@Eman9467

♥ بَـلَّسم الرُوح ♥

Ask me anything Follow
Ask @Eman9467

Sort by:

LatestTop

Previous

للطفك حديثك ياإيمي ياجميله ??❤

في ناس مش بيتكلموا معاكم غير وقت مايكونوا محتاجين منكم حاجه .. !!
الناس دي مش شرط تكون وحشة او بتاعه مصلحتها زي ما بيقولوا لاء خالص .. كل ما في الأمر إنه ملقاش غيرك يظن بيه خيرا انه يساعده .. لكن الوحش هو ردة فعلك لو كان في إيدك تساعده بس رفضت تقدم المساعدة دي لمجرد تفكيرك في إنه لم يتذكرك إلا عند حاجته .. ?^^*
أحب الناس إلى الله أنفعهم للناس .. ????
85
200
Liked by: Esraa Abdellatif دُعااااء... Mony Ahmed ĜħẳđễễŘ هنوش ♥️ عُلااا نَـــــــــــدا Mariam Habiba alii ♡ Rahôôf "ام غمازاتہٰ"

??

و عندما سئل لماذا هِي الاقرب الي قلبك .. ؟!??♥
قال بحب لا أعرف ، لكنّها تُساهم مساهمة فعّالة في شفائي، أستطيع أن أصف شكل قلبي بدقّة كبيرة عندما أنغمس في الحديث
معها .. إنه يضيء .. ?????♥
67
200
Liked by: Esraa Abdellatif Khloud Sara Ahmad♥ Eman Reda Mαι ĜħẳđễễŘ دُعااااء... Eman Nassem امل بَتـوٰل مـحٓـمّـد
+44 answers in: “Theared For ??”

Related users

esraaa362001’s Profile Photo Esraa Abdellatif
younes9245684’s Profile Photo Younis Mamdouh
esraaelsayed735’s Profile Photo موجود علشان أسمعك (':
amalosama123’s Profile Photo شَغَفْ
emanhassan1096’s Profile Photo عائش ❤️
hadeerk710’s Profile Photo ديرااا...^_^
بنت الآكرمين
sohilaosamaa2073’s Profile Photo I S O L A T I O N

شئ قرأتوه وأعجبكم ؟❤

ماتمشيش وتسيبها!
ودي كانت من ضمن الآداب الاجتماعية الجميلة الي اتعلمتها مؤخرًا من شيخي، الشيخ أنس، لما تكون ماشي مع أمك أو أختك أو زوجتك، وقابلت حد تعرفه، وعايزك في كلمتين، إياك تسيبها واقفة مع نفسها كده وتروح في الكلمتين دول! = عيب/ اعتذر من الشخص ده بأدب وتقوله معلش معايا زوجتي/أختي ينفع نخليها وقت تاني أو تبعتها ليا في رسالة أو إيميل؟ أو نتقابل ونتكلم براحتنا أو لو ضروري، في فرح مثلا، يبقى الأول تبحث عن صاحبة لها أو حد تقعد معاه وتطمن إنها مش لوحدها، وتروح تخلص حاجتك بسرعة وتتفتخر بيها قدام الناس، ماتكسرش بخاطرها.
والأفضل ماتكلمش حد شفت معاه أحد محارمه إلا للضرورة القصوى!
.
كذلك لو إنتو 3 صحاب، ماتُسرّش بحاجة لواحد وتسيب التاني، ولا حتى إنك تتكلم بلغة أو رمز يفهمه أحدهما ولا يفهمه الآخر، ولا تُكثر من الحديث في أمر يهم أحدهما ولا يهم الآخر.
ولو في محاضرة ما وكلكم قاعدين في صف واحد، وجه شخص جديد مش لاقي مكان في الصف، فهيرجع ورا في صف جديد = إما تروح تقعد معاه أو تطلب من واحد أو اتنين يرجعوا يقعدوا معاه.
دي من السُنن الجميلة جدا الي علّمها لنا النبي مراعاة لمشاعر الناس.. ومراعاة دقة الشعور من أجمل ما رأيته في آداب الإسلام وأحكامه الدقيقة في الكتاب والسُنة.
وجهل الواحد بالسُنن والتفاصيل "الي ممكن تشوفها تافهة وبسيطة للغاية" = تراكمها والله بيسبب ألف نفسي وكره وغُربة وجفاء كبير جدًا.
إحياء سُنة ..
"منقول"^^ ???

