عاده بستغرب من نفسي هوا انا لي مش ملهوفه ع الجواز زي باقي البنات كدا ومن اول فرصه تجيلي مناسبه اجي موافقه انا بقالي اكتر من شهر بفكر لسه في الموضوع يمكن عشان ٩٠ ٪ من الجوازات الفاشله اللي كلها مشاكل موجوده حواليا ولا عشان انا مش قادره أو مش عايزه اشيل مسؤوليه دلوقت ولا اي النيله اللي انا فيها دي
متقيسيش تجارب الناس التانيه على حياتك .. مش كلنا بنعيش نفس الحياه ومش كلنا بنختار نفس الإختيارات .. مفيش حاجه اسمها 90% من الجوازات فاشله دى مش حقيقة . السوشيال ميديا و جروبات المشاكل هى بس اللى بتوحيلك بكده عشان هى طبيعى بتحكى عن المشاكل لكن فيه ناس كتير متجوزين و مبسوطين .. والدك و والدتك .. اخواتك .. ولاد عمك . اصحابك .. هتلاقى مفيش النسبه اللى بتقولى عليها دى .. انتى بس محتاجه تبقى عارفه انتى عايزه ايه وايه المواصفات اللى حباها تكون موجوده و تختارى على أساسها .. بس اهم حاجه التفاهم .. لو متفاهمين سوا .. كل حاجه هتمشى تمام
فكرى كتير قبل ما تختارى .. طبيعى ممكن نختار غلط .. الفكره اننا منكملش فيه و نرجع تانى ندور ع الاختيار الصح .. الخوف مش حل .. فيه مقوله كده بحبها بتقول الخوف لا يمنع الموت ولكنه يمنع الحياه فقط