من وين اطبع استمارة التقديم واستمارة الرغبات الي قدمتها في التسجيل
تقدري تطبعي فقط أستمارة القبول اذا قبلتي عن طريق هادا الرابط وليس أستمارة التقديم او الرغبات فهادا مو متاح لك تطبعيه https://t.co/lT7nyPrhd9https://t.co/NZQkt7Vmql للاستفسار اكثر راسلي حساب القبول والتسجيل بتويتر الاء
لو سمحتي ايش وظائف تخصص الاحصاء وهل يختلف عن تخصص الرياضيات؟
الاحصاء هو أحد فروع الرياضيات الهامة ذات التطبيقات الواسعة. يهتم علم الإحصاء بجمع وتلخيص وتمثيل وايجاد استنتاجات من مجموعة البيانات المتوفرة، محاولا التغلب على مشاكل مثل عدم تجانس البيانات وتباعدها. كل هذا يجعله ذا أهمية تطبيقية واسعة في شتى مجالات العلوم من الفيزياء إلى العلوم الاجتماعية وحتى الإنسانية، كما يلعب دورا في السياسة والأعمال.الفرص الوظيفية : الحصول على درجة جامعية في مجال الإحصاء ، يسمح للخريج بالعمل فى مجموعة هائلة من الوظائف..منها على سبيل المثال : أبحاث الأسواق ، المصارف والبنوك ، التامين ، المؤسسات المالية ، البورصة ، التحليل المالي والإقتصادي ، المؤسسات البحثية العلمية ، المراكز الإدارية ، مراكز استطلاع الرأي الخ..خصوصا ان اغلب الابحاث التربويه او الاجتماعيه سواء ماستر او دكتوراه والباحثين عامه الذين يعتمدون على الاحصاء يستعينون غالبا بمختصين احصائيين لانهم اهل اختصاص بهذا المجال اكثر منهماتمنى لك التوفيق 🌹🌹الهنوف
انا انقبلت في سكن وادارة مؤسسات مررا خايفه منو كيف صعب سهل سمعت انو مو معترف بوزارة خدمه مدنيه فيها ايش مستقبلي وظيفي ؟؟ ابغى اجابه بالتفصيل
اهلا عزيزتياكيد كل تخصص فيه السهل و الصعب لكن بصفه عامه تخصص مره جميل و ممتع يهتم بكل ما يتعلق بالأسرة وإدارة مواردها البشرية والمادية ، مع تأكيد القيم الإسلامية ، وذلك للإرتقاء بمستوى معيشتها مع تفعيل دورها في النهوض بالمجتمع . هذا بالإضافة إلى الإهتمام بإدارة مؤسسات الإعاشة السكنية للفئات الخاصة ( كدور المسنين ، دور الأيتام ، دور ذوي الإحتياجات الخاصة ..وغيرها) ومؤسسات ومراكز خدمة المجتمع من أجل الإرتقاء بمستوى الأداء ولرفع مستوى الخدمات المقدمة بهذه المؤسسات.طبعا التخصص معترف به من الخدمة المدنية و هذه بعض الفرص الوظيفية العمل كمشرفة إدارية وفنية بمؤسسات الإعاشة المختلفة بالمجتمع للارتقاء بمستوى الأداء للخدمات المقدمة بهذه المؤسسات العمل كموجهة وكمرشدة في مجال خدمة المجتمع (بالدورات التدريبية ) للارتقاء بمستوى الوعي الإداري والترشيد الإستهلاكي العائلي لجميع فئات المجتمع . العمل كموجهة في الجمعيات والمراكز النسائية ومراكز التوعية الإسرية . العمل كمعدة للمادة العلمية في وسائل الإعلام المختلفة وخاصة بالبرامج الموجهة للاسرة والمرأة . العمل كمشرفة إدارية في تخطيط وتنفيذ الحفلات العامة والخاصة . العمل كمديرة لإحدى المؤسسات والمشروعات الخاصة
شكرا لكم لمساعدتكم ❤
كنت بسأل كم أسعار مواد تخصص التفسير وعلوم القرآن ممكن تذكرونها