View more

68
200
Liked by: دُعااااء... ĜħẳđễễŘ هنوش ♥️ نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ flower..' Ayat (نَجْمَةة)

ردي هنا يامونه ❤❤

بصي ي نور عيني .. ??
الاهم انك تقتنعي بنفسك وتحبيها زي ما هي عشان ع الأقل بعدين تعرفي تغيري منها للأحسن .. ^^
لان لو أنتي استمريتِ ع عدم تقبلك وارضاءك عن نفسك .. مش هتعرفي تغيري منها ابدا .. ^^
لازم تكوني كمان متصالحة مع نفسك ويوم ما تلاقي سلوك سيء أو صفة سيئة فيها غيريها مباشرةً .. احنا مش ملايكة لأ احنا كلنا عيوب وبنجاهد وبنطور من نفسنا عشان نبقي أحسن وأحسن .. ودورنا بقا نشتغل ع عيوبنا ونقومها بعد ما نحب نفسنا الأول ونتقبلها لان دا الاهم .. ??
واسمعي لدكتور عبد الرحمن ذاكر ليه لقاء بعنوان "الثقة بالنفس" .. ولقاء آخر بعنوان "قوة الشخصية" .. واسمعي ليه سلسلة أسمها "مع نفسي" حلوين جدا وكمان واظبي ع سماع دكتور عبد الرحمن بجد هيغير من فكرك خالص ي طيبه .. و أنا تحت امرك ومنين متحتاجي اي حاجه ي حبيبه قلبي ف اي وقت ابعتيلي .. ??
22
100
Liked by: ĜħẳđễễŘ Ayat (نَجْمَةة) Aml aziz sara Abdelhamid Khedr Rand Ghandi ريحانة المومني ✨زَهْرة✨ زهرة محمد AdoRa❤ مُحمــد
+1 answer in: “ارد عليها با ايه يامونه ???”

ارد عليها با ايه يامونه ???

من وجهة نظري ي حبيبه قلبي ؟
مفضلش الرد، طالما أنتِ واثقة من نفسك وراضية عنها يهمك كلام الناس في إي ..؟فأفضل الرد عليهم وع كلامهم التجاهل لكن بدون ما يأثر عليكِ ويتعبك .. !!
تجاهلي كلامهم نهائي لو فعلًا مش فارق معاكِ ..
أما لو فارق فردي عليها بمنتهي الادب والذوق والاحترام .. قوللها شكلي وشخصيتي وصوتي خلقه ربنا وأنا حباها وراضية بيهم الحمدلله .. ??
خليكِ قويه وواثقه ف نفسك كده وبلاش تخليها تحس إن كلامها دا بيوجعك او بيأثر فيكي .. عشان تقريبًا كده هي ما صدقت لاقت نقطة ضعفك وبتدوس عليها .. فأول شيء اقتنعي بنفسك من جواكي وارضي عنها وحبي عيوبها قبل مميزاتها عشان انتي فعلا جميله وطيوبه جدا وقمرايه كمان .. ???
لو رضيتِي عن نفسك وحبيتيها زي ما هي .. كلامها هيبقي بالنسبالك ولا حاجه .. ??
64
100
Liked by: دُعااااء... ĜħẳđễễŘ هنوش ♥️ نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ flower..' Ayat (نَجْمَةة)
+1 answer Read more

وبتخنق بجد ???????

