مش قادرة ابعد عني وحياتي فراغ وفاضية من غيره ومبقدرش ابطل تفكير فيه خطوة البعد صعبة اوي مع ان ده الصح وهو اكتر حد بيأذيني ومش عارفة اعمل اي وحاسه بضعف . انصحوني بدون تريقة ولا تجريح أرجوكم
يا بخت من بكاني وبكي عليا ولا ضحكني وضحّك الناس عليا 🤷♀️
عن تجربه الزمن بينسي وعن تجربه الارتباط الي في السر فاشل وبيخسر روحك قبل مابيخسرك حبيبك ... اما يخطبك او تسيبوا بعض واتجوزي وصوني اهلك ونفسك
ابعدي ونصيحه خدي القرار دا دلوقت بدل م يجي وياخده هو ويتهمك انتي بأذيته وساعتها هتعاني والله ربنا يلهمك الصواب ويبعد عنك الأذى وصدقيني هتقدري وهتحسي براحه فظيعة ربنا يريح قلبك يارب 🤲
RUN
يبقى هو مجرد حد بيملى الفراغ دة فشوفي حاجة تنفعك تمليه بيها
كل اللي بتقوليه مفهوم.
ده إدمان مبيختلفش في نمطه عن أي نوع إدمان، حاجة بتأذيني بس أنا متمسك بوجودها لإنها بقت جزء مني وملت فراغاتي كلها وبقية حياتي، حصل لحام بيني وبينها، وأكيد فك اللحام ده صعب جداً، بس مش مستحيل.
أي إدمان لما بنبطله بيبقى له آعراض انسحاب، وأعراض الإنسحاب بتبقى نتيجة الاعتماد على الحاجة دي في تلبية جوانب معينة أصبحت دلوقتي غير مُلبّاه والمخ بقى بيطالب بيها وبرجوعها بأي طريقة.. وهو ده اللي بيدي الاحساس بعدم القدرة على البعد عن الحاجة دي رغم أي أذى بيلحق بينا بسببها.
النصيحة الوحيدة الصادقة في الموضوع ده انه بطلي ووقفي رغم كل الألم والوجع، عشان ده اللي لازم يتعمل، عشان ده الطريق الوحيد لحياة سوية
والحاجة دي ملهاش سلطة علينا، الموضوع كله جوانا وبإيدينا رغم صعوبته.
اقرأي ده
https://www.ida2at.com/love-addiction/
+ 1 💬 message
read all
ي ستى سيبيه
ايه نوع الاذيه
قربي اكتر من ربنا وقربي من أهلك واخرجي ولا كاني دخل حياتك اكيد انا عارفه انه صعب تكوني مع شخص ٢٤سلعه وبعدين تفقديه بس انتي قولتي اني ده القرار الصح انسي ولو ليكي نصيب فيه هيجيلك
رديتي على نفسك عشان حياتك فراغ وفاضية ف بتمليها بيه
ابعدي طالما بتتأذي ماتظلميش نفسك هو لو مكانك مش هيتردد يبعد عنك
اشغلي وقتك بكل حاجة تقدري عليها عشان ماتفكريش فيه ولا تحسي بأحتياج ولا ضعف انشغلي مع اهلك او صحابك او حتى لوحدك استغلى وقت فراغك تتعلمي حاجة جديدة تقربي من ربنا اكتر وتستقوي بيه احسن من اي حد
ربنا يصلح حالك ياجميلة 🖤