@Ibrahimhassan840

( EH13 مهبدس)

Ask me anything Follow
Ask @Ibrahimhassan840

Sort by:

LatestTop

Previous

ايه اكتر حاجه بتحبها في حياتك ؟

??اول مره افكر في سؤال فتره كبيره اول مره اكون مش عارف اجاوب عمري ماتعلقت بحاجه ماديه لاني بشوف دايما ان في حاجه اكبر المفروض اتعلق بها يمكن انا اكتر حاجه بحبها لما اقدر اساعد حد في حاجه او اكون وسط ناس بحبها بس بجد انا مش عارف اجاوب ?
2
Liked by: Mahmoud Elsawy ( EH13 مهبدس)

لماذا يكذب الناس؟

السؤال دا انا مقدرش اجاوب عليه بشكل كبير لانه محتاج دراسه كبيره محتاج تحليل لسلوك الناس علي مدار فترات زمنيه مختلفه بس انا من وجهه نظري استحاله هنقدر نعيش من غير كذب ربنا لما خلق الدنيا خلق كل حاجه وعكسها كان في سما فكان لازم يكون في ارض كان في غني فكان لازم يكون في فقر كان في مرض فكان لازم يكون في دوا واكيد كان في صدق فكان لازم يكون في كذب دي فطره منقدرش نغيرها تخيل لو الدنيا كلها كويسه مش هيبقي في معني للحياه هيبقي ايه لازمه الحساب في الاخره ربنا لما قال وما خلقت الجن والانس الا ليعبدون اكيد كان لازم يحطله نوع من الصعوبات في انه يحقق العباده دي فطبيعي مش هنقدر منكذبش بس نقدر نخفف من الكذب دا وخصوصا لو هيضر حد غيرنا?
2
Liked by: Mahmoud Elsawy ( EH13 مهبدس)

Related users

mohahmedkhaled’s Profile Photo Moĥẩḿęð Khálèð 
modroro889’s Profile Photo ʀᴏғ ʚɞ
rawanawad44892’s Profile Photo روان♡
emanabdeen12’s Profile Photo Eman Abdeen
amar757yr57’s Profile Photo AMMAR
outlawhunter27’s Profile Photo حُسامْ الدين فلسطيني •°`ఌ︎
sabah2001’s Profile Photo sabah
manarshawky448’s Profile Photo البشمدرسه..

هل تفضل أن تكون مشهوراً وغنياً أم فقير وسعيد؟

ايه الاسئله دي بس?
اولا كل واحد ليه نصيبه في الدنيا وانا مقتنع بكده جدا
ثانيا مافيش حد يحب يكون فقير وكل اللي يقول انا افضل اعيش فقير وسعيد دا كداب وش ?
وطبيعي انك بتحط احلام واهداف ادامك نفسك توصلها
بالنسبه للشهره انا اكيد فكرت فيها بس لما تراجع نفسك هتلاقيه مش كويسه لانها بتحط حياتك الشخصيه ادام الناس وتخلي ليهم الحق انهم يحكموا عليك ودا انا مبحبوش لان كلام الناس انا مبحطش في دماغي اصلا
بالنسبه للغني اي حد بيحلم بمستوي مادي كويس مش شرط كتر الفلوس بس ان يكون معاك اللي يخليك تقدر تعيش حياه كويسه
سلامو عليكو ?
ملحوظه :نفسي اعرف مين اللي بيسال دا والله هروقك اسئله ??
2
Liked by: Mahmoud Elsawy ( EH13 مهبدس)

ما هو الشيء الذي ترغب في تغييره في العالم؟

مافيش حاجه تقدر تغير العالم غير ان الانسان مايحسش بالخوف لو محسش بالخوف هيقدر يطالب بحقوقه مش هيخاف يقول الحق ويقف وراه مش هيخاف يعبر عن مشاعره بس للاسف حاجه مقدرش احققها بس بحاول اطبقها مع نفسي يمكن حققت جزءكبير من المحاوله دي بس الجزء الباقي انا متاكد انه هيجي مع الوقت ??
1
Liked by: Mahmoud Elsawy

اجمل هديه جاتلك في حياتك....?✋?

كانت تليفون
وهديه تانيه كانت قلم جاف كان من واحد صاحبي بس كنت بحبه جدا
1
Liked by: Mahmoud Elsawy

What is your favorite season?

والله ياصاحب السؤال معدتش بتفرق طالما كده ميت من الحر وكده ميت من البرد يبقي هنخاف من ايه بس انا شخصيا بفضل الشتا
1
Liked by: Mahmoud Elsawy

Facts about you

مافيش حد يقدر يقول صفات عن نفسه والا يبقي مش طبيعي لانه هيطلع نفسه احسن واحد في الدنيا بس الحاجه الوحيده اللي انا متاكد منها اني لو حبيت حد مستعد اعمل اي حاجه عشانه
1
Liked by: Mahmoud Elsawy

انت بتهتم انك تكون محبوب بين الناس...

هي صيغه السؤال مش صح لان مافيش حد بيحاول او بيعرف يرضي كل الناس بس طريقه معاملتك مع الناس هي اللي بتخليهم يحترموك سواءا حبوك او لا لان الحب دا حاجه بتاعه ربنا
1
Liked by: Mahmoud Elsawy

نصيحه ؟؟

اعمل اللي انت شايفه صح ومتخافش من حكايه الناس هتقول لانك لو فكرت في الناس صدقني هتخسر كتير حياتك مش هتعيشها مرتين
1
Liked by: Mahmoud Elsawy

هل يهمك رأي الآخرين فيك؟

اكيد في ناس رايها مهم بالنسبه ليك وناس لو قعدت تقول في نصايح من هنا لبكره ولا يفرق معاك وفي الحالتين اسمع منهم بس متخليش حد يفرض رايه عليك او ياثر علي شخصيتك
1
Liked by: Mahmoud Elsawy

عندما يكون عمرك90عاماً..ما أكثر شيء سيهمك ؟

ماتعودتش افكر في حاجه انا ممكن موصلهاش انا ممكن ارد باي حاجه بس مش هتبقي منطقيه من وجهه نظري اكيد لو وصلت للسن دا تفكيري بالتاكيد هيكون مختلف تماما عن دلوقتي
1
Liked by: Mahmoud Elsawy

هل غرفتك غير منظمة، وإلى أي مدى؟

الغرفه المنظمه دي تحس ان مافهاش اثاره كده يعني ايه اجي ادور علي كتاب مثلا القيه علي طول???مافيش متعه انت فاهم انما لما تنزل تجيبه من تحت السرير وتدور عليه وسط الهدوم الموضوع ممتع اكتر والله???
1
Liked by: Mahmoud Elsawy

What do you think of tattoos?

???انا مبشفوش حاجه مميزه يعني ومش فاهم ايه الفكره منه مش شايف فايده في انك ترسم علي جسمك دا من وجهه نظري
1
Liked by: Mahmoud Elsawy

Next

Language: English

4.1

1,266,418 reviews
© Ask.fm 2024