لو حد حسيت/ي انه بيعاملك وحش هتفضل/ي تكلمه وتسامح/ه ولا هتقطع معاه؟
لا طبعا هسامحه لان دى اخلاق الرسول وهقطع معاه ليه ملهاش لازمه احاول اتجنبه سلام عليكم ..عليكم السلام دايما الواحد لو خد قرار ساعه الغضب مبيفكرش او تفكيره بيبقى انتقامى بس لو استنى بس عشر دقايق هيعرف يتصرف كويس ولازم نعرف ان كل واحد ليه تفكير معين وساعتها اللى سامح ده هيحس انه كبير وان مش اى تفاهات تهزه ورسولنا الكريم اساءوا اليه كتير وعلى الرغم من ذلك مغلطش فى حد او قطع علاقته بحد خلى الرسول قدوتنا
الأخ ليه الحق يفتش موبايل اخته وياخد منها باسورد الفيس؟وليه؟
هو عادى لو بارادتها وهى موافقه وياريت يكونو صحاب دى حاجه كويسه بين الاخ والاخت او بين الاب والبنت لو هى مش موافقه من حقها بس مش لازم عدم موافقتها يتبرر بان هى بتعمل حاجه غلط او بتخبى حاجه ساعات البنات مبتحبش التحكم او بتعتبر دى خصوصيه او عند وبس حتى ولو على اخوها لان هى مش هتقدر ان هى تفتش فى صفحته كل دا طبعا لو هو مش شاكك فيها انما لو شاكك او فى علامات مثلا ان فى حاجه غلط يجبرها بس الحل الامثل انه يصاحبها بجد وساعتها هيعرف كل حاجه عنها و ميخوفهاش لما تحكيله حاجه وينصحها براحه ودى مشكله معظم البنات انها مش بتلاقى الصديق او الصديقه فى البيت فبتطلع بره لان كل حاجه فى البيت تهزيق وعيب ومفيش حد يسمعلها