حروب وعواصف ما ندري اذا كانت افكارنا صحيحة توصلنا الى بر الأمان نعيش قصة ما بين اثنين انا وانا انا الاولى توافق على كل شيء سواء بالمضرة او بالزينه انا الثانية لا تدور وتلف على الموضوع بشكل دائري حتى لو عجبها ما توافق اهني نعيش في حرب مع انا و انا
جالس جنبي ولا اقدر اعبر لك عن مشاعري مشتاق وولهان عليك قوة، عيوني تفضحني تتحرك ويه حركاتك ولا اشيلها عنك. صرت طفل رضيع يشتاق حق حضن امه بي بس انت ما اقدر اكلمك 💔
رغبة ملحة منك تفهم كلامي تصرفاتي حركات اسلوبي، افهمني اني تعودت عليك وايد، صرت حتى لو كنت معاك في نفس المكان اشتاق لك، صوتك اسمعه في غيابك، تفكيري مشغول فيك، رغبة ملحة منك. 💔
حديث بين العقل والقلب وانا في حيرة ما ادري اميل الى من اكثر العقل يرفض ويوزن الأمور مليون مرة، لكن القلب عكسه ومن أولها ياخذ قرار ويريد، تعب وانا اسمع الأثنين واحد يرفض والثاني يريد، والحل عايش في دوامة الرفض والقبول لو اقتنع العقل مراح يوافق لو اقتنع القلب مراح يرفض..
تصدقين شعور في داخلي غريب اذا قابلت ناس ينربط لساني بصفة الصمت مع ان داخلي فيه مدينة كلام، اخاف البوح فيه لانه ترجمته بتكون غلط، والصمت والكتمان مسببين آلالم الى يسار صدري 💔