"بَيْنَمَا كانَ الجَميعُ يَرَاني وَحِيداً ، كُنتُ جيْشًا كاملًا لنَفْسي."♟️

" كلٌ يراك بعين طبعه، وبقدر محبتك بقلبه "
هتلاقي بحياتك اللي بيشوفك أطيب الناس ، و هتلاقي اللي بيشوفك أسوأهم .. هتقابل ناس بتنسالك خمسين موقف حلو علشان بس قصرت مرة، وناس بتدورلك على أعذار وبيظهروا ليك أد ايه انت عظيم ورائع .. هتقابل ناس ما بتبطلش تنتقدك
وناس هيخلصوا كل الكلام الجميل وهما بيوصفوك ..
هتقابل ناس بتكرهك بدون سبب وناس بتخترع أسباب تحببها فيك .. وبالنهاية أنت نفس الشخص؛ ولكن كل عين تراك على قدر محبتها لك .. وكلٌ يراك من الزاوية التي تقف فيها من قلبه ..

"ستصنع مِنك الأيام الثِقال شخصاً لا يميل ولا يَلين".

"التصالح مع الذات"
اهم حاجه المفروض الإنسان يوصل ليها.!
تصالحك مع نفسك هيخليك انسان واضح جداً ..
بمعنى انك هتكون شايف نفسك كويس و عارف عيوبك ومتصالح معاها وبتحاول تغير من نفسك بكل اريحيه..
و حتى لو جيت فترة وحسيت انك مُنهار بترجع لتصالحك دا ..
متصالح مع فكرة انو مش كل الناس هتحبك ومش كل الناس بتتمنى ليك الخير ...
متصالح مع وحدتك او على الأقل بتحاول تتأقلم عليها..
متصالح مع أختلافك عن الحواليك ..
بأختصار تصالحك مع نفسك جزء مهم جداً إنك تكون شخص سوى نفسياً وفكرياً ..
"التصالح مع الذات يعنى تصالحك مع جزء خاص بيك من الحياة رغم صعوبتها "

"فى الحقيقة انت مش محتاج تغلب حد أو تنافس حد"
انت محتاج كل مره توصل لمرحلة تغلب فيها نفسك عشان توصل للمرحلة اللى بعدها ..
طول ما انت بتقارن نفسك باللى حواليك مش هتستفاد حاجة ومختلفناش ان المنافسة حلوة بس فى الأخر هتوصل لفين ؟
هتعدى اللى انت بتنافسه بس بعدها هتقف ثابت مكانك عشان كدا !
اللى محتاج تنافسه وتتغلب عليه فعلاً هو نسختك القديمة لازم تفضل تتطور من نفسك ومتحطش نفسك فى مقارنات مع اى شخص مهما كان .