فتون، ما اعرف كيف اقولك وليه جالسه اقولك، الزبده ان عندي مشكله مع الصاحبات بالمدرسه! ماعندي صاحبات! احسني وحيده مرا! يعني ضايق صدري صدق? لما يكون عندك احد معاك مرا وكويس ويتغير عليك بيوم وليله ايش تسوين؟ ضايق صدري مرا صرت اكره اروح ودايم اغيب?
هذا شي يصير لكثير ناس إن صديقاتهم يتغيرون فجأه أو ما عندهم صديقات أو يحسون بالوحده.. أما مشكله بالناس اللي حولك أو إما مشكله فيك إنتي يعني تضايق الناس معرف شوفي إنتي نفسك.. أول شي لا تحسين إنك وحيده منتي وحيده ربي فيه ترى وجيتي قلتي لي إعتبريني معك بعد طيب منتي وحيده يعني وفيه ناس حتى وهم عندهم أصدقاء يحسون بالوحده فلا تحسين إن إحساسك بالوحده عشان ما عندك صديقات لا.. والصديق اللي يتغير عليك فجأه على حسب لو هو كويس يمكن إنتي ضايقتيه بشي وتغير عليك أو يمكن هو تافهه ويحب السحبه ويتغير على الناس بمزاجه والحل عندك لو صديقك هذا يستاهل حاولي يعني تسألينه فيك شي وكذا شوفي إنتي ليه تغيرت عليك لو ما عطاك جواب مقنع إسحبي عليه لأن اللي يحبك بيجيك إذا إنتي كنت فعلا شي كويس مع هذا الصديق.. وأحس محد يتغير بدون سبب دايما فيه أسباب وراء كل شي فإنتي شوفي بس لا تستسلمين لأفكارك وتقعدين كذا مستسلمه للشيطان ووسوسته لين تضعفين.. لا قوي نفسك شوي لا تكرهين المدرسه دراستك وشهادتك أهم من كل إنسان على هذي الأرض صديقاتك ما راح يفيدونك بولا شي لو مستقبلك ضاع صدق بالأخير مالك إلا نفسك ثم نفسك ثم أهلك وأحيانا تلقين بحياتك صديق صادق من دعوه إنتي دعيتيها ولا أمك دعتها لك.. حتى لو كرهتي المدرسه قولي أنا بداوم عشان دراستي ونفسي وحتى لو إني وحيده ربي بيسخر لي الناس اللي يستاهلون يكونو بحياتي دام أنا ما راح أضر أحد إن ربي يعرف نيتي.. وخليك وحيده عادي ولا يهمك أحد بكرا بالجامعه ولا بالحياة ولا أي مكان تصير لك مواقف كذا راح تكرهين تروحين هذا المكان بس لو إستسلمتي خلاص ضاع مستقبلك لا جامعه ولا شي عشان كذا لا تستسلمين بسبب تفاهة بنات أدري لسا إنتي مدرسه وموضوع الصديقات مهم وكبير بنسبه لك بس صدقيني ما راح يفيدونك بشي اذا نزلت درجاتك ومستواهم بسبب نفسيتك.. فكري بنفسك شوي وإقعدي مع نفسك شوفي تضيعين دراستك عشان بنات ولا تكملين.. وفكري إن اللي تغيرت عليك تستاهل تعاتبينها أو لا؟ فهمتي وإدعي ربي ترى ربي أعلم بكل شي كل شي وإن شاء الله ربي يشرح صدرك ويسخر لك عباده الطيبين.
Liked by:
FM *Fan Page*.