يعني انا مش وحشه يااإيمي صح ???

October 05, 2020

صح ي قلب وروح إيمي والله انتي بنوته قمر وجميله جدا كمان ???..
خليكي واثقه في نفسك ومتهتميش لكلام حد .. ارضي ربنا وخدي بالك من نفسك واهتمي بيها كويس وقربي من الناس ال بتحبك بجد وابعدي عن الناس الوحشين .. وربنا يرزقك كل خير ي حبيبه قلبي يارب .. لو احتاجتي اي حاجه في اي وقت هتلاقيني موجوده وتحت امرك ي جميله ..??

Liked by: ĜħẳđễễŘ Ayat (نَجْمَةة) sara Abdelhamid Khedr اِيلـول❀' خٌےـدُخٌےـوِدُة❤️ Yasmine Saleh زَينَبُ Menna mosad Manar Marouf احمد .

+1 answer in: “انا وحشه اوي وكل الناس بتشوفني وحشه وشكلي مش حلو وكرهت نفسي??”

???

October 05, 2020

كنا حكينا عن حب مولى النبى صلى الله عليه وسلم ثوبان ..
يللا نكمل قصة المولى الثانى لحبيبنا .. ?

*بعد فترة النبي جاله شاب تاني إسمه ربيعة بن كعب الأسلمي هو صحابي شاب صغير راح للرسول وطلب منه إنه يكون خادم عنده لغاية لما النبي وافق .. فراح ربيعه يخدم النبي في أي حاجة يطلبها منه صلى الله عليه وسلم ..
يقول ربيعة: فكان إذا جاء الليل يقول لى رسول الله إذهب يا ربيعة لتستريح وتأتي غداً، فيخرج ربيعة عشان يروح وبعدين يقف عند الباب بره ويقول فى نفسه :
ما تفعل يا ربيعه ..؟! أتعود إلى البيت ..؟! أتتحمل فراق رسول الله، فأفكر وأفكر وأقول: والله لا تحتمل فراق رسول الله، فييجى عايز ينام ومش عارف يعمل إيه! فبعد لما يتأكد إن الباب مقفول كويس يقلع الجُبه بتاعته ويفرشها ع عتبه الباب من بره ويسند على الخشبة بتاعة الباب ويقول في نفسه (عايز يدي لنفسه تبرير يعني )
لعلّ رسول الله يحتاج فى الليل شيئا!
فبيقول: كنت أضع رأسى ع الباب فأسمعه ليلاً يقول سبحانك ربي سبحانك ربي ويقول في السجود : سجد لك وجهي وأنفي وعظمي ولحمي وقلبي، فربيعة بيقول: فى ليلة كنت تعبان فعيني غفلت ورحت في النوم وربنا قَدّر ان النبي ﷺ يخرج يعمل حاجة ففتح الباب فربيعة وقع .. فالنبى اتخض وقاله: يا ربيعة ما أجلسك هنا.. ؟!?
فقال ربيعة: والله يا رسول الله قلت في نفسي لعلك تحتاج في الليل شيئا..!
ففهم النبي وضحك وقاله: قم ياربيعة .. قاله عشان يفرحه: يا ربيعة سلني ما تريد، قال: وتعطينى يا رسول الله؟!
قال النبى: أجل، قال ربيعة: أسألك شيئا واحداً .. أسألك مرافقتك في الجنة !!
مع إنه كان فقير و ممكن يطلب أي شيء في الدنيا، لكن مش عايز غير مرافقة النبي صَلَّى اللَّهُ عَلَيْهِ وَسَلَّمَ في الجنة شوفتوا الجمال .. ??
إن شاء الله نكون من رفقاء النبي صَلَّى اللَّهُ عَلَيْهِ وَسَلَّمَ في الجنة بحبنا له .. ???
وبعدين يجي راجل تانى للنبي في نص الليل بيخبط، فالنبي يتخض ويفتح فيطلع صحابى .. ويقوله ليه جاى فى نص الليل ..؟ فيقوله: إشتقت إليك وأنا بين أهلي وأولادي فلم أذق نوماً فقلت في نفسي آتيك فأنظر إليك وأعود فأنام ..
يا بختهم أصحاب رسول الله، كانوا كل ما يوحشهم بس يروحوا يبصوا فى وجهه ويمشوا .. ??

صلوا ع من كان وجهه كالبدر .. ?????