أهلاً عزيزتي ، أسعارها متفاوتة لكنها عموماً رخيصة ، أغلى كتاب مر علينا للآن 160 ريال ، وممكن تجنباً لكلفته تصورين الجزئية اللي عليكم ، لأن أحياناً يطلبونك كتاب والمطلوب جزئية بسيطة منه .. موفقةأسماء السفياني
بسالكم اللي عندو لوكر من قبل ، متى نسلم مفتاحه( قالو حيعلنو ولا اعلنو ،، هل بداية الدراسة ولا كيف،؟
وانا كنت ناسيتلي حاجه فيه ااقدر اخذها ولا اترمى كلو خلاص
المفروض المفتاح تسلمي قبل ما ينتهي الترم لانهم يجددو الاقفال كل بداية ترم اما استئجار اللوكر حيكون بداية كل ترم عادةً تاني او تالت اسبوع بالدراسة الاغراض اللي باللوكر تلاقيها بمكتبة دار المنار اسألي عنها وهي توريك كراتين فيها كل الاغراض 💗 "لجين" 💛
السلام عليكم بسألكم عن تخصص تربيه خاصه كيف دراستو سهل ولا و كيف الدكاتره ابغا اعرف كل شي عنو .
وعليكم السلام و رحمة الله اول شي تخصص التربية الخاصة بشكل عام هو تخصص سلس دراسياً ولكن يحتاج مران . والتخصص تخصص إنساني قبل ما يكون مهني حتتعاملي مع فئة مميزة راح تشوفي انجازك و جهدك وتعبك في تغيرهم للاحسن -عدد سنوات الدراسة : ٤ سنوات ، السنتين الأولى تربية خاصة عام ، السنتين الأخيرة تحددي مسارك (التخصص الدقيق) راح ارفق لك صورة لخطة السنتين الاولى الي قبل ما تتخصصي - المسارات المتاحة بجامعة طيبة للآن : إعاقة عقلية ، صعوبات تعلم ، توحد ، اضطرابات النطق و التخاطب . - طبيعة الدراسة بجامعة طيبة : المواد اغلبها نظري لكن بعض المواد تحتاج عملي (تطبيقي) وتقريبا الكتب حتحسي ان الكلام متكرر لكن بتوسع كل ما تتقدمي في المستويات وإن كان يحتاج منك بعض الجهد في المذاكرة وهذا أمر طبيعي بكل تخصص بالنسبة عن التعامل مع الدكاترة ولله الحمد سلس ومرن 💛( اريج كمال ) & ( رويدا السحيمي )
1..هل كتب قسم التفسير غالية وكم أقصى سعر للكتاب؟
2..هل يحاسبوا الدكاتره والمحاضرات على الكتب من اول اسبوع؟
3..هل يمكن تأجيل الدفع إلى حين توفر المال؟
وشكرا🌹
لا ياقلبي اسعارهاكويسه. تتفاوت لكن ماهي غاليه الافضل انك تشتري الكتب بعد مايبلغونك الأستاذات علشان تكوني متابعه معاهم بالمنهج تعرفي ايش اخذتي او انك تصوري الفصل الاول من الكتاب الى ان تشتريه هند الاحمدي🌹
تخصص دراسات اسلاميه كيف كويس ؟ وكم نسبه وقفت هالسنه
اهلا وسهلا التخصص جمميل ومُمتع اذا حبيتيه بتمشي فيه ، والمواد فيها تخصص ومواد عامه مثل الأنجليزي والعربي والقرأن الكريم ، وتقريبا كلها أشياء سبق ودرستيها يعني بإذن الله سهل بس حبي التخصص من كل قلبك واجتهدي خصوصا بالترم الأول لأن سهل جدا تجيبي معدّل فيه يعني لو شديتي حيلك تجيبي الـ ٥ إن شاء الله وانتِ مغمضّه وبخصوص النسبه وقفوا تقريبا ٨٤ . اي سؤال تفضلي 💕 العنود محمد🕊💜
https://m.facebook.com/groups/502701826540205?view=info&refid=18 دا رابط القروب حق السنه التحضيرية في الفيس بوك للعام ، و كل سنة في نفس القروب حيسولكم قروب لدفعتكم ادخلي و شوفي حيفيدك كتير و من خلالو مع بداية الدراسة حتعرفو شعبكم و تقدرو تكونو في قروب واحد ، غير كذه فيلو تجميعات للسنين اللي فاتت " اريج التوخي 💜 "
يسعد مساكم ....