دا امر كتبه الله عزوجل ع بنات حواء جميعا ف ليه نضايق منه ي جميله حبي نفسك ولازم تفهمي طبيعتك كبنوته ربنا سبحانه وتعالي ليه حكمه عظيمه ف كدا .. !!??
اما بالنسبه لكلامك ي جميله انا متفهمه ال بتقوليه وانك كنتي في حاله ايمانيه جميله وجه العذر قطع كل دا ..
لكن هل احنا علشان مبنصليش ومش بنصوم بسبب عذر شرعي يبقي نقطع علاقتنا مع ربنا لأ خالص ..
الفتره دي اكثري فيها من الاستغفار والتسبيح والصلاه ع الحبيب والحولقه وهكذا ..
اسمعي قرأن وخطب دينيه وخلي دايما حبلك موصول مع الله ..
وشوفي الجمال بقا بعد الطهر لما بتقولي اشهد ان لا اله الا الله وحده لا شريك له له الملك وله الحمد وهو علي كل شئ قدير سبحانك اللهم وبحمدك اشهد ان لا اله الا انت استغفرك واتوب اليك ..
فُتحت لكي ابواب الجنه الثمانيه من غسل الطهارة ? بعدها نروح نصلي كدا ركعتين واحنا مشتاقين للسجود يالله ..??
ومش عايزاكي تخافي الامر بس محتاج منك مجاهده واستعيني بالله وطول ما انتي من جواكي بتقربي من ربنا وبتلتزمي فربنا هيقويكي وهيعينك ي حبيبه قلبي .. ??
وبالنسبه للصلاه ف المسجد كلنا كبنات كنا نتمني نصلي في المسجد ولكن الرسول صلى الله عليه وسلم فضَّل أن تصلي المرأة في بيتها وجعل أجر صلاتها تلك أفضل من صلاتها في المسجد ..^^

View more

63
100
Liked by: ĜħẳđễễŘ هنوش ♥️ نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ flower..' Ayat (نَجْمَةة) 『 S A M 』

Thread for.. ?

أحلى قصة حب .. ??♥
حب السيده عائشة للنبي صل الله عليه وسلم وحب النبي للسيده عائشة رضي الله عنها من أجمل القصص ال ممكن تسمعوها .. ?♥
كانت بتحبه وكانت بتغير عليه وأوقات كانت تعمل حاجات يستغرب منها الصحابة وع فكرة كانت شديدة الحسن، فكانت تقول دايما بيت شعر ..
لست أملك ما ببالي .. فإن حالي أبلغ من مقالي ..
رسول الله زوجي لم أر غيره .. به زوجني ربي وحباني ..
فهي بتحكي وبتقول كان رسول الله يحبني وكان يفضلني دايما وكنت أفخر بذلك ع صويحباتي ( النبي كان متزوج أكتر من زوجة هحكي ليه وهحكي أسباب زواج كل واحدة وكل حاجة بالتفاصيل لما تيجي وقتها) .. ?♥?
المهم ان السيده عائشة كانت بتغير ع النبي جداااً .. ???♥
مرة كان النبي عازم الصحابة في يوم ال بيكون فيه عند السيده عائشة وعائشة لسه صغيورة مش عارفة تطبخ أوي .. فزينب بنت جحش زوجة الرسول التانية سمعت إن الصحابة جايين يتغدوا عند النبي فراحت عملت أطيب الطعام ..
وزينب كانت بتطبخ حلو أوي وكان أكلها راائع ..
كانت السيدة عائشة تقول :
ما رأيت أطهى من زينب وأكيد كانت بردو قاصدة بيه حاجة ما هم بردو بشر ..
فزينب جابت الخادم بتاعها وقالتله: يا غلام خذ هذه القصعة وأوصلها إلى بيت عائشة فإذا سألك رسول الله فقل تُهدي لك زينب هذا لتطعمه لأصحابك يا رسول الله ..
وطبعا ده يوم عائشة فالخادم جه وبيدي عائشة الأكل وريحة الأكل فعلا حلوة فبتقول: فمر الغلام من أمامي فرأيت الطعام فقلت ما هذا ..؟
فقال: أرسلته زينب إكراماً لصحابة رسول الله، فراحت عائشة ماشية و خبطت يد الخادم , فالولد وقع الأكل كله علي الأرض ..?
طبعا بيت النبي مش كبير ده أوضة صغننة كده فالصحابة كلهم كانوا قاعدين والموقف ده حصل فكلهم بصوا لعائشة، بس تخيلوا النبي إتصرف إزاي لما السيده عائشة عملت كدا ??♥ .. لا زعق ولا غضب ولا عمل أي حاجة، فما كان منه إلا أن تبسم وجثا على ركبتيه نزل يلم الأكل وقالهم: لا عليكم كُلوا كُلوا غارت أُمكم :) ???♥
يقول الصحابة فاستحيينا فنزلنا نلم الأكل معاه، تقول عائشة: والله لما نزلوا ما رأيت الغضب في وجهه قط بعدها ..
تخيلوا بالبساطة دي معملهاش حاجه وقدر مشاعرها وحبها وغيرتها عليه .. ??♥
صلوا ع الحبيب .. ??♥?