Liked by: ĜħẳđễễŘ Ayat (نَجْمَةة) اِيلـول❀' خٌےـدُخٌےـوِدُة❤️ Tasneem Mahmoud زهرة محمد Yasmine Saleh ندى علاونة ♡ زَينَبُ Menna mosad

+6 answers in: “يا مونه بالله عليكي تحكيلنا قصص عن الرسول "عليه الصلاة والسلام " علي الاسك زي ما كنتي بتحكيلنا في الندوات والتجمعات الي كنت بحضرها ليكي امانه عليكي يامونه ??❤❤❤❤❤❤❤❤❤❤❤❤❤❤❤”

لو انتي مكاني ايه رايك قوليلي وجهه نظرك انتي يامونه ?

October 05, 2020

انا بالنسبالي انا .. انهاء اي علاقه مهما كان المسمي بتاعها عندي بيكون صعب يكاد يصل للمستحيل اصلا .. !!

بقدر العلاقات جدا جدا جدا .. وبلتمس الاعذار والمبررات .. وبتعامل بحسن نيه .. و.. و.. و.. الخ

لان ف الاخر احنا بشر وعوامل كتير جدا كفيله انها تأثر ع اي علاقه سواء ما بين أهلك او صحباتك او زوجك او جيرانك ..!!

كون اننا بشر وبنغلط ف دا ف حد ذاته كفيل جدا اننا نسامح ونتجاهل الغلط بس بحكمه وبعقل طبعا عشان العلاقات تتدوم ع أساس صح .. ??

والاهم بالنسبالي ف العلاقات معدن الانسان وطبيعته وقلبه .. لو كانوا كويسين من البدايه اقدر استحمله واشيله ع راسي طول العمر مهما حصل اي معنديش ادني مشكله المهم يكون كويس من جواه وأصله طيب بسكدا .. ??

Liked by: هنوش ♥️ نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ flower..' سلسبيل الخطيب بداخلي قضية⚔️ رشآ~❤️♪

؟??????❤❤❤❤????

October 05, 2020

طبعا ي حبيبه قلبي منين متحتاجي تتكلمي هتلاقيني موجوده جمبك .. ويبقي طمنيني عليكي .. ??

Liked by: Esraa Mohamed اِيلـول❀' خٌےـدُخٌےـوِدُة❤️ Yasmine Saleh زَينَبُ Menna mosad Manar Marouf كمونة ♚ احمد . مُحمـــــد

+4 answers in: “ليه اتخلو عني بسهوله كده”

؟

October 05, 2020

خليكي مؤمنه وواثقه من جواكي إنك انتي فعلا جميله وشخصيتك حلوه وتتحب .. وانك ياما هتقابلي كتير يقولولك كده بس الكلام مش كفايه .. المواقف والأفعال هتثبتلك إنهم يستاهلوا يبقوا قريبين منك ولالاء .. وماتقلقيش هتقابليهم ووقتها هتعرفي إنه مش سهل خالص التخلي عنك⁦ .. ومتزعليش نفسك ي حبيبه قلبي والله ما ف حاجه تستاهل زعلك ابدا ي نور عيني .. ??

Liked by: خٌےـدُخٌےـوِدُة❤️ Yasmine Saleh زَينَبُ Menna mosad Manar Marouf كمونة ♚ مُحمـــــد مُحمــد Nody ريحانة المومني

+4 answers in: “ليه اتخلو عني بسهوله كده”

؟

October 05, 2020

يبقي دول ناس مش لطيفه ومُزيفه ووقت المصالح بيقولوا كلام حلو وبعدين يمشوا .. يبقي ليه نشغل دماغنا بيهم طالما عارفين انهم كده ..؟
بصي ي حبيبه قلبي .. انتي لسه صغيوره ولسه قدامك مشوار طويل وياما هتقابلي ناس يحبوكي وقت مصلحتهم وبس وهتقابلي ناس صادقين بيحبوكي عشان انتي تستاهلي تتحبي .. بيحبوكي بدون مقابل .. دورك بقي إنك تبقي عارفه تفرقي بين دول ودول عشان تحطي الناس ف مكانهم الصح ف حياتك وماتديش حد أكبر من حجمه .. !!