ممكن تتكلموا عن تخصص الحقوق
وايش الوظائف االموجودة له
ومساك اسعد عزيزتي زي مابقول دايم الحقوق غير عن اي تخصص فرصتك الوظيفيه ف الحقوق انتي تخلقيها مداك تسيري محاميه في مكتبك الخاص او مكتب عام او تسيري مستشاره قانونيه شخصيه او مستشاره قانونيه لشركه وفروع القانون كثيره ف مداك تتخصصي في الماستر دولي فرضا او احوال شخصيه او تجاري ف تكوني اكثر تعمق وتنخلق فرصتك اكثر موده ابراهيم
السلام عليكم
معدلي ٤،٤٨ وقفت المكافاه و باقي لي ٦ ساعات على التخرج هل يحق لي التقديم على الاعانة؟وكيف؟
ايوة ، الاعانه تحق لكل طالبه م عندها مكافاه بسبب معدلها او انتهاء المده النظاميه للمكافاه ، والطريقه من صفحتك في الموقع تدخلي عمادة شؤون الطلاب وبعدين خدمات شؤون الطلاب وبعدين طلب قرض او اعانه ، والاعانه لها اوقات محدد مو ع طول مفتوحه ودايماً استاذ جمال الاحمدي يكتب متى تفتح ، @gamal1400 تقدري تشوفي حسابه ف تويتر مرام الحربي
السلام عليكم انا مستجده في كلية علوم وهندسة الحاسب ابغى اعرف اي شيء عن التخصص من طريقة شرح ولغة ودكاترة واماكن المحاضرات وغيره وشكرا
التخصص عبارة عن علوم الحاسب بشكل عام ماعندنا هندسة بالنسبة للبنات بعد اول سنة يتفرع التخصص لاتنين تختاري تتخصصي اكتر في علوم الحاسب ولا نظم معلومات علوم الحاسب عبارة عن لغات برمجة (حاليا ماناخد الا جافا ) و شبكات حاسب و تنظيم حاسبات و هندسة برمجيات و الأنظمة الذكية وخوارزميات ومواد كتير تانية مختصة في علم الحاسب ومواد الرياضيات في علوم الحاسب تكون اكتر نظم المعلومات ما اعرف عنو كتير بس اعتقد انو متعلق بالإدارة والنظم والبيانات اكتر انا مني متخصصة فيه الشرح يختلف من دكتورة للدكتورة بس الغالب في البداية الشرح بالعربي والمناهج انجلش في بعد فترة حتصادفي شرح بالانجلش كتير القاعات ف الجزيرة و مبنى الفصول والتي في ع حسب جدولك .. نداء ياسين
مرحبا ، انا لسا انقبلت عن بعد في جامعه طيبه لكن مااعرف اي قسم ، ممكن احد يقوللي طريقه اعرف القسم الي انقبلت فيه ؟!؟!
اهلا ّّ.. الدفعة الاولى نزلت الاسماء حقتهم مع تخصصااتهم .. 👇👇من هنا تقدري تشوفيها https://t.co/8tdVmsifKlالدفعه الثانية لسا . اذا عندك مشكلة او نسبتك مقبولة وما نزل تخصصك و دفعتي الرسوم تقدري تعدلي الخطأ بنظام المعاملات و تقوليلهم كمان لهم حساب فالتويتر 👇👇@Taibahudlوبالتوفيق (دعاء الجهني )