View more

110
225
Liked by: Eman Reda shaimaa srag ~•❤ Cloudy ⁦ଘ ألف يليها سماء♡ Shatha Shafiq كمونة ♚ mohammedanter Yasmine Elashram ᏁᎯ ᎠᎯ ♤Samar♤
+9 answers Read more

??

- وكيف هي ؟
= هادئة ، رقيقة ، ذات وجه بريء ، تمتلك قلباً به من الطيبة ما لا يسعه عقلك ، تعيش بروح طفولية ، تضحك من أقل شئ وتبكي من اقل شيء ، سهلة التراضي ، لا تشقى في صُحبتها ابدًا .. ?????
60
205
Liked by: Khloud Eman Reda Shatha Shafiq Mαι ĜħẳđễễŘ دُعااااء... Eman Nassem امل بَتـوٰل مـحٓـمّـد Fatma
+44 answers in: “Theared For ??”

وكمان قاعده بفكر في كل كلمه شماته يامونه

طب قوليلي الاول انتي هتستفادي اي بقا من جلد الذات والتأنيب ده ..
هل هنرجع تاني عشان ناخد ال عايزينه ، لا خالص .. يبقا نقعد نزعل ع الماضي زي مأنتي عامله ونسيب الحاضر يمشي زي ما هو عايز والمستقبل ملوش هدف ونضيع نفسنا ينفع كدا يعني ها ..؟! ??
طبعا مينفعش ي حبيبه قلبي .. ??
الماضي خلاص بقا ماضي وأنتهي ولازم نقف واقفه قويه مع نفسنا وننسي كل ال فات نهائي .. ونقطة ومن اول السطر بقا ، نفوق ونعوض ف ال ف ايدينا وف ال معانا ونعمل بنفسنا ال كنا عايزينه بس ف مكانا ال ربنا اختاره لينا ولازم نرضي بقضاء ربنا ونصيبنا عشان ربنا يرضي عننا ويراضينا .. ??
وكمان نجتهد ونتعب ف مجالنا ونبقا مبدعين فيه عشان ربنا يوسع علينا ويكرمنا .. ??
ولا نقعد نزعل ع ال فات ونضيع ال جاي ونقول ياريتنا زي ما انتي بتعملي دلوقت ..
وكمان ما شاء الله اللهم بارك أنتي فكليه جميله وقمر والله .. وكفايه انها اختيار ربنا ليكي .. انتي عملتي ال عليكي وربنا ليه حكمه انك تتدخلي كليه قمر زي دي هو ف احسن وأعظم من أختيارات ربنا لينا طبعا لاء .. يبقي لازم تستعوضي ربنا ف ال فات وتبدأي صفحه جديده كلها أمل وتفائل ان ربنا يعوضك .. ???
أما بالنسبة لكلام الناس المحبط دا .. ?? شوفي ي جميلة لو جبتي حتة من السما .. الناس مش هتبطل كلام .. ??
وكلامهم المحبط دا متخليهوش يأثر عليكي نهائي .. انتي أثبتي لنفسك اولا انك قدها وحققي ذاتك ف مكانتك واجتهدي وخليكي مبدعه ف مجالك ومتفوقه مش إرضاء للناس .. تؤتؤ خالص ?? .. إرضاء لربنا الاول ثم لنفسك وغير كده مافيش .. ??
اتفقنا ؟!
ان شاء الله اتفقنا انا قررت خلاص .. ????