Liked by: خٌےـدُخٌےـوِدُة❤️ Yasmine Saleh زَينَبُ Menna mosad Manar Marouf كمونة ♚ مُحمـــــد مُحمــد Nody ريحانة المومني

+4 answers in: “ليه اتخلو عني بسهوله كده”

؟

October 05, 2020

مين قال إنك وحشه ..!!
انتي اكيد جميله اوي كمان وفيكي حاجه مميزه عن باقي البنات حتي لو انتي مش شيفاها بس خليكي مؤمنه إنك مُختلفه ومميزه وحبي نفسك عشان أكيد تستاهل تتحب .. ??
وليه ماتقوليش إن هما ال وحشين ف ربنا بعدهم عن طريقك .. !!

Liked by: خٌےـدُخٌےـوِدُة❤️ Yasmine Saleh زَينَبُ Menna mosad Manar Marouf كمونة ♚ ♠آآ يآآ ة♠ مُحمـــــد مُحمــد Nody

+4 answers in: “ليه اتخلو عني بسهوله كده”

ليه اتخلو عني بسهوله كده

October 05, 2020

هما مين ال اتخلوا عنك وحصل إي وليه بتقولي كده ي حبيبه قلبي .. ??؟!

احكي عشان اقدر ساعدك اكتر ي طيبه ..
بس عايزه اقولك ع حاجه الأكيد إن ال بيتخلي عن حد يبقي ماكنش بيحبه وربنا شايف إنهم مش خير ليكي ، لإن ما كان لله دام وأتصل وما كان لغير الله انقطع وانفصل .. ?
وقوليلي بقي عندك كام سنه ي روح قلبي .. ?? ؟!

Liked by: هنوش ♥️ ♡sarah نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ Eman "ست البنات" Eslam Ebrahim Esraa

+4 answers Read more

جاوبيني هنا

October 05, 2020

ي قلبي طيب ممكن تهدي وتاخدي نفس عميق كدا قبل ما تشوفي ردي .. ??؟!

الموضوع مش مستاهل والله كل الخوف دا .. طبيعي يبقى فيه رهبة بسيطة لأنها خطوة هيترتب عليها حاجات كتير بعد كدا، بس المهم منغرقش ف الخوف دا ..!
مبدئياً مدام هما موافقين عليه يبقوا سألوا عليه وشافوه مناسب ليكي ..
مش هتقدري تعرفي انه كويس ولا لاء من أول مقابلة طبعاً .. بس ع الأقل هتاخدي عنه انطباع وهتشوفي نفسك ارتاحتي لما اتكلمتي معاه ولا لاء .. اديله فرصة ي جميلة متقفليش الباب، الخوف مع الوقت هيزيد هتستفيدي ايه بالعكس هتتوتري اكتر ..؟!
اقعدي معاه .. وحاولي من خلال كلامه تاخدي فكره بسيطه عنه ..
ومتخافيش هو هيحاول يكسر الخوف والخجل شوية فساعديه عشان تقدروا تاخدوا انطباع عن بعض انتوا الاتنين .. متتكسفيش تسألي عن الصلاه بالذات لأن دا حقك وحطي مليون خط تحت الكلمة دي، ومينفعش تسأليه عن أي حاجة كأنك بتحققي .. أي حاجة حابة تعرفيها أو تعرفي رأيه وطريقة تفكيره فيها فدا يبقى ف وسط كلام وبطريقة شيك ولطيفه مش خبط لزق كدا .. عشان ميزهقش وميتقفلش منك .. حاولي بقدر الإمكااان تبصيله، ف الرؤية الشرعية لا هو عيب ولا حرام وحقكم انتوا الاتنين، شوفي شكله وهو بيتكلم مريح ليكي ولا لاء .. هتعرفي من عينيه اذا كان صادق ف كلامه ولا لأ، بيبان جدا ع فكرة .. وهو بيتكلم عن نفسه ركزي أوي ف كلامه واحفظيه ف دماغك، لو حاجة حبيتي تستفسري عنها أو معجبتكيش أو حاسة انك عايزة تعلقي عليها فبهدوء وبذوق وبعقل فهميه وجهة نظرك واتناقشوا فيها .. لو محسيتيش انك قدرتي تكسري الكسوف ف أول قاعدة اطلبي من باباكي يجيبه تاني ووقتها جهزي كل حاجة عايزة تقوليهاله او تسأليه عنها، أي حاجة حابة تمشي عليها ف حياتك بعدين عرفيه واتناقشوا فيها .. والمهم قبل كل دا قومي صلي استخارة دلوقت وقوليلهم ف البيت انك موافقة تشوفيه وسيبي الأمر كله لربنا .. ?
هتلاقي ربنا دايما جمبك ومطمنك ..?
خلي الأمور تمشي وماتقفش ي جميلة .. وال فيه الخير ربنا يقدمه .. ??
وحاجة مهمة أوي نسيت أقولها، لو خوفك دا بسبب انك حاسة نفسك لسه صغيوره ع الجواز أو مش مستعدة ليه نفسياً وفكرياً، يبقى بلاش ..
لو مش حاسة انك عايزة تتجوزي عشان تبني علاقة ناجحة وأسرة متماسكة ومتفاهمة قبل ما يكون عشان دا سنة الحياة، فبلاش أحسن .. ^^

