بلييز رأيكوا، انا بنت عندي ٢٦ سنة رفضت عرسان كتير اوى ودلوقت فى واحد متقدملى كويس جدا جدا متدين ومتعلم وبيشتغل ومحترم جدا بصراحه حبيته واول مرة ابقا عايظة اوافق، بس عايش ف بيت عيلة وعنده اخوات ولاد وبنات مش متجوزين ولازم انزل اخدم وانا مش هقدر انا عارفه نفسي كويس، اتنازل واوافق عشانه ولا لا محتاارة
بصي محدش كامل
وكل انسان فيه عيوب ومميزات
انتي الوحيده اللي تقدري تقرري اذا كنتي هتقدري تعيشي ف الوضع دا ولا لأ
بس عايزه اقولك حاجة
مش عشان بيت عيلة يبقي وحش ولا اسمها هتخدمي عندهم هو مش جايبك عشان تخدميهم بس فيه حاجة اسمها مودة ورحمة ولو هماناس كويسين الدنيا بتمشي وكل واحد بيعمل حاجة زي مابتعملي ف بيت أهلك الفكرة مش ف بيت العيلة الفكرة ف الناس اللي هتعيشي معاهم وطريقة تفكيرهم واسلوبهم ممكن تديله فرصة وشوفي أهله ف فترة الخطوبة وتعرفي اكتر عن عيشتهم وتعاملاتهم وهل هتقدري تتأقلمي وتعيشي معاهم أو لأ
بس
لو انتي رافضه المبدأ اصلا من الأول يبقي بلاش
وربنا يكتبلك الخير ي رب ♥️
لو مش هتقدري عرفيه وحاولي تشوفوا حل وسط.. وبعدين ممكن يكون البيت كويس واهله كويسين ومدام عنده اخوات بنات اكيد هتساعدوا بعض بس اهم حاجه تكبري دماغك منهم ومتقفيش ع الواحده لان دا اللي بيعمل مشاكل كتير.. لو شايفه نفسك لا مش هتقدري تعملي كدا فا بلاش من الاول احسن
لو مش هتقدري تعملي كدا متوافقيش لأن غالباً هي دي هتبقي بداية اللعنه🤝🏻مع العلم انهم لو ناس كويسين هتلاقي نفسك بتنزلي تعملي كل حاجة وانتي حبه دا 😌بس انتي أدري بنفسك وبقدراتك 🤝🏻
ممكن يكونو كويسين ومش شرط عشان فبيت عيله انك هتزلي تخدميهم ممكن يعاملوكي زي اختهم
لو هو كويس وأهله كويسين واهم حاجه الراحه النفسيه اديله فرصه
لأجل عين تكرم ألف عين،
فلو بتحب حد ضروري تكرم الي بيحبه،
لو بتحبي جوزك يبقى تكرمي أمه وأبوه واخواته لأجل عيونه، لو هو كويس وافقي ولكن لو لقيتي الشغل فوق طاقتك او هتيجي بزياده ع صحتك او استغلال منهم ليكي ارفضي بكل وضوح وأدب...وبرضو اعرضي عليه الموضوع وناقشيه فيه
هو انتي مش مجبره انك تنزلي تخدميهم بس دا بيكون حاجه منك انت كمساعده لو حابه ف لو عندهم عادتهم وتقاليدهم إن البنت تيجي تتجوز ابنهم عشان تخدمهم وانتي شايفه انك تقدري وافقي مش هتقدري يبقي لا عشان الموضوع دا بيعمل مشاكل بالهبل وانتي ادري بنفسك بقا.
يتعرض عليه المشكلة و هو تفكروا سوا فى حلم مناسب
تخدمي ليه!
صلى استخارة واتناقشى معه ف الموضوع