View more

19
100
Liked by: ĜħẳđễễŘ Ayat (نَجْمَةة) Aml aziz sara Abdelhamid Khedr Rand Ghandi ✨زَهْرة✨ زهرة محمد ‏غربــــہ روح ♡ مُحمــد اِيلـول❀'
+1 answer in: “والسنه اللي فاتت نفس الحوار هو انا هفضل كدا طول عمري ??”

والسنه اللي فاتت نفس الحوار هو انا هفضل كدا طول عمري ??

اذهب الله عنك كل مكروه وسوء ي حبيبة قلبي أنتي .. ??
متفهمة جدا وضعك وشعورك دا والله ..
و أنتي مش بتدلعي ولا حاجة ، فعلا بتوصل لمرحلة زي ده لانك سيبتي نفسك من الاول للاحساس دا يسيطر عليكي واستسلمتي ليه .. ??
بس عايزه اقولك ع حاجه ي حبيبه قلبي اي حد مر ع المرحلة دي ، بيبقا ف نفس التوقيت ف كل سنة لازم بيعيد ذكرياته .. اصل انتي بشر مش آله أو روبرت .. من حقك طبعا تزعلي ودا الطبيعي بس ال مش طبيعي انك تتمادي ف الزعل ..!
سنتين زعل اهو ، مش كفاية بقا ، نقوم ونفوق ونشوف احنا فين ونواصل ، ونصنع قمتنا ونشق طريقنا ونعافر ونكمل ومنوقفش مكانا ولا اي ..؟!????
قوليلي بقي انتي كلية اي ..؟!
واخبار كليتك اي من حيث تقديرك ومذاكرتك وكداا .. ؟! ?
وف سنه كام دلوقت ي جميله .. ??
47
110
Liked by: ĜħẳđễễŘ هنوش ♥️ نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ flower..' Ayat (نَجْمَةة) سلسبيل الخطيب
+1 answer Read more

كملي ياإيمي بالله عليكي القصص في غايه الجمال انا كل شويه افتح عشان اشوفك نزلتي حاجه جديده ولا لا بحبك اوووي ياأجمل إيمي وربنا يحبك ويحبب فيكي خلقه ويرزقك كل الخير يارب ????❤❤❤❤????