Liked by: هنوش ♥️ ♡sarah نَـــــــــــدا Mariam Habiba alii ♡ رَّســالَــۃ ♡ Esraa flower..' رشآ~❤️♪ مغلق

اشهد الله ان احبك في الله حبا عظيماودايما ف بالي وبدعيلك وعندي يقين اننا هنتقابل قريب اوي لانك وحشتيني اوي يامونه اقولك علي سر انا لما بكون مضايقه او زعلانه بدخل ع جروبات الواتس تبعك وبقرأ كلامك لينا وبسمع صوتك وانا مستمتعه مسجلاكي عندي "مبهجه عالمي " ربنا يرزقك ما تتمني ويحفظك بحفظه بحبك في الله❤❤❤

October 05, 2020

ياربيييي .. ?????????????
فرحتي قلبي والله .. ????????
أحبك الباري ي جميله وربنا يجعل من دعواتك الطيبه نصيب ويرزقك اضعافها ي جميله القلب .. وانا كمان بحبك كتير .. ??????????????
لو أمكن ممكن تظهري اليوزر .. ????

Liked by: هنوش ♥️ ♡sarah نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ ᴀʏᴀᴛ سلسبيل الخطيب رشآ~❤️♪

كم انتي جميله ماشاء الله اللهم بارك ❤️❤️❤️❤️????ربنا يحفظك ي ايمي ويبارلك يارب ❤️?

October 05, 2020

ياروحييي .. ??
جملك الرحمن بالعفاف والستر ي حبيبه قلبي يارب .. ??

اللهم واياكي ي جميله .. ??

? .. حب الصحابه للنبي .. ?

سيدنا أبو بكر حبيب النبي ? وخليل النبي أكتر واحد كان بيحب النبي وكان له موقف وكلمه مشهورة أوي معاه ..
يقول سيدنا أبو بكر :
كنا في الهجرة وأنا عطشان جداََ، فجئت بمذقة لبن فناولتها للرسول صل الله عليه وسلم، وقلت له : إشرب يا رسول الله، يقول أبو بكر: "فشرب النبي صل الله عليه وسلم حتى إرتويت" ?.. وكان بيحبه لدرجة إن أبو بكر كان بيتعب لما النبي يتعب ولما النبي يخف هو يخف، ويضحك لما النبي يضحك كان بيحبه حب عجيب، إحنا عايزين تكون ثمرة السيرة إنك تحب النبي أكتر من نفسك .. ??

و كان النبي صَلَّ اللَّهُ عَلَيْهِ وَسَلَّمَ مش بيحب إن حد يخدمه، لكن من حُب الناس له، كان نفسهم يكونوا معاه في كل لحظة، فيلحوا عليه إنهم يخدموه صَلَّ اللَّهُ عَلَيْهِ وَسَلَّمَ ..

و في قصتين لخادمين للرسول صَلَّ اللَّهُ عَلَيْهِ وَسَلَّمَ بيبينوا قد إيه كانوا بيحبوه : ..
كان فيه صحابي إسمه ثوبان، خادم النبى ومولاه، فمرة النبي خرج الصبح بدري ورجع متأخر جداً فلقى ثوبان يبكي فقاله: يا ثوبان ما يُبكيك فقال ثوبان: إشتقت إليك يا رسول الله، فقال النبي: أوغير ذلك؟ قال: هناك شيئا آخر يا رسول الله .. تذكرت يوم القيامة وجعلت أتفكر في الآخرة وفي الجنة والنار وعلمت أنى وإن دخلت الجنة فلن أكون معك في المنزلة يا رسول الله فأنت مع النبيين والصديقين فأبتسم النبي وقاله: يا ثوبان أما علمت أن المرء يحشر مع من أحَب (يعني احنا ممكن منقدرش نبقى زى أبو بكر وعمر لكن نحب النبي أوى فبحبنا ده نكون يوم القيامة مع ثوبان وأبو بكر وعمر وعلى) .. فقال ثوبان: أوَحقاً يا رسول الله؟! فقال النبي: أجل، فيقول ثوبان : .. فخرجت في طرقات المدينة أصرخ بها بين الناس، فما كان الصحابة أشد فرحةً بشئ أكثر من فرحتهم بهذا الحديث بعد الإسلام????
ووقتها نزل قول الله تبارك وتعالى "وَمَنْ يُطِعِ اللَّهَ وَالرَّسُولَ فَأُولئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ وَالصِّدِّيقِينَ وَالشُّهَداءِ وَالصَّالِحِينَ وَحَسُنَ أُولئِكَ رَفِيقاً" .. أما الصحابى التانى خادم الرسول فإسمه ربيعه بن كعب الأسلمى .. وهنحكى قصته المره الجايه .. ?
صلوا علي حبيبنا رسول الله .. ????

