طب والعمل؟
مش عارف
What others replied to:
طب والعمل؟
show all (24)
ربنا كبير ?
نقشر بصل ??
صلوا علي النبي ?
مش عارف ?
نبيع جزر
نجيب لطامه بالكهربا☺
اركب جمل ?
مش عارفة😂😂
ف اية :(
العمل عمل ربنا ، دا اللي قالهولي الدكتور ، إحنا كان قدامنا حلين ، إما نضحي بالجنين أو نضحي بالأم ، فإضطرينا في الآخر نضحي بالأب ، بس ياسيدي وراحت معيطة ولمت هدومها في الشنطه النبيتي المركونه فوق الدولاب اللي كنت جايبهالها - حار ونار في جتتها - ، وقالتلي أنا رايحه عند أمي ، يابنتي يهديكي يرضيكي ، أبداً أنا هروح عند أمي وابعتلي ورقتي علي هناك ، قولتلها طب والعيال وكوم اللحم اللي جوه دول ، قالتلي اشبع بيهم ، قولتلها طب والعيش والملح اللي مابينا ، قالتلي كله بيروح في الحمام ، قولتلها طب والعِشره ، قالتلي هانت عليك قبل ماتهون عليا ، وراحت قافله الباب وراها وماشيه ، قولت اسيبها شوية يمكن تهدا لما تروح عند امها ، مع اني عارف امها وليه شرانيه وهتقومها عليا ، بس قولت يمكن تعدل المرادي ، جيت بليل بكلمها في الموبايل كنسلت عليا ، روحت متصل علي الأرضي ، امها ردت عليا قولتلها هاتي مراتي اكلمها راحت قايلالي مبقتش مراتك خلاص ، قولتلها بس هاتيها بس اكلمها وبعدين اعملي اللي انتي عاوزاه ، اديتلها فبقولها ليه كل ده مش فاهم ! ، كل ده عشان قولتلك اني مبحبش السبانخ ! ، خلتص ياستي هاكلها طالما من ايدك ، بس ارجعي عشان العيال عمالين يعيطوا من الصبح ومش عارف اسكتهم ، قالتلي عشان تعرف انا بتعب قد ايه في البيت ده ، بكنس واطبخ وانضف واروق واكوي والبس واربي وانت ولا انت هنا ، قولتلها خلاص عرفت قيمتك ، تعالي بقا وخلصيني ، قالتلي لا لازم تيجي تاخدني من بيت امي معززه مكرمه وتتأسفلي كمان ، رديت عليها وانا بحاول اتمالك اعصابي عشان مانفجرش في وش امها قولتلها خلاص ماشي.
بس كده ياسيدي ، من ساعتها وانا بسأل نفس سؤالك ده ، طب والعمل ؟ ، هنفضل كده كتير ؟ ، هتفضل تتقمص من أقل حاجة كده وتقولي طلقني ؟
بس الحمدلله لقيت الحل ، ولعت في الشنطة النبيتي 😂
بس كده ياسيدي ، من ساعتها وانا بسأل نفس سؤالك ده ، طب والعمل ؟ ، هنفضل كده كتير ؟ ، هتفضل تتقمص من أقل حاجة كده وتقولي طلقني ؟
بس الحمدلله لقيت الحل ، ولعت في الشنطة النبيتي 😂