قرات اغلب اجوبتك .. افكارك و طموحاتك من عالم تاني .. خايف تتكسر هالشخصية عند اول مطب حقيقي بلحياة .. صديقتي فوتي عالواقع اكتر .. اتعلمي اشيا جديدة .. عدلي افكارك .. نحن مو بمدينة افلاطونية و لا بكوكب مثالي .. اوعي اكتر .. افتحي ابواب جديدة ع حالك لا تبقي بالاوهام ..اختاري نوع اخر من الكتب كي تقرايها
فكرك لسه ما واجهتني مطبات و مواقف وسخة..! أو فكرك ما بعرف أديه مجتمعنا أبعد ما يكون عن المثالية..! بس إذا كل واحد بدو يغير مبادئو و أخلاقو عند أول مطب.. و يتأقلم مع الواقع.. بصير الكل وسخين متل هالواقع.. إذا العالم مو مثالي.. فيه الواحد يبدا من حالو.. ما رح يصير مثالي.. بس أقرب ما يكون إلها.. و بعتذر..أنا متصالحة مع حالي كتير هيك.. و مو بحاجة حدا يقيمني و يقيم أفكاري.. و مو بحاجة نصيحة.. خاصة من حدا ما عندو الجرأة يحكي باسمو..
كفي حياتي مع اللي بختارو و بحبو.. و لما أوصل لآخر لحظة بحياتي.. ما حس بالندم على شي.. غمض عيوني و أنا راضية على اللي وصلتلو.. كون إنسانية أولا و طبيبة ناجحة ثانيا..
يقال بأن الشعر الموزون هو من اختصاص الشباب أكثر وانو البنات كتير نادرات بهالمجال وانو هن أقرب للرواية والمقالة والشعر الحديث وهاد الشي واقعي وحقيقي فأسماء الشاعرات قليل ؟؟
ما رأيك؟؟وما هي نظرتك للفتاة الشاعرة؟؟
#جماعي
يمكن فيه شي من الصحة.. الأنثى غالبا بتهتم بتوصيل عاطفتها و مشاعرها.. و بساطة التعبير والأسلوب بتوصل الفكرة للقلب أكتر.. أما الذكر.. بالإضافة للفكرة بحب فرد العضلات و إظهار إتقانو لفن البديع و بحور الشعر و كم المفردات الجزلة اللي بيمتلكها.. و بالآخر التعميم غلط.. و هاد بضل رأي شخصي..