Liked by: خٌےـدُخٌےـوِدُة❤️ Yasmine Saleh ندى علاونة ♡ زَينَبُ Menna mosad Manar Marouf كمونة ♚ مُحمـــــد مُحمــد Nody

+6 answers in: “يا مونه بالله عليكي تحكيلنا قصص عن الرسول "عليه الصلاة والسلام " علي الاسك زي ما كنتي بتحكيلنا في الندوات والتجمعات الي كنت بحضرها ليكي امانه عليكي يامونه ??❤❤❤❤❤❤❤❤❤❤❤❤❤❤❤”

انا وحشه اوي وكل الناس بتشوفني وحشه وشكلي مش حلو وكرهت نفسي??

October 04, 2020

ومين قال إنك وحشه بقي ي حبييه قلبي ..?? !!
والله ما في مخلوق ربنا خلقه وحش ابدا ..
كلنا حلوين لاننا خلقه ربناوانا متأكده انك جميله وقمرايه جدا كمان وال بيقولك انك وحشه دا انسان مش لطيف وهو ال وحش عشان بيعيب ف خلقه ربنا ..??وعايزه اقولك ان معايير الجمال بتختلف من شخص للتاني ..فالجمال مش حاجه ثابته عشان تقولي أنا وحشه??
في ناس كتير ممكن تشوفك حلوه وناس تانيه العكس بس إحنا نسيبنا من التفكير ده خالص وتعالي معايا نشوف إي مقياس الجمال عند ربنا لان دا الاهم ي نور عيني ..??
وكمان نعرف اي ال بيفرق شخص عن شخص؟
وهل الجمال هيدخلنا الجنة ولا لاء ???؟
- بصي ي روحي ??
مقاييس الجمال الأساسية عند ربنا هي الصفات والأخلاق ومن ضمن الصفات دي.. البنوته ال بتلتزم بحجابها الشرعي الجميل المنظم الشيك ال ربنا سبحانه وتعالي اوجبه علينا ???
وال بتصون نفسها وعرضها وبتحافظ ع نفسها من الحرام ..??
- وال بتصون لسانها من الحاجات ال مش لطيفه زي السب واللعن والشتم
فلا تسخره إلّا في الذكر والطاعةوالنصيحة لأخواتها المسلمات والدعوة إلى دين الله تعالى
- وال بتحفظ بصرها وتستجيب لأمر ربها بعدم النظر الي المحرم ..
- وال مش بتتشبه بالرجال وبتحافظ ع انوثتها
- وال بتبقي محافظه ع نظافتها الشخصيه
- وال بتكون حريصة ع صيانة سمعها وبصرها عن الاستماع أو النظر إلى كل ما يمكن أن يخدش عفتها وحياءها
- وال بتصبر عند الشدائد وبتتحمل
- وال بتبقي حريصه ع مصاحبة ومجالسة البنوتات القمرات الصالحات
- وال بتبتعد عن الفضول فيما لا يعنيها
- وال بتحفظ الأسرار سواء بيتها أو أي أحد أئتمنهاع سر وحاجات تانيه كتير لو فضلت اتكلم مش هتخلص ..
- الخلاصه البنوته ال بتلتزم بمنهج الله تعالى وشريعته هي دي الحاجات ال بتفرق شخص عن التاني وهي دي مقاييس الجمال الحقيقه ف البنوته??
- وربنا سبحانه وتعالى بيقول {إِنَّ أَكْرَمَكُمْ عِنْدَ اللَّهِ أَتْقَاكُمْ}
قالَ رسولُ اللهِ "صـلى اللهُ عليهِ و سلـم " : ( لا فرق بين عربي و لا أعجمي و لا أبيض ولا أسود إلا بالتقوى )
صدقَ رسول الله صلى الله عليه و سلم .. ما الذي يدخل الناس الجنة ؟هل الجمال أم التقوي والعمل الصالح ؟
" فمن كان الله كل همه ، كفاه الله ما أهمه "
" ومن ترك شيئا لله أبدله الله خيرا منه "
" ومن يتوكل علي الله فهو حسبه "