ياربيييي ع اللطف والجمال??? .. تعرفي أنك بنوته جميله أوي .. ربنا يجبر بخاطرك ي حبيبه قلبي انتي .. من عيوني حاضر انتي تطلبي وانا تحت امرك ي روح قلبي .. ???
.......................................................
يلا نكمل ي حلوين سيره حبيبنا رسول الله صل الله عليه وسلم .. ????
كان فيه صحابي من الصحابة إسمه زاهر .. زاهر ده من الصحابة المعدودين أوي ال شكلهم مش جميل اوي .. لأن أغلب الصحابة كانوا جٌمال جداااً .. ??
وزاهر مكنش إجتماعي أوي كان منطوي شوية ودايماً بيقعد لوحده كان بيحس إن الناس مش بتحبه .. ??
ف مرة النبي عليه الصلاة والسلام عايز يضحك مع زاهر .. فزاهر كان في السوق بيشتري حاجات فالنبي يعمل إيه ..!
يجيله من ظهره عليه الصلاة والسلام فيحضنه ويغمي عيونه الإتنين ..???وعايز يعمل فيه مقلب .. ???
فقال : من يشتري هذا العبد .. ؟؟
من يبتاع مني هذا العبد .. ؟؟
فزاهر إتخض?
وقاعد بيحاول يفك نفسه منه ويقوله أرسلني أرسلني ..!!
فزاهر بيقول كنت كلما احاول ان أفك نفسي منه كان يشتد أكثر لأن النبي قوي عليه الصلاة والسلام (كان في قوة 40 واحد زي عمر بن الخطاب، وسيدنا عمر كان قوى وضخم جداً لدرجة انه كان ماشي جنب صحابي مرة وكحَّ جامد الصحابي أُغمي عليه من الخوف ..??
والشيطان كان بيخاف منه وبيمشي من الطريق ال عمر مايمشيش منه، فكان النبي يقول لو سلك عمر فجاً لسلك الشيطان فجاً آخر .. !!
ومع ذلك، النبى عمره ما إستغل قوته دى وما ضرب رسول الله رجلاً قط إلا في المعركة وماضرب رسول الله امرأة قط ..!!
نرجع تاني لموضوعنا ?? ..
فقال زاهر : فشممت كفه فعرفت أنه رسول الله عارفين عرفه منين..؟!
أصل بيقولك النبي مش زينَّا النبي مسام إيديه مش بتفرز عرق زى العرق بتاعنا، دى بتفرز مسك بجد! وكانت كفه ألين من الحرير كأنما أخرجت من علبة عطر ..!?
فقال زاهر: فلما عرفت أنه رسول الله جعلت أدخل في حضنه ويزق ضهره فى حضن النبي فالنبي فهم وضحك ووسع إيديه .. فقال زاهر: تبيعني يا رسول الله .. ؟! فضحك النبى صلى الله عليه وسلم،
وقال زاهر: يا رسول الله لئن بعتني لوجدتني كاسداً يا رسول الله ( بيقول كدا عشان هو مش هو شايف انه مش جميل شكلاً يعني ) فقال النبي لا يا زاهر ولكنك عند الله غال .. ي الله ع الجمال شوفتوا قد اي الرسول لين ولطيف القول .. ??
صلوا ع جابر خواطر أمته .. ????

View more

13
205
Liked by: ĜħẳđễễŘ Ayat (نَجْمَةة) Aml aziz Rand Ghandi مُحمــد اِيلـول❀' خٌےـدُخٌےـوِدُة❤️ مُحمـــــد sara Abdelhamid Khedr زهرة محمد
+6 answers in: “يا مونه بالله عليكي تحكيلنا قصص عن الرسول "عليه الصلاة والسلام " علي الاسك زي ما كنتي بتحكيلنا في الندوات والتجمعات الي كنت بحضرها ليكي امانه عليكي يامونه ??❤❤❤❤❤❤❤❤❤❤❤❤❤❤❤”

??

كان في واحدة ست اسمها أُم سُليم دي تبقى أم أنس بن مالك الصحابي الشهير ..
أم سُليم لما النبي دخل المدينة (هي انصارية) .. كان عندها ابن صغيور عنده 8 سنين تمام .. اسمه أنس .. فراحت للنبي وكانت كل ست من الأنصار تروح تدي للنبي هدية .. فأم سُليم معهاش فلوس .. طيب تعمل إي .. !!
تروحله وتقوله: يا رسول الله ان صوحيباتي من الأنصار كل واحدة منهن أهدتك هدية وليس عندي مال أشتري هدية وليس عندي أغلى من ولدي أنس فاتخذه خادماً يا رسول الله ..
فقال: لا آخذه، فقالت : أقسم عليك أن تأخذه ..
فبيقول أنس :عشت مع النبي ووالله لم يقل لي يوماً قط لم فعلت هذا ولم يقل لي لمَ لم تفعل هذا ..!
مرة واحدة بس النبي قاله ممكن تروح تناديلي أبوبكر .. وأنس بيقول أنا وقتها كنت صغير فخرجت لقيت صحابي بيلعبوا في الشارع فقعدت ألعب معاهم ونسيت كلام النبي ..الكلام ده كان الفجر .. فبيقول قعدت ألعب لغايه المغرب والنبي كل ده مستني .. فالنبي لقى المغرب دخل فخرج يشوف فين أنس فلقاه عمَّال يلعب ..
فأنس بيقول: والله جاءني من ظهري واحتضنني وخبأ عينيَّ وقال: من أنا! فقال أنس: رسول الله، فأنس دوَّر وشه ولسه بيقوله والله .. وهيتأسف وكدا .. قام النبي قاله: يا أُنيس لا عليك .. يا أٌنيس (بيدلعه) .. ???
فقاله هلا تفعل ما طلبته منك يا أنيس ، فقاله: أفعل يا رسول الله وطلع يجرى .. شايفين لطف النبي .. ???

