كل الناس اللى حوليا شايفنى شخصية غريبة،مش اجتماعية خالص، كئيبة، only take about negative. بس بحس ان محدش منهم عارفنى كويس. بس الغلط فيا انا و انا معترفة. مش عارفة اتأقلم مع الناس. و ديما بحس ان ده مش زمنى. انا دايما حاسة ان المفروض اكون ايام الابيض و اسود و نهارك سعيد يا هانم و كده
Miss.X
بس الفكرة انك عايشة في هذا الزمان فلازم التأقلم قدر المستطاع فكرة ان الواحد يفكر في الحاجة الغير متاحة دا بيؤدي للتفكير السلبي فحاولي تندمجي وتتخلي من الأفكار السلبية دي. وحاولي تدوري علي ناس شبهك علشان تستريحي ويقدرو يفهموكي ويفهمو تفكيرك علشان يقل احساسك بالغربة.
“الحل الوحيد للمشاكل النفسية هو: لا تكن عاطلاً… لا تكن وحيداً”
د. أحمد خالد توفيق
اتفق وبشدة. 👌
شاب بيعتبرني زي اخته وبنتعامل مع بعض ع اننا صحاب بس احيانا بحسه بيعاملنى ع انى خطيبته هوا بيحبني جدا بس كل شوية بيأكد بكلمة اخته انا عارفة انه حرام فمحبتش ان اتحمل الذنب اكتر من كدا وقلتله ان كل شوية ضميري بيصحي وينام بس ناو صحي وقطعت علاقتي بيه بس رجع اتصل تانى ورديت عليه مكترناش ف الكلام اعمل ايه
دا غلط وانتي عارفة انتي كدا بتتعبي نفسك علي الفاضي لانه من البداية قالك انك زي اخته ومافيش اصلا صداقة بين شاب وفتاة خليكي حاسمة معاه في الكلام وبلوك.
بعت لحضرتك من فتره عاوز أتقدم لزميلتي المشكله الوحيدة اني هتخرج بعدها بسنه ونص انا وهي في هندسه انا حاليا عندي شركه برمجيات ومكتب بيقدم خدمات أكاديمية هل كده كافي بالنسبه لاهلها والمجتمع عشان اقضي علي الحاجز ده هو فاضل شهرين علي الميعاد اللي محدده لنفسي عشان اتقدملها لحد الان محاولتش اكلمها او المح
في أهالي ممكن توافق وآخرين لأ .. صلي استخارة وماتفاتحهاش في حاجة غير وانت عندك النية تتقدم يعني اطلب رقم والدها علي طول وأهم حاجة يكون عندك دخل ثابت وتثبتلهم انك شخص متحمل للمسئولية ينفع يأتمنوك علي بنتهم. وربنا يوفقك ان شاء الله ماتقلقش.
ايه اكتر حاجه ممكن توجع!
الخذلان! 💔
هل السقوط يعني النهاية؟
الحياة ما هي الا نهوض بعد سقوط والعكس .. لازم كل انسان يتأقلم مع الفكرة دي هيستريح كتير .. ولازم نتحلي بالقوة الكافية للقيام بعد كل سقوط. 🌹
مممممم مش بستوعب الفكرة، يعني ليه! لو اللحوم ليها أضرار فيمكن تنظيم الكميات لا أكثر!
ما هو الشيء الذي ترغب في تغييره في العالم؟
زرع الضمير والانسانية في الجنس البشري!
ايه اكتر الصفات ال البنات تحبها فالولد او في شريك حياتها عموما ؟؟
الحنية.. وانه يكون راجل فعلاً. دي بتكون إجابة أغلب البنات.
What was the last book you read?
الرجال من المريخ والنساء من الزهرة الجزء الثاني. 😌😌
عندما يكون عمرك90عاماً..ما أكثر شيء سيهمك ؟
حب الآخرين حولي لي، وعلاقتي بربي. ❤❤
لما تحس ان العمر بيجري منك والايام بتفوت بسرعة وانك كنت فاكر نفسك صغير بس اتفاجئت انك خلاص كبرت ومبقتش طفل لا انت في مرحلة الشباب خلاص والحياة عمالة تشيلك وتهبدك وعقلك عاجز يستوعب التغيير ده كله تعمل ايه؟؟😟😟
تتحمل مسئولية نفسك ووجودك في الحياة.. تبدا تفكر أنا عايش ليه أصلاً.. ترتب أفكارك، تحط هدف لوجودك في الحياة، وخطة علشان تبدأ الطريق.. تعرف ان الحياة مش لعب وهزار وخلاص انت موجود علشان هدف تحققه حاول تدور عليه وتبذل مجهود.. انك تخرج من دايرة اللاشئ وتبدأ ترتب حياتك دا مش شئ سهل بس محاولة ورا محاولة هتلاقي الطريق.. ابدأ اقرأ، احتك بناس يفيدوك في حياتك ع جميع المستويات، دور ع صحبة صالحة دا هيساعدك كتير جداً، راجع علاقتك بربنا وعلاقتك باللي حواليك وعلاقتك بنفسك.. لازم وقفة مع النفس والا هنفضل ندور في حلقة مفرغة!
ازاي ممكن توصل حبك لبنت وانت مش قادر تقولها انك بتحبها وهي معاك في الجامعة مثلا ؟
بالضبط زي ما تحب يكون تصرف شخص حب أختك مثلاً.. اقتصر وادخل البيت من الباب ولو انت مش جاهز اشتغل ع نفسك وركز ف مستقبلك وخليك واثق ان ربنا هيكرمك ان شاء الله.