السلام عليكم ..
لا تعتبرها دعاية ?
افضل مكان تكدر تشتري منه كاميرا بعيدا عن باب الشرجي ..
اتمنى اذا عندك عرف بشركة كانون بلكي يفتحون فرع صيانة باربيل .
وعليكم السلام حبيبي بصراحه أكو أكثر من مكان أخذ منه أغراضي بشكل دائم والحمد لله ما واجهتني مشاكل المكان الأول هو مكتب الكاميرا الحديثة مكانه بباب الشرجي قرب سينما السندباد موجود بي شخص أسمه سيد كريم أبو الزين المكان الثاني هو الوكيل شركة البدري وأختفوا فتره من السوق والأن رجعوا لخط الكامرات والمكان الثاني أيضاً وكيل شركة رأس البر مكانهم بالصناعة وكل هل أمكان ممكن تمر عليهم وكللهم أني من طرف غيث وأن شاء الله راح يساعدوك ويبيعلوك الغراض بضعف السعر ههههه
غيوثي اكو ترايبود الي ينفتح ١٨٠ درجة هذا شسمه وموجود هنا وشكد سعره ؟
تقريبا أغلب الشركات عدهم هيج ترايبود من ضمنهم شركه فانكارد وشركه مانفروتو وخاصه الحوامل الي تكون مخصصه لتصوير المايكرو أما الأسعار من ١٥٠ دولار وأنت صاعد
السلام استاذ شلونك
عندي سؤال بلا زحمه
عندي فلاشات خارجية 2 واريد اصور خارجي
اولا اريد نوعية بطاريات شحن نوعية جيده جدا وتدوم لضربات كثيره وين يبيعوها بغض النظر عن السعر
وبالنسبه للتصوير الخارجي شنو افضل سوفت بوكس او امبرلا دفيوزر او امبرلا عاكسة
واقصد بالامبرلا شمسية فقط مو هيد لايت لان جماعتنه يسمو
وعليكم السلام ورحمه الله حبيبي والله بصراحه بطاريات معينه ماكو ببالي لكن من الممكن أستخدام بطاريات دوراسيل وتغييرها وأما الشحن أعتقد لو تشتري من أمزون أفضل أما التصوير الخارجي فاختيار نوعيه الأضاءه يتبع نوع الصوره الي تريد تصورها والتأثير الي تحب تخلقه بالصوره مثلا لو مفكر تخلق ظلال قويه ممكن تستخدم الأمبرلا أما أذا جنت تريد الأضاءه تكون ناعمه فتستخدم السوفت بوكس أما العاكس ممكن تستخدمه أذا الشمس سببتلك مناطق ظلال قويه على الوجه وأسفل الرقبه
أحد الفلاتر الي تم أضافتها الى اللايتروم والي يعمل على تقليل الضباب في الصوره أو الأتربه الموجوده في الجو وحتى الرطوبه حيث انه بعد التصوير من الممكن أعاده التفاصيل بشكل قوي ومن الممكن الأطلاع أكثر على الفتر من خلال البحث عن أسمه
السلام عليكم استاذ غيث ممكن سؤال
شو يعني فل فريم
Nikon D7100 فل فريم ام لا ؟؟؟
وعليكم السلام الفل فريم معناها أنه حجم السنسر أكبر من حجم السنسر في الكامرات الأخرى وهل شي يعتمد عليه كثير من الأمور منها جوده الصوره وعمق الألوان وكذلك النويز في الصوره يكون أقل في الفل فريم أيضا والأهم من هذه الأشياء هو البعد البؤري للعدسات الأرقام الي مكتوبه على العدسات أذا ركبتها على كاميرا فل فريم الأبعاد تكون حقيقيه وما بيها أختلاف أما أذا تربط نفس العدسه على كامرا سنسر مقطوع راح يكون البعد البؤري الحقيقي مختلف مثلا البعد البؤري ١٠ ملم على الفل فريم ييبقى مثل ما هوأما على الكروب سنسر بالكانون راح يكون البعد البؤري الحقيقي للصوره هو ١٦ ملم لذلك الصوره راح تكون أقرب مع نفس العدسه
والله بصراحه يحتوي على مميزات رائعه ولو الى حد الأن ما تعمقت في أستخدامه لكن اهم شي ميزة وأروعها هي Dehaze كذلك خاصية Panoramas وهي مطوره وذكيه بشكل رائع أتمنى تجربتها لتعرف الفرق
ال٥٢٠٠ أفضل من ناحية أحتوائها على أمكانية التصوير بنمط HDR داخل الكامرا مع امكانية قلب الشاشه والتحكم بها أيضها أحتوائها على ٣٩ نقطه فوكس على عكس الكامرا الأخرى تحتوي على ١١ نقطة فوكس أما أفضلية كامرا ٣٣٠٠ فهي أمكانية التصوير البانورامي داخل الكامرا مع بقاء شحن البطارية فترة أطول بفارق بسيط عن الأخرى
السلام عليكم استاذ ?
