كل عام والفرح في حياتك ويزهاك
و كل عام و انتي لعيوني نظرها
وش خانة العمر يا حبيبي بلياك
يا ورد الحياه والياسمين وعطرها
____________ ♕ αℓzняαηι ♕
بقلمي 🖊
ومَن لم يَندم ؟
_
لا تقول الوقت ما جاني علی الكيف
والله اني خابرٍ سنينك و ماضيها"
ويا خسارة عِشرة مابها فود ويا حيف
عالرجال اللي غيرت مع الوقت مباديها"
_
____________ ♕ αℓzняαηι ♕
بقلمي🖊
الفقد موجع والعيش مع الذكريات أكثر وجعاً 💔
.
.
ليت باقي في العمر كثر ما فات
وليت الكبر ما حط فيني علامه
وليت يرجع كل من فقدنا ومات
وأعيش عمرين مع جدي غرامه
الله من الغدر وتجريح الأيام
حطّت بوسط قلبي علامه
____________ ♕ αℓzняαηι ♕
بقلمي 🖊
نفس الود والاماني والشعور
اشرب الشاي وعيني تتأمّلك
بعيد عن العالم و خارج الدُور
اناظر جمالك وحسنك يا ملك
____________ ♕ αℓzняαηι ♕
بقلمي 🖊
عشت فالدنيا تعلمت منها وشفت
وأدرك فالحب طرد المقفي ملامه
____________ ♕ αℓzняαηι ♕
بقلمي 🖊
ما يكفيني معك من الوقت ساعه
يا واحدٍ يضيع الحكي من أشوفه
والله انك تمكنت من الصدر وأضلاعه
وأصبحت عيني على شوفتك ملهوفه
____________ ♕ αℓzняαηι ♕
بقلمي 🖊
يا هني عين من يشوفك ويسمعك
ويا هني قلب من هو كاسب إعجابك
و يا حظ من عاش العمر كله معك
ابتدا بالعمر وياك . . و انتهى بك
____________ ♕ αℓzняαηι ♕
بقلمي 🖊
تذكرت أيام مضت من عمري
راحت مع ناس بالحيل غاليين
روّحوا بأول ايامهم . . بدري
واتركوني مع شوقي والحنيين
____________ ♕ αℓzняαηι ♕
بقلمي 🖋
