.. نادراً تلقين مشروع بدون مصمم داخلي.. لانه تخصص متعلق بالهندسة ..وهذي الفرص الوظيفية له..
مشاعل🌀

View more

ايش هي الفرصص الوظيفيه للتصميم الداخلي احس ماله هدف
4
Liked by: nd جيلّو . Amjad almutairi

يعطيك العافيه يارب وانا شاء الله اشوف شوي في اليوتيوب ...نجيب معنا نوع من الاوان في الاختبار؟

لا بس أقلام الرصاص هذي
العنود 🍃
يعطيك العافيه يارب وانا شاء الله اشوف شوي في اليوتيوب نجيب معنا نوع من الاوان في
4
Liked by: hazdesi AmalKH R jw

بسأل مشاعل بخصوص التصميم الداخلي اللي ندرسه بالتأسيسي هل هو أصعب أو أسهل من التخصص ساعديني الله يعافيك لأني مره محتاره وأبي أعرف منك خصوصاً برسم المنظور حست فيه مره ف اخاف أدخل داخلي وأتوهق مع أنه رغبتي ف كيف هو أسهل أو أصعب لأن فيه ناس يقولون الجرافيكس التخصص أسهل من جرافيكس التأسيسي!

قد جاوبت حبيبتي على نفس سؤالك .. بشكل عام التخصص اصعب وادق بكثير لكن اخف ضغط من التأسيسي ..
مشاعل🌀
بسأل مشاعل بخصوص التصميم الداخلي اللي ندرسه بالتأسيسي هل هو أصعب أو أسهل من
4
Liked by: ساره الخلف. . موزع لايكات وهدايا

كلاسي 1406 في اي مبنى A7 ولا A8 و كلاسي الثاني 806 في اي مينى ؟

سألتونا كثير عن هالشي ..
مبنى التصاميم والفنون طوووويل ماخذ مكان كليتين .. يعني بتلقين كل كلاساتك في مبنى واحد .. لما تدخلين من جهة A7 اول ممر بيكون ٢٠٠ واللي بعدة ٤٠٠ -٦٠٠ -٨٠٠ وكذا يزود لما توصلين نهاية الكلية من جهة A8..
مشاعل🌀
4
Liked by: swiif. ساره الخلف. Omar al Meshael Alturki

لو سمحتي شرائك بقسم تصميم والازياء تنصحيني اقعد فيه ولا احول ؟

شوفي حبيبتي الحلوه 😍
انتي اولاً واخيراً واهم شي وبالخطوه الاولى الي لازم تفكرين فيها
هل هو هوايتك هالاشياء ؟ تصممين وتحبين الفاشن وهذي الاشياء
اي شي تحبينه راح تمشين فيه وراح تبدعين يعني انتي لما تحبين شي هو راح يحبك
انا بقسم تصميم الازياء
مستمتعه فيه مرا مع العلم انها ماكانت رغبتي في البداية لكن استخرت ودخل قلبي وصرت احبه لدرجة ماتتصورين
تجيني صعوبات بدراستي بس لاني حابه هالشي عادي مستمتعه
ف انتي اهم شي في الموضوع حبك للشي
اذا حابته صدقيني راح تستمتعين فيه بشكل ماتتصورين وراح تكونين فخوره بنفسك على اي شي تسوينه 👌🏼💕
شذى
4
Liked by: H E S S A H Rayda. شذى ريـم

السلام عليكم. الحين انا بثاني ثانوي وان شاءالله يارب بدخل تصميم داخلي (الله يكتب اللي فيه الخير لنا جميعا) فا ايش الاشياء المهمه اللي لازم اتعلمها خلال هالسنتين هذي عشان يتسهل عليّ دخول الجامعه والقسم هذا يعني من ناحية الرسم واللغه وش احتاج من مهارات ؟

استغلي الوقت وحاولي تكتسبين مهارة الرسم قد ما تقدرين. لأنه السنة التأسيسية تعتمد كثير عالرسم ووقتها راح تكونين مضغوطة وما يمديك تطورين نفسك مثل الحين.
دعاء 🌸
3
Liked by: jan99jan99jan99jan Montaha Lubna

لو سمحتي فيه مكاتب ارخص من جرير؟ اذكر فيه مكته قالو البنات

فيه مكتبة الشرق وشارع عطايف اغلبه مكتبات تكون رخيصه ✨
ساره💛
3
Liked by: Lubna Aljoharahaltamimi Aisha

Next

Language: English

4.1

1,266,418 reviews
© Ask.fm 2024