شنو الاحسن بالفديو ولو سائلك قبل كتلي 70d بس شفت ال 7d شنو الفرق وشنو يعني كمله mark ويه اسم الكاميرا اكون ممنون
وعليكم السلام أخويه 7D markIIأفضل بكثير وكلمه Mark هذه تعني رقم الأصدار من الكامرا سابقا كانت الكامرا 7D فقط وهذه الكامرا كانت النسخه الأولى تم تطويرها لتكون 7D markII أي بما معناه الأصدار الثاني من الكامرا وهو رائع بكل المقاييس
اخوي ابيك تنصحني بميرور لس كاميرا صراحه احترت ما عرفت وش اختار بين سوني و فوجي
والله بصراحه عن نفسي لو فكرت أشتري ميرور لس كامرا ما راح أتنازل عن سلسلة Sony Alpha a7هذه السلسلة رائعه جداً فيها الميكا بكسل العالي للصوره الثابته وفيها أمكانية رهيبه للأضاءه الضعيفة خاصة مع الفيديو وأيضاً تم تطوير الكامرا للتصوير بدقة 4K مع ريكورد خارجي لذلك مجرد حدد أحتياجك بين الفيديو والفوتوغراف وتوجه لهذه السلسلة مباشرة
وعليكم السلام ورحمه الله هذه الأقراص واحد منها هو دليل المستخدم والأخر يحتوي على برامج أضافيه للكامرا تمكن المستخدم من التحكم الكامل بالكامرا من خلال جهاز الحاسوب وبصراحه حسب علمي يأتي مع الكامرا ٢ سي دي أما الثالث فبصراحه ما عندي معلومات عنه ممكن صوره للأقراص ؟
d5200 or d7000 resolution .60d بغض النظر عن الموتور فوكس و التحمل من برأيك احسن في الدقة سناب سورت قارنت بين الثلاثة وجدت ان 5200 الفائزة فما رأيك
والله بصراحه عن نفسي لو تسألني مباشرة راح أروح لل ٧٠٠٠ لأنه فيها أمكانيه رائعه للتعامل مع الألوان وتشبع رهيب وبشكل لا يقاوم أيضا ال ٦٠ دي رائعه وأمكانية التحكم بالكامرا أكبر من ال ٥٢٠٠ خاصة مع التحكم الكامل بأعدادات الكامرا وأمكانية تصوير الفيديو بمرونه تامه ما أخفي عليك لو فكرت أختار بين الكامرات خياري أولا راح يكون ٧٠٠٠ ومن ثم ٦٠ ديأما ال ٥٢٠٠ فحجمها ما يعجبني نهائيا وهذا أبرز مشاكلها خاصه أذا كانت الكامرا هي كامرتك الرئيسيه الي تعتمد عليها
وعليكم السلام ورحمه الله ال ٧١٠٠ متفوقه على ال٥٣٠٠ بكثير من المواصفات مثلا ال ٧١٠٠ مقاومه للظروف الجويه أكثر من الأخرى الباتري يوفر لك عدد صور أكبر من الأخرى الفيو فاينر يغطي ١٠٠٪ من مجال الرؤيه على عكس الأخرى فهو يغطي ٩٥ ٪ من المجال أسرع بمقدار فريم واحد وأيضا تحتوي على محرك فوكس داخلي على عكس الأخرى الغالق يصل حتى ١\٨٠٠٠ على عكس الأخرى ١\٤٠٠٠
مسا الخير .. سؤالي بعيد عن الكامرات والتصوير .. عندك صديق اسمه غيداق .. ترة كولش مشتاقلك .. ويكول شوكت نتشاوف ؟؟ ?☺️☺️
ههههههه يا مساء الخيرات يابه والله هو هذا الصديق خوش رجال ومن أهل الله وأني تقريبا يوميه بصفه بس مدري ليش من أرجع للبيت يله أتذكره عمي خلينا نشوفك هل يومين لأن ترى أني هم مشتاقلك والله
أذا كانت هذه كامرتك الأحترافيه الأولى فالخيار جيد حاول تفهم الكامرا أكثر وتتعرف على أسرار التصوير ومتغيراته مثل الفتحه والسرعه وغيرها وبعدها فكر بتغير العدسه أو الكامرا موضوع الغير لاحق عليه :)
السلام عليكم من فترة اشتريت كاميرا نيكون دي3200 مع عدستها الاساسية 18-55 وعم اتعلم من اسبوعين عالنت والحمدلله اموري سليمة عالفوتوشوب ولايت روم 5 كمبتدأ
من شوي حضرت مقطع لحضرتك عن اساسيات معالجة الصور واعجبني بصراحة نظرتك المستقبلية للصورة وانتا متأكد ان خياراتك صحيحة
اريد منك نصيحة خبير لمبتدأ
وعليكم السلام ورحمه الله يا ألف أهلا وسهلا بحضرتكم وأني مستعد لأي سؤال أو أي أستفتسار يخطر ببالك بخصوص التصوير أو المعالجه أما عن نصيحتي حاول تعرف كل زر بالكامرا وتفكر كيف تستخدمه بطريقتك الخاصه أفهم الغالق وفتحته العدسه والأيزو بشكل سليم وأستخدم مخيلتك الخاصه لهل متغيرات ولا تتقيد بالكلام الي تقرأه عن أنواع التصوير والمعالجه تأتي ثانياً . الأعدادات والصوره الصحيحه أولاً
السلام عليكم غيث
عندي سؤال عندي كأم كانون D650 و اخذت ذاكره ٣٢ كلاس ١٠ ولم اصور فيديو١٠ دقايق فقط و يفصل او يوقف التصوير و بعدين ارجع اصور و احيانا اصور كامل النص ساعة بس بالكمبيوتر. يصير مقطع ع اربع مقاطع ما اعرف شنو الحل برأيك. وشاكر ألك رحابة صدرك
وعليكم السلام ورحمه الله أخويه هذا نظام الكامرا أذا جنت مخلي على أقصى دقه ممكنه ما تكدر تصور أطول من ١٢ دقيقه للمقطع والسبب أولاً أرتفاع حراره السنسر بشكل جدا عالي بحيث الكامرا تجبرك على التوقف عن التصوير أو أمتلاء الذاكره الداخليه المؤقته بالكامرا هذا النوع من الكامرات مصمم لتصوير الدعايات والمقاطع البسيطه فقط وما مصممه لتصوير الفيديو مده طويله