هل تؤمن بأن الأشخاص الوقحين يجب أن يتم معاملتهم بالإحسان حتى يتحولوا لأشخاص طيبين؟
الناس الوقحين نوعين ... ناس اذا عاملته بإحسان و لطف .. "بجلس " و بحس بوقاتحته و بتتحول معاملته معك بلطف . النوع الثاني السيء جدا .. اللي لما تعامله منيح رغم وقاحته .. بتمادى اكثر ! ما بحس على قلة ذوقه .. لا و بزيدها ... هاي النوعية بدك تتعامل معها بقسوة و جلافة و الافضل تجاهلهم و ما نتعامل معهم بالمرة ~
بشكل عام مثل هيك شخصية مملة .. اجمالا الانسان بمر بحياته فترة بكون مضغوط فيها و بلجأ للشكوى للناس .. يمكن هالاشي بريحه .. و عادي مش خطأ ابدا ... بهيك وضع الناس المفروض تحاول تخفف عنه بس احيانا بتزيد عن حده الشغلة يعني بس بشاركك بأحزانه ولما يفرح بفرح بينه وبين حاله ... و بلجألك بس للهم و النكد .. بشكب مستمر على الكبيرة و الصغيرة هيك الوضع بصير ممل جدا و بوجع الراس .. بكون دوري اصارحه ... يا بتغير من حالك و تشوف الجانب الايجابي يا لا تشكيلي :)