Being here و مش عارفة ايه اللي دخلني هنا.. من فترة كان الأسك مكان حلو جداً بالنسبة ليا حاليا بقي تفاهات و عرفت ان تكتب او متكتبش رأيك مش مهم شوية كلام مع نفسك😁
ما الذي تحب أن تغيره في شخصيتك ؟
لا شيء
ماهو افضل سن للزواج برايكم ؟؟
لما تكون مستعد و مهيأ نفسيا و مادياً و معنوياً و تدرك انها خطوة كبيره جداً و حياة كاملة
اية اكتر حاجة نفسك تعملية دلوقتي
To do what I have to do 🤷♀️
- تعاني من التفكير المُفرط لدرجة الأرق؟❤️
أرق و تفكير مفرط مع قلب أحمر!! Error 404 😅 Don't mix و
| هل سبق وتعرفت على شخص اعتقدته محترم لكن اتضح العكس؟🙍🏻💔
المظاهر والكلمات خادعة بس العلامات بتكون واضحة لكن الغشاوه بتاخد الدور المسيطر في المسألة و بتتجاهل كل العلامات.
هل فعلت مصائب في طفولتك ؟ اذا نعم ، تحدثي هنا :
لا أعتقد ذلك 😅 كانت طفولة هادية والشعر معمول قطتين وبراءة كده😂🎈 وورد وضحك و حاجات حلوه 😌❤️
هل مسامحة شخص بالرغم من كثرة اخطاءه تعتبر طيبة أم غباء ؟ و لماذا ؟
سذاجة زيادة عن اللزوم هتلبسك في الحيط و هتلاقي نفسك محاط بتراكمات و أذي نفسي مش هتتقدر تتعافي منه بسهولة.
- آخر دولة زرتها ومتى؟📮✨
كان نفسي أجاوب و اقول لفيت مصر حته حته أو حتي المنصورة لكن أنا بائس مش بتحرك غير في محيط محدود جداً 😁💔
ما الحل مع الشخص الذي لا يقبل أن تُعامله بالمثل؟.
السؤال فيه حاجة غلط لأننا بنعامل الأشخاص بأسلوبنا و تفكيرنا احنا مش اسلوبهم هم علشان نرد عليهم بيه ( كن كريماً طيب القلب رحيماً قدر استطاعتك فإن لم تقدر علي ذلك ففي الترك خير)!
مش عارفة ده إيه بس هعتبرها مساحة - من فترة مش قليله مبقاش عندي إجابه لأي سؤال و لا حتي أي كلام افرغه هنا أو ف اي سوشيال تاني في بال كده ( Nobody care even i😅)
حدثوني عن حقيقةٍ أثبتتها لكم الحياة ولا زالت تُثبتها حتى الآن !؟
الحقيقة الوحيدة اللي أعرفها دلوقتي أن كل ما الرقم ده بيزيد نبضات قلبي بتزيد و بدعي ربنا أن الفايل ميضربش و ربنا يستر D,,:
بعيداً عن الحب و التعلق أنا بحب جداً الناس الي بتتكلم لما تشوف اي حاجه حلوه قدامها و تظر للطرف التاني الإعجاب ده حتي لو حاجه تافهه ( الشخصيات دي بتmade my day جداً💚 )
آكل ما يعحبني و ألبس ما يعجبني بردو عادي يعني و لا هيحصل حاجه 😅
يخطئ القلب لحظة فيعاقبه العقل سنين. تتفق؟
علي حسب تقييمك للعقاب ده و هل هو مفيد فعلاً و لا مجرد نوع من أسلوب جلد الذات و لا يفيد في أي شئ! و لا التجاوز هيكون أفضل في أوقات معينة! كل واحد و تفكيره بقي و طريقة تعامله مع نفسه!
حاجة جميلة:
مش جميلة أوي و الحروف لسه مش مظبوطه 😅 بس بحب أي محاولة ليا ❤💚 و حبيها معايا 😂😂
صباحكم خير..
هل دائمًا ما تكون الخُطى في طريق القلب مؤلمةً؛ فنسير ببعض الألم فقط وراء عقولنا في البداية ثم ننسى؟
أم أن الوفاء لما بالقلب حقٌ لنا قبل أن يكون واجبًا علينا؟
مش عارفه ده صباح و لا مساء بس هو خيرُ بإذن الله.. النفس بشكل عام تميل علي حسب هواها ممكن نسير في طريق صح و ممكن العكس و غالباً ميزان الهوي بيمشي في الطريق الخطأ؛ ممكن نقول اننا عايشين علشان نغلط و نجرب و نقع و نقوم، احنا بشر طبيعيين هنتعرض لفترات سقوط و ضعف شديد جداً و فترات تانيه هتكون أصفي و أهدي الفترات دي غالبا بيحصل فيها تقييم للي فات المهم لما نقع في غلط او شئ من هوي القلب نتعلم من الخطأ ده و نتجنبه إذا نفسنا دفعتنا ليه تاني و هنا يجي دور الوفاء للقلب اننا منعرضش انفسنا لنفس الخطأ بنفس الطريقه و نكون اخدنا تحصين و ازددنا وعي أكبر لتجنب تلك الخطي المؤلمة ( و ندع الله الصراط المستقيم ) في النهاية ( لسنا معصومين من الخطأ - نخطئ لنتعلم مما سبق - نجتهد و نجاهد أنفسنا لنحفظها - لأنفسنا حق علينا ألا نرهقها في الكثير من الزلات - احفظ قلبك و نفسك قدر المستطاع و جاهد لتشعر بأنك أنت )