"أهتمي بنفسك وارضي ربنا ومتهتميش لكلام حد"??

Liked by: هنوش ♥️ ♡sarah نَـــــــــــدا Mariam Habiba alii ♡ Rahôôf "ام غمازاتہٰ" رَّســالَــۃ ♡ Rawda_hussein ᴀʏᴀᴛ سلسبيل الخطيب

+1 answer Read more

ماشاء الله عليكي دخلتك ذكيه جدا والطريقه روعه جدا في الثرد ?? كملي ياإيمي ??

October 04, 2020

ي روحي متشكره جدا ع كلامك المبهج اللطيف دا ي حبيبه قلبي .. ???
......................................................

أنا مينفعش أطلب منك تحب شخص انت متعرفهوش، صح ..؟ ?
طبيعي لازم تعرف الشخص ده عشان تحبه .. ??

طيب عارف لو حبيته إيه هي الثمرة ال هتاخدها ..؟!
بص، حتاخد حاجتين .. أولاً قال رسول الله صل الله عليه وسلم "مَا اخْتَلَطَ حُبِّي بِقَلْبِ عَبْدٍ فَأَحَبَّنِي إِلا حَرَّمَ اللَّهُ جَسَدَهُ عَلَى النَّارِ" لو بتحبه مش حتدخل النار أبداً مش ممكن، ال يحب النبى بجد مستحيل يدخل النار، وتاني حاجة قال النبي صل الله عليه وسلم
"من أحبنَّي كان معي في الجنة " فلو أحببت النبى أبشر أبشر بكل خير .. ??

طيب ندخل بقى على السيرة أكتر .. مين هو الحبيب المصطفى عليه افضل الصلاه والسلام .. ؟
اسمه محمد بن عبد الله بن عبد المطلب بن قصيِّ بن كلاب بن مُرة بن كعب بن لؤي بن غالب بن فهر، "والفهر هو قريش"، يعني لقبه قريش، فالنبي قرشى ..طيب نقرب أكتر، هنتكلم يومين أو ثلاثة كده قبل ما ندخل فى تفاصيل حياته عن حب ربنا والصحابة وزوجاته له ونعرف أنه كان أحب الخلق لقلبهم عن طريق شوية مواقف كده حصلت على مدار حياته .. يللا نبدأ ب ..

*حب الله عزوجل للنبى ﷺ?

فيه حديث بعض الناس ضعفته لكن المعنى صحيح ..
سيدنا ءادم عليه السلام لما أكل من الشجرة وكاد أن ينزل من السماء فوقف كده و رفع رأسه و قال : يارب أسألك بمحمد ألا غفرت لي .. !!
فربنا قاله: ياءادم وكيف تعرف محمد ولم أخلقه بعد ..!!
فسيدنا ءادم قال: يارب رفعت رأسي فرأيت مكتوبا على قوائم العرش "لا إله إلا الله، محمد رسول الله"
فعلمت أنك لم تقرن إسمك بأحد إلا ولو كان عظيماََ عندك، قال جّل وعلاَ: أجل يا ءادم هو أحب خلقى إليّ وأكرمهم علىّ، يا ءادم ولولا محمد ما خلقتَك .. صل الله على محمد صلى الله عليه وسلم ..?
ومرة النبي قاعد فى المسجد النبوي ولقى صحابي معاه ابنه .. الصحابي ده بيحب إبنه أوي فعمَّال يضحكه ويلاعبه ويكلمه فالنبي عليه الصلاة والسلام مبسوط شايفه بيلاعبه وفرحان بيه، قام النبي عليه الصلاة والسلام قاله: أتحبه؟! فقاله الصحابي: يا رسول الله أحَبَكَ الله كما أُحب أنا ابني هذا، فابتسم النبي وقال: لا والله لإن حب ربي إلىَ أكثر من حبك لولدك هذا .. ??

