ضع هنا ~•~ ما تشاء 😍🌹 لك ♡~♡
في حاجات بسيطة. بسيطة جدًا بتفرق معانا بشكل كبير، حاجات زي الرسالة اللي بتوصلنا بـ "ازيك واحشني" ونكون مستنيين بعدها حاجة تانيه فنلاقيهم بيقولولنا "أنا قلت أطمن عليك بس صباح الفل"، زي "خلي بالك من نفسك" اللي بتتقال بشكل تلقائي علشان تعبر عن حب أكثر تلقائية، زي الرسالة اللي بتوصلك من حد كنت نسيته علشان يقولك في آخرها "انت عمرك ما روحت من بالي"، زي المنشن اللي بنعمله لبوست قابلنا صدفة علشان نقول لحد قريب أنت هنا في كل حرف. في كل وصف. علشان نقوله أنه قريب من القلب لو كان في أبعد نقطة من الكون عن عينينا، حاجات بتكسر مفهوم البعيد عن العين بعيد عن القلب. بتكسر مفهوم ان البعد بينسي الأحبة، حاجات زي عفويتنا مع ناس بعينها. زي كل لحظة جنان. زي كل فعل بنعمله ونضحك بهبل. زي ضحكنا مع وجود أشخاص بعينها في الحاجات اللي كان طبيعي تزعل، زي يوم النتيجة اللي مكنتش كويسة فقلت بعدها لصاحبك وانت بتضحك "يا سطى تعالى بقى نضرب طبقين كشري"، زي صاحبتك اللي بكيتي في حضنها يوم فرحها من السعادة، وزي الصحاب الجدعان اللي بيزعقولنا بعد موقف غلط بدافع الحب فنزعل فيجوا يصالحونا بـ "ياض انت حبيبي والله"، فنضحك بكل سهولة، في حاجات كتير بسيطة. بسيطة جدًا قدرت تفرق في يومنا. وأحيانًا في كامل عمرنا.. تصبحوا على خير.
Liked by:
آيّهِ بّـنِتُ عَ ـآدُلَ