View more

24
200
Liked by: ĜħẳđễễŘ Ayat (نَجْمَةة) Aml aziz sara Abdelhamid Khedr Rand Ghandi اِيلـول❀' خٌےـدُخٌےـوِدُة❤️ زهرة محمد Yasmine Saleh ندى علاونة ♡
+6 answers in: “يا مونه بالله عليكي تحكيلنا قصص عن الرسول "عليه الصلاة والسلام " علي الاسك زي ما كنتي بتحكيلنا في الندوات والتجمعات الي كنت بحضرها ليكي امانه عليكي يامونه ??❤❤❤❤❤❤❤❤❤❤❤❤❤❤❤”

كل اللي حكتهولك ده هو اللي حصل يامونه ???

بصي ي روح قلبي .. انا مش هلومك ع ال عملتيه دا لأن الوعظ في المتألم حرام ولكن يكفي انك تكوني عرفتي بغلطك والحب الحرام دا تُأثمي عليه .. واهم شئ انك تتوبي لربنا وندمك دا يكون الدافع ليكي انك عايزه ترضي ربنا وبس .. عايزاكي كدا تقومي تتوضي وتصلي وتدعي ربنا انه يعينك وتتخلصي من كل الحاجات دي .. لازم تقطعي كل وسائل التواصل بيه تغيري اكونتاتك وتغيري الرقم المهم انك تعملي كل حاجه تقطعي اي تواصل ما بينك وبينه .. تمسحي كل حاجه ليه عندك وتقطعي اي صور ذهنيه ممكن تفكرك بيه او تعلقك بالامر دا بزياده .. وادعي ربنا انه يطهر قلبك دايما .. ولازم تعملي كدا وتسعي فلما ربنا يلاقي منك سعي ونيتك خير هيعينك .. واياكي اياكي ترجعيله تاني بلاش تغضبي ربنا اكتر من كدا .. خافي ليخلص رصيدك من الستر عند ربنا ويكشف سترك .. لان ال بتعمليه دا غلط كبير جدا وحرام وعيب .. بلاش ترخصي نفسك اكتر من كدا وتهيني اهلك معاكي وتخوني ثقتهم فيكي وهما ملهمش اي ذنب .. اهربي بجلدك ال يطلب منك صور ويطلب انك تقابليه والحاجات التانيه ال قولتيها ومينفعش تتقال دي تدل انه واحد مش بيخاف ربنا اصلا .. ال بيحب حد بيخاف عليه وبيتقي ربنا فيه وبيحافظ عليه اكتر من نفسه حرفيا وبيجاهد بكل الطرق انه يوصله بالحلال بس للاسف .. اقفلي الباب دا تماما وتوبي لربنا وغلي نفسك ي نور عيني .. ??
وكفايه جلد ذات لنفسك ي جميله ..??
لان طبيعي جدا البشر بتذنب .. وطالما ندمتي وعرفتي غلطك وتوبتي واقبلتي علي الله فبإذن الله ذنبك مغفور .. المهم انك تتعلمي من غلطك دا وميتكررش ويكون دافع ليكي انك تقربي من ربنا اكتر ومتخافيش من اي حاجه طول ما أنتي قريبه من ربنا .. ولو احتاجتي اي حاجه انا تحت امرك ي حبيبه قلبي .. ??

View more

49
105
Liked by: ĜħẳđễễŘ هنوش ♥️ نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ flower..' Ayat (نَجْمَةة) sara Abdelhamid Khedr

??

