انا قانون وبقالي ترم وبتخرج، اذا ممكن تقوليلي بعد ما تخرجتي ايش الاختبارات اللي اختبرتيها وايش الاشياء اللي واجهتك ووش الاسئلة اللي يسألونها في الانترفيوز وابيك تنصحيني.. وشكرا مقدماً?
ما فيه شي واجهته عادي جلست أحضر دورات قانونيه وأعبي السيفي حقي ما فيه إختبارات إختبرتها لكني سجلت بإختبار النيابه العامه وإختبرته، عموماً نصيحتي لك عبي السيفي حقك دورات وإضمني المكان اللي بتتدربين فيه أثناء التخرج إنك تتدربين فيه بعد ما تتخرجين لو يقبلونك زين لأنه مو بسهوله راح تلقين مكاتب تتدربين فيها لو تبين تصيرين "محامية متدربه" بنسبه للمقابله كل واحد وإسلوبه ما فيه شي محدد على حسب المحامي اللي راح تقابلينه وتشتغلين عنده وأغلب الأسئله بتكون شخصيه بعدين راح يسألك أسأله يشوف ميولك تجاه أي قانون تجاري جنائي الخ.. عموماً كل واحد وشخصيته وإسلوبه وأول مقابله ديماً تكون صعبه وتوتر لكن بعدها بتتعودين، نصيحتي لك لا تجلسين وتقولين بريح إضمني وظيفه لك قبل تتخرجين أو بعد التخرج علطول أي شي قدامك توظفي وبعدها بتتعودين على العمل ويصير عندك خبره وبعدين إختاري مكاتب زينه أو شركات لأن الكل يبي خبره. لو عندك سؤال لا تترددي، والله يوفقك ويوفق الجميع دعواتك.