دكتور أحمد عبد المنعم كان بيتكلم في فيديو ليه عن قبول الضعف وحماية النفس كان بيقول أنأى عن المعصيه فيه كذا موضع كده في القرآن والسنة درر الحقيقه ربنا لما جه يحذر سيدنا آدم قاله "ولا تقربا " متقربش مجرد التقريب الرسول عليه الصلاة والسلام قال"من سمع بالدجال فلينأ عنه ،فانه ليأتيه الرجل يحسب أنه ممؤمن فيتبعه مما يبعث به من الشهوات" متجيش قدام المعصيه وتكابر أنفسنا ضعيفه قدام الشهوات لا تفتحه إنك إن تفتحه تلجه لا تجلس بالقرب من المعصيه ثم تشتكي وقوعك فيها حقيقي أسهل الحرام أوله ،الموضوع بيبدأ صغير وبعد كدة رجلك بتدخل الدوامه مبتبقاش عارف هتطلع منها ولا لا والرجوع بيبقا صعب جدا وحقيقي حقيقي الدنيا أحقر من إن الواحد يجري وراها
طولي خانقني حرفيا وجالي عرسان وگويسن بس اقصر مني بحاجه بسيطه لو حد رگز هيبان اني اطول+طولي 174
هو انا طويله جدا لدرجه ملقيش طولي او اطول مني!!؟
حتي لما فكرت اختار من اللي جولي ووافقت كان كل شويه يقولي ما تقصري شويه نفسيتي باظت و اتعقدت مع ان شكلي حلو جداا و بيضه وشي نقي ومش وحشه للي بيحصلي دا💔💔
إن شاء الله ربنا يرزقك بواحد اطول منك🌚
عيد ميلادك الجاي هيبقي عندك كام سنة
23
من الشخص المؤثر في حياتك ام انت المؤثر في حياة الاخرين؟
بتأثر شوية صغيرين وبعد كدة بفوق نفسي و دي ميزة دايما كان يتقالي لو اتحطيتي وسط النار هتطلعي منها وساعات ببقا متعمدة أتأثر بالاشياء الكويسة مش عارفة انا بأثر ف الناس ولا لا😂
ماهي العبارة التي ترددها عندما
تضيق بك الحياة..؟
لبيك إن العيش عيش الآخرة
لما بتزعل من حد بتقوله ولا بتسكت؟
بسكت لحد ما يجي يسألني بقوله بقا
الكميا و لا الفزيا
الفيزيا🤝
هما ليه المرتبطين بيقولو لبعض بابا وماما! هما أيتام
انا برضو بتضايق اووووووي محن عالفاضي
تويتر ولا فيسبوك؟
تويتر ده بؤرة سودا والله باب المصايب
قد ترفض شخص اعترف لك بحبه؟؟
حقي
اكتر حاجه الناس مش بتحبها فيك🙄
مش عارفة بس انا اتحب كلي على بعضي الحمدلله😂✌️
بدون تريقه عندي حسنات كتير في وشي ومكرهاني في شكلي اوي ومش بحبها نفسي اشيلها عشان شكلي يبقي احلي بس خايفه الناس تنتقدني بردوا اني شلتها وعرفت انو مش حرام اشيلها هل اسيبها واحاول اتقبل شكلي وازاي اتقبله ولا عادي اشيلها
بتبقا مميزة جدا انا بحبها تقبلي شكلك بكل حاجه فيه حقيقي لو شيلتيها وانت غير راضيه عن نفسك هيفضل عندك أزمة برضو مع الحوار ده
جماعه لو حد متقدملي والبيت كله موافق عليه بس انا قعدت معاه ومحصلش قبول بس هما عمالين يقولولي فكري فكري وفعلا فكرت وبفكر بس ديما احساس الخوف وعدم الامان دا ملازمني اعمل ايه
بصي صلي استخارة واقعدي شوفي هو مواصفاته مناسبة مع المعايير اللي حطاها لنفسك بكام في المية كده ولو حاسة انك مرتاحة اقعدي معاه مرة تانيه تتأكدي لو محصلش قبول خالص مالص حقك ترفضي
في بداية العلاقات نظهر مميزاتنا بس ولا نبقي بطبيعتنا؟
هو المفروض نبقى بطبيعتنا بس مش هيحصل ده كلام ع ورق بس بس مع الوقت كل حاجه بتظهر
" الاهتمام بيطلب ولا مبيطلبش🤔
احيانا بيتطلب
ينفع حد يتجوز واحد قدو في العمر!
كل حاجه تنفع
بابا وماما اختاروا ليك الاسم ده ليه 🤔
اسم بنت عمي 🥳
خطيبي رجع لي الدبله من شويه بيقولي انتي اهلك ناس بخيله عشان يعني ابويا غلبان علي قد حاله و مش عارف اقول لأهلي ايه و صعبانه عليا نفسي اوي
مفيش ذكر يتزعل عليه يا اوختي عيشي حياتك وربنا هيعوضك براجل أصيل
انا خايفه اوي علطول خايفه من بكره
بكرة ده مش في ايدينا يا بنتي محدش عارف هنعيش له ولا هنموت تقربي من ربنا وافهمي أسماءه الحسنى وإن شاء الله ربنا يذهب روعك الخوف ده بلاء وربنا قال في القرآن وبشر الصابرين اصبري على نفسك شوية وعالجيه واحده واحده بإذن الله هتظبط معاكي