صلوا ع الحبيب .. ????

Liked by: خٌےـدُخٌےـوِدُة❤️ زهرة محمد Yasmine Saleh ندى علاونة ♡ زَينَبُ Menna mosad Manar Marouf كمونة ♚ مُحمـــــد Nody

+6 answers in: “يا مونه بالله عليكي تحكيلنا قصص عن الرسول "عليه الصلاة والسلام " علي الاسك زي ما كنتي بتحكيلنا في الندوات والتجمعات الي كنت بحضرها ليكي امانه عليكي يامونه ??❤❤❤❤❤❤❤❤❤❤❤❤❤❤❤”

ياريت ياإيمي امانه عليكي اشتقنا والله للايام الجميله وطريقتك القمرر ربنا يحبك ويحبب فيكي خلقه ويديم عليكي محبه الناس يا جلبي ?? يلا ابدأي كلام عن "الحبيب المصطفي عليه افضل الصلاه والسلام" هنا يامونه ??

October 04, 2020

ي حبييه قلبي أنتي تسلميلي ي جميله وشكرا حقيقي ع كل المسدجات القمر ال بعتوها ي حبايبي .. ???
ان شاء الرحمن هنبدا نتكلم عن " الحبيب المصطفى صلي الله عليه وسلم " .. ??

يلا صلوا علي من كان خلقه القرآن ويعامل أهله بإحسان اللهم صلي وسلم وزد وبارك ع سيدنا محمد وع آل وصحبه أجمعين .. ?

قبل ما ندخل ف السيرة هقول قصة حقيقية صغيوره .. عشان نعرف ليه فكرنا في موضوع السيرة .. ??

*القصة دي عن بنت كندية كانت مسيحية وأسلمت .. ابوها قسيس كبير في كنيسة وهي بتشتغل خادمة في الكنيسة وخادمة مش يعني خادمة بالمعنى ده، خادمة يعني بتعمل حاجات تطوعية في الكنيسة في كندا والبنوته دي أسلمت فجأة ومنعرفش إيه السبب ، فواحد مرة بيكلمها ..
فقالتله: أنا أسلمت أانا مقتنعه تماماً بديني، فسألها سؤال: إيه رأيك في نبي الإسلام قبل ما تخشي الإسلام وبعد ما دخلتي الإسلام .. ؟؟!
قالتله : قبل الإسلام كنت أعلم أنه رجلاً مجنون، عنيف، ويقتل كل من لا يؤمن بدينه شاهرٌ سيفه متعطش للدماء، فالراجل استغرب ..
قام قالها : طيب وبعد الإسلام ..؟
قالتله: بعد الإسلام عرفت إن هو أعظم إنسان مشى على وجه الأرض ..
قالها : طيب ايه أكتر أمنية نفسك فيها ..؟ قالتله: نفسي في حاجة واحده بس! نفسي أموت، قالها : ليه طيب الإسلام دين التفاؤل وحب الحياة، دين جميل مفيهوش كآبة .. ليه عايزة تموتي ..؟
قالتله: عشان دي الطريقة الوحيده ال حشوفه بيها الحبيب عليه الصلاة والسلام وأقف قدامه واكلمه!
أنا بقيت بحب الموت عشان أقابله عليه الصلاة والسلام ..?
قام الراجل سألها سؤال: طيب توجهي رسالة إيه للعرب المسلمين ال بيعرفوا لغة القرآن ..؟
قالتله إجابة صعبة أوي: هقولهم حاجة واحده بس .. سامحكم الله يا مسلمين إذ لم تعرفونا من هو محمد ..! ?
الله بيننا وبينكم يوم القيامة ..! ??
صعبة أوي !! لما تقوله أنا هقف قدام ربنا يوم القيامة واقوله هم المسلمين دول السبب يا رسول الله ولا عرفونا بيك ولا بيمثلوا أخلاقك .. إحنا مش بنشوف فيهم ال المفروض نشوفه .. !!
فدي كانت أهم حاجة خليتنا نقول لاء طيب هنقف قدام النبي نقوله إيه ... كانت فكرة ان نوصل سيرته بأسهل طريقة ممكنه للناس ال مش بتقدر تقرا كتب عنه او تنزل تروح مكان تسمع عنه .. يلا بينا نتعرف مع بعض عن سيره حبيبنا رسول الله صلى الله عليه وسلم .. ??