"
وانا في الجامعة حصل موقف اتعلمت منه درس لا يمكن أنساه
من الدروس اللي صقلتلي شخصيتي لحد اللحظة دي
كان ليا صديقة بحبها وقريبة مني جدًا
وأنا بطبعي صاحب صاحبي يعني .. شديدة الاخلاص والعطاء للمقربين
المهم اني كنت باعبرلها عن حبي وتمسكي بيها بطرق محددة، هي دي الطريقة اللي انا شايفاها تساوي الحب والصداقة
ممكن أستناها مثلا مدخلش المحاضرة من غيرها حتى لو متأخرة، لو هي تعبانة اكتبلها المحاضرة
ادعيلها دايما بالاسم في صلاتي من وراها وقدامها
اوصلها بيتها البعيد لو حسيت انها متنكدة وندردش لحد ما تفك وتهدى
حاجات من هذا القبيل
لكن هي مكنتش بتعمل معايا كده!
متستنانيش ندخل المحاضرة سوا
متروحش معايا او تعرض نخرج لما اكون مخنوقة
لما تدعي ماتدعليش بالاسم.. تدعي بصفة عامة
اللي انا باعمله مكنش بيتردلي
للحظة حسيت اني تقيلة عليها جدا
الله.. ده هي مش بتحبني بأه
وانا بادي من دون مقابل
وكرامتي نقحت
وبدأت أبعد
هي متمسكتش
والبعد زاد
بعد سنة
كنا في درس عندها واتأخرنا وهي ومامتها مرضيوش اروح لوحدي بالليل فبت الليلة هناك
لما مامتها دعتلها ودعتلي
لقيتها بترد عليها بصفة عامة مش خاصة ولما استغربت قالتلي علشان الدعوة بتتقبل اسرع
لما مامتها دخلت المطبخ تحضر العشا
مدخلتش تساعدها
بس لقيتها بتعمل حاجات تانية المفروض مامتها تعملها علشان تخفف عنها
لما العشا اتحط، لقيتها فاكرة انا بحب اكل ايه من مجرد رغي معاها لاننا عمرنا ما اتعشينا سوا
التفاصيل!!
لما جينا ننام وسريرها مقضاش وانا حلفت اني مش هاخد مكانها جابت مخدتها ونامت جنبي في الارض مع اننا مش في احسن علاقتنا..وانا اللي بعدت
طول الليل فضلت اربط المواضيع ببعضها
هي صحيح مكنتش بتستناني ندخل المحاضرة سوا
بس كانت بتسبقني علشان ميفوتنيش حاجة وتسجلي اللي فاتني
وصحيح مكنتش بتروح معايا ندردش زي ما باعمل معاها
بس الاقيها بعد كام يوم فاجئتني بخروجة او زيارة وهدية مثلا
وصحيح مكنتش بتخصني بالدعوة زي ماباعمل
لكن كانت بتعم الناس علشان الدعوة تتقبل اسرع
وصحيح سابتني ابعد لما انا اخترت
بس عمرها مابعدت عن محيطي وكانت دايما بتطمن وتسأل
حسيت اني اغبى خلق الله
توقعت منها انها تحبني بطريقتي
تدعيلي بطريقتي
تخفف عني بطريقتي
تهتم بيا بطريقتي
بينما هي بتديني اكتر مما اتوقع بطريقتها هي، وتتمسك بيا لاخر لحظة بطريقتها هي
والاجمل اني لما رجعتلها من غير ما اعتذر ولا ابرر بعدي، فتحتلي الباب، وحضنتني
ساعتها اتعلمت اهم درس في حياتي
اني اتقبل اختلاف الاخر في التعبير عن مشاعره
لان ممكن تكون مشاعره اعمق وانضج من مشاعري انا شخصيا
بس انا اللي مش مهيأة اني استقبلها
اتعلمت أوسع رينج استقبال المشاعر واحترم اختلافها وافرح بيها فطرية زي ما بتخرج من صاحبها
مش لازم اشكلها على مزاجي لحد ماتفقد براءتها وعفويتها
صحيح هي هتدخل تهزأني دلوقتي
وتقولي انت عمرك ما حكتيلي كل الكلام ده وخبيتي عني ليه😂😂
بس حقيقي كان ليها الفضل من غير ماتحس في اول واهم درس قاسي اعيشه بالتجربة مش بالورقة والقلم
#رحاب_فكري
من الدروس اللي صقلتلي شخصيتي لحد اللحظة دي
كان ليا صديقة بحبها وقريبة مني جدًا
وأنا بطبعي صاحب صاحبي يعني .. شديدة الاخلاص والعطاء للمقربين
المهم اني كنت باعبرلها عن حبي وتمسكي بيها بطرق محددة، هي دي الطريقة اللي انا شايفاها تساوي الحب والصداقة
ممكن أستناها مثلا مدخلش المحاضرة من غيرها حتى لو متأخرة، لو هي تعبانة اكتبلها المحاضرة
ادعيلها دايما بالاسم في صلاتي من وراها وقدامها
اوصلها بيتها البعيد لو حسيت انها متنكدة وندردش لحد ما تفك وتهدى
حاجات من هذا القبيل
لكن هي مكنتش بتعمل معايا كده!
