سؤال :
ماذا تفعل عندما تشتاق لشخص عزيز على قلبك ، وفي ذات الوقت مهمل وجودك ولا يسأل عنك ؟
" جواب من غير مثالية "
من غير مثاليه ماافعل شي والله اشتاق له بيني وبين نفسي إلى مالله يفرجها ،بس بعدين يموت شعور انكم تشتاقون لهالشخص خلاص النفس تمل ولحد يقول انا مااامل ، النفس تمل من غير ماندري وتنتهي القصه وينتهي الشخص بحياتكم ، وتفكرون انكم كيف كنتم تحبون هالشخص وتشتاقون له وهو مو طاق لكم خبر .
عن نفسي وعن شي صار معي صراحه ماانتقم ولا اسوي اي حاجه اتركه وابعد عنه والأيام ترد لي حقي وفي رب فوق يرد لي حقي ،وصدقوني اي شخص كسر لكم قلبكم مره بيكسرها الف مره واللي يترك مره بيترك الف مره ولا احد يقول هذا الشخص غير والله مافي غير ابد مافي ف خذو احتياطاتكم ولاتعشمون نفسكم كثييير وأحب اذكركم ان بداية العلاقة تكونون متحمسين بس بعد ماينتهي هالحماس يبدا الصدقق "والحب يبدا بعد ماينتهي الحماس ".
كيف اكون اجتماعية وانا انطوائية.
والله مدري انا مثلتس ناس تقول انه مو زين نكون انطوائيين وأنا من رايي والله زيييين بهالمجتمع الزفت اللي كله نفاق وكذب ،بس مهما كان حنا لازم نكون بين البينين وانا اجتماعيه بس مع صديقاتييي لانهم اقرب لي من روحي والله أما الباقي مافي باقي والله كلهم تحت رجلي والبعد عنهم غنيمه😂🧡.
ولا كلمة توصف الأم بحنيتها وتضحياتها على قد ماهي منفذ لي من الحزن والضيق امي قطعه من الجنه ، امي صديقتي وأختي وحبيبتي وكل حاجه بهالدنيا ، الحمدلله كون امي هي امي ، الله يديم لنا امهاتنا ، ويرحم من ماتت له أم ويعوضه 💙💙.