- أتُحبها ؟
= لا أدري ..
ولكن غيابها يجعل وجوه الناس شاحبة ..
ورائحة الهواء مُغبرة ..
- إذاً فأنت تُحبها !
= دعك من تضخيم الأمر ..
فقط غيبتها تبدو كثقب أسود يبتلع ألوان الكون حين يطل عليّ ، ثم يعيد ما اختلسه من البهجة حين تعود !
- بالتأكيد أنت تُحبها !
= دعنا لا نتسرع في الحكم ، رجاءاً ..
كل ما في الأمر أن غيابُها .. غربتي !!??
✍️ د/أحمد خالد توفيق ?
54
600
Liked by: Khloud Mαι ĜħẳđễễŘ امل بَتـوٰل مـحٓـمّـد Fatma salma Akram Al_mahasneh♑ سكره ✨ أمـــــــــانـــي ..♡ نـهلـة
+44 answers in: “Theared For ??”

ايه المفهوم الاقرب ليها ياريت توضحهالي يامونه وجزاكي الله خير يارب ????

بصي ي جميله ??..
من طبيعة الإنسان إنه مش كامل .. ووارد جدا بيكون فيه طباع مش لطيفه ..
ولكن : "قد أفلحَ مَن زكَّاها" المقصود بيها ..
إنك تزكِّي نفسك من المعاصي، والطباع الـوحشة ..
بالنسبة للطباع، فأحيانا بيكون فيكي حاجات بتضايق ال حواليكي، فمن الجميل جدًا إنك تعرفي إي ال بيضايق ال حولكي .. تعرفي مثلا من زوجك أوأهلك أوصحابك أو المقربين ليكي عموما .. اي الصفات ال بتضايقهم منك .. وتجاهدي انك تغيريها للاحسن .. ??
انا شخصيا والله كل فتره بسأل المقربين ليا لو ف اي تصرف او سلوك او اي حاجه عموما صدرت مني او موجوده فيا مش عجباهم فيا يقولولي عشان اجاهد واغيرها لان حرفيا شخصيه حساسه جدا ومبيهونش عليا نهائي ومبستحملش اكون سبب ف زعل حد مني حتي ولو بكلمه من غير مقصد .. واحنا كبشر عموما بيصدر مننا تصرفات مش بناخد بالنا منها لاننا مش ملايكه طبيعي جدا نغلط بس المهم اننا منتمداش ف تصرفاتنا الغلط عشان مكنش سبب ف أذيه الناس ال بتحبنا ..!!
ومافيش حاجة اسمها أنا ال طبعي كدا ..
في حاجة اسمها: إنَّما الحِلم بالتحلُّم ..
أي صفة فيكي مش كويسة تقدر تبطليها .. أي صفة جميلة مش فيكي تقدر تكتسبها وتتعودي عليها كمان .. لو انتي عندك فعلا اراده من جواكي لكدا ..
ليه بقول كدا؟
لأن مشاكل كتير بتحصل ما بين الزوج والزوجة، أو الصحاب بسبب طبع معين، في ناس حرفيا مش بتقدر تتعايش مع شخصيات فيها صفات معينة .. زي مثلا ف ناس مستحيل إنها تعيش مع شخص كسول أو بيعمل صوت عالي وبيزعق كتير بأي شكل من الأشكال ..
في ناس مش بتقدر تعيش مع حد مش نضيف، أو مش منظم او مش مهتم بنفسه وهكذا بقا .. إلخ
فأنتي ليه تكوني تقيله على حد ..؟
ليه تسيبي نفسك مضايقه الـ حولكي وانتي ف ايدك انك تتغيري للاحسن .. وتبقي راضيه عن نفسك ومرتاحه ..
الموضوع سهل .. بس محتاح اراده وعزيمه من جواكي والله .. ????

View more

47
205
Liked by: ĜħẳđễễŘ هنوش ♥️ نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ flower..' Ayat (نَجْمَةة) BeltaGy

Next

Language: English

4.1

1,266,418 reviews
© Ask.fm 2024