متستنانيش ندخل المحاضرة سوا
متروحش معايا او تعرض نخرج لما اكون مخنوقة
لما تدعي ماتدعليش بالاسم.. تدعي بصفة عامة
اللي انا باعمله مكنش بيتردلي
للحظة حسيت اني تقيلة عليها جدا
الله.. ده هي مش بتحبني بأه
وانا بادي من دون مقابل
وكرامتي نقحت
وبدأت أبعد
هي متمسكتش
والبعد زاد
بعد سنة
كنا في درس عندها واتأخرنا وهي ومامتها مرضيوش اروح لوحدي بالليل فبت الليلة هناك
لما مامتها دعتلها ودعتلي
لقيتها بترد عليها بصفة عامة مش خاصة ولما استغربت قالتلي علشان الدعوة بتتقبل اسرع
لما مامتها دخلت المطبخ تحضر العشا
مدخلتش تساعدها
بس لقيتها بتعمل حاجات تانية المفروض مامتها تعملها علشان تخفف عنها
لما العشا اتحط، لقيتها فاكرة انا بحب اكل ايه من مجرد رغي معاها لاننا عمرنا ما اتعشينا سوا
التفاصيل!!
لما جينا ننام وسريرها مقضاش وانا حلفت اني مش هاخد مكانها جابت مخدتها ونامت جنبي في الارض مع اننا مش في احسن علاقتنا..وانا اللي بعدت
طول الليل فضلت اربط المواضيع ببعضها
هي صحيح مكنتش بتستناني ندخل المحاضرة سوا
بس كانت بتسبقني علشان ميفوتنيش حاجة وتسجلي اللي فاتني
وصحيح مكنتش بتروح معايا ندردش زي ما باعمل معاها
بس الاقيها بعد كام يوم فاجئتني بخروجة او زيارة وهدية مثلا
وصحيح مكنتش بتخصني بالدعوة زي ماباعمل
لكن كانت بتعم الناس علشان الدعوة تتقبل اسرع
وصحيح سابتني ابعد لما انا اخترت
بس عمرها مابعدت عن محيطي وكانت دايما بتطمن وتسأل
حسيت اني اغبى خلق الله
توقعت منها انها تحبني بطريقتي
تدعيلي بطريقتي
تخفف عني بطريقتي
تهتم بيا بطريقتي
بينما هي بتديني اكتر مما اتوقع بطريقتها هي، وتتمسك بيا لاخر لحظة بطريقتها هي
والاجمل اني لما رجعتلها من غير ما اعتذر ولا ابرر بعدي، فتحتلي الباب، وحضنتني
ساعتها اتعلمت اهم درس في حياتي
اني اتقبل اختلاف الاخر في التعبير عن مشاعره
لان ممكن تكون مشاعره اعمق وانضج من مشاعري انا شخصيا
بس انا اللي مش مهيأة اني استقبلها
اتعلمت أوسع رينج استقبال المشاعر واحترم اختلافها وافرح بيها فطرية زي ما بتخرج من صاحبها
مش لازم اشكلها على مزاجي لحد ماتفقد براءتها وعفويتها
صحيح هي هتدخل تهزأني دلوقتي
وتقولي انت عمرك ما حكتيلي كل الكلام ده وخبيتي عني ليه😂😂
بس حقيقي كان ليها الفضل من غير ماتحس في اول واهم درس قاسي اعيشه بالتجربة مش بالورقة والقلم
#رحاب_فكري
Liked by:
Mohamed shalaby
