ايه حل الشخص متقلب المزاج..
اللي دايما بيضحك ويبسط كل اللي حوله... ويتحمل هموم كل أصحابه.. ويجي في لحظة يحس بنفسه كأنه محتاج عزله.. وفتره ويرجع تاني..
وبتتصرف ازاي لو ليك صديق متقلب المزاج؟
حله مع نفسه لأن عمر ماهيلاقى حد يفهمه أكتر من نفسه بس هيجى عليه وقت ومزاجه المتقلب هيتحول لمزاج طبيعى وثابت وقت الفرح يفرح من قلبه ووقت الزعل يعطيله حقه بس لو حد اتعامل مع شخص متقلب المزاج الافضل يسبه لوحده يلملم حزنه ويتمتع بعزلته ولو عاوز تساعده وتعمله حاجه خده وديه مكان هادى عشان يعرف يستمتع بالصمت الخارجى والصراخ اللى جواه يعنى مالوش حل غير ان هو اللى يساعد نفسه بنفسه ويبقى أقوى من استسلامه لعزلته
هو انا بقدم لعمل بطاقه ولا ايه بالظبط مش لازم حضرتك تعرف منين بالظبط هنا مكان لمشاركة الافكار ووجهات النظر المختلفه ودرايه اكبر بثقافة الغير مش تحديد معلوماتك الشخصيه
نظرتك ايه للشاب المدخن بعيدا عن انه بيهلك صحته . انتي شايفاه ازاي .. ؟!
يستحق نظره مُشفقه على حاله وعقله اللى وصله لكده الحيوانات منزوعة العقل مستحيل تاكل او تشرب حاجه عارفه انها هتضرها اما احنا كبشر نمتلك عقلا زائفا أغلبنا مُقدم على كل ضرر موجود فى الدنيا سواء سجاير مشروبات غازيه اندومى كنتاكى الوجيات السريعه اى شىء فيه مواد حافظه مسببه للسركنات على مدى قريب او بعيد كل دول محتاجين نظره مشفقه عليهم وعلى عقولهم المزيفه ربنا يرحمنا برحمته
احيانا يترك الانسان نفسه قصدا في مهب الريح كي تنفرط روحه أمامه ويتذكر أنها من ماء وطين خلقت وأنها لولا الله لما كانت شيء يذكر فتذكرو دائما أصلكم وإياكم والتكبر
مجرد مبدأ
هوه ليه البنت مثلا ممكن يبقى عندها حد على الفيس وبينهم كلام عادي أو أفكار كويسه وبمجرد انها ترتبط خطوبه أو غيره تقوم ماسحه كل الناس دي من عندها
او هنا على اسك فيه بنات لو سؤال جاي أنون تجاوب عادي
انما لو نفس السؤال لو من ولد مش هتجاوب؟
ايه المبدأ هنا
ولا الحياه بتغير بمجرد دخول شخص جديد
حضرتك قولت فى الاول الاجابه " مجرد مبدأ " ممكن هى تكون شايفاها من وجهة نظرها مبدأ انها ماينفعش تكلم الا الشخص الجديد اللى دخل فى حياتها او ممكن الشخص ده هو اللى طلب منها كده ومش لازم يكون عشان مش بقت بتتكلم زى الاول او مسحت كل الناس يبقى نسيت الناس دى ونسيت افكارهم واحترامهم بس اكيد بيكون لكل شخص سبب هو مقتنع بيه وأفكاره واعتقاداته
لو حد خد عنك فكرة مش فيك، وللأسف لازم تصحح سوء الفهم ده، هتعمل إيه؟
لو لازم فعلا يبقى ببساطه هروح واشرحله الموقف واوضحله سوء التفاهم ولو مش لازم يبقى علاج الجاهل التجاهل ومش لازم تبررى لاى شخص انتى على ايه طالما واثقه من نفسك وواثقه انك صح
♥♥الرجل ورقة كتب عليها.. أرجو الأحترام.. اما المرأه ورقة كتب عليها .. أرجو الاهتمام.. ♥ مع ام ضد؟ ♥وكيف تري من واقعك العلاقة المثالية بينهم؟ ♥♥
جمله صح الرجل من عالم والمرأه من عالم آخر كل واحد فيهم ليه اهتمامات مختلفه وطريقه مختلفه عن التانى محصوره فى كتاب " الرجال من المريخ والنساء من الزهره " بيوضح كيفية التعامل بين الشخصين لان فعلا الرجال من كوكب والنساء من كوكب تانى كل كوكب ليه اهتماماته وطرقه ومعيشته وتصرفاته ولما اندمجو الاتنين مع بعض لازم يكون فيه فرق بينهم وعشان يعرفو يعيشو حياه مثاليه لازم كل واحد يقدر ويحترم طريقة وصفات الآخر ويعرف ازاى يتعامل وامتى يتنازل وامتى يشد وامتى يرخى عشان الكفتين يتساوى والحياه تمشى
موقف حصل النهارده أثبتلى ان لسه فيه خير فى الدنيا وطول ماالناس موجوده هيفضل الخير موجود كنت فى ميكروباص وست كبيره ركبت ومش دفعت الأجره مش زعق ولا نزلها زى مناس كتير بشوفها بتعمل كده وبعد مانزلت بنوته صغيره ركبت ودفعت نص الاجره قام مرجعلها الفلوس وقاللها خلي الفلوس معاكى يابنتى احترمته جدا وقد ايه انسان بسيط ومش اتضايق على حد ولا عمل اى حاجه زى ناس كتير فى مكانه لسه فيه خير