بنات بنسالكم سؤال تخيلي في يوم حفلتك مشيتي لمزينة وبعد ما دارتلك مكياج _ المكياج معجبكش ومتقدريش حتى تقوليلها عدليلي لان هذا مكياجها __كيف تتصرفي وقتها
هههه صعبة الحق وقتها خلاص ضيق الوقت مفيش حل الا نرضى بالواقع وخلاص
شن النقطة الفاصلة لي بتغير حياة الانسان وهل مريت بموقف غير حياتك ؟
الـصدمة ,, الانسان بيكون عايش حياة متبرمج عليها من الصغر ومرتاح فيها ممكن يكون في اشياء في حياته مش راضي عليها بس عمره مفكر يتغير او ممكن فكر وفشل وحاول وبرضو فشل لعند متجي صدمة معينة يكتشف ان كل لي تبرمج عليه غلط يفيق من الوهم لي كان فيه حيندم ع كل غلط ووقت ضيعه وقتها حيراجع حساباته من اول وجديد حتتغير افكاره حيصنع لنفسه حياة جديدة اني كانت عندي النقطة هادي وكانت نتاج صدمات مش صدمة وحدة واني توا غير ب360 درجة عن قبل سنة تقريبا والحمد لله يارب كانت صدمات تقوي مكسرتنيش
اممم سؤال غريب منحبش الحليب نموت في المالفي نحب بايرن ميونخ هلبااا نتعقد من حد يفرض علىا شي اني مش مقتنعة بيه رغم ان ظاهريا نبان عاقلة ورزينة لكن الحقيقة يلي ميعرفهاش الا القراب مني اني من داخل طفلة وع كلام صاحباتي "عيلة" اي شي ليه علاقة بالطفولة اني نحبه الالعاب والرسومات وشناطي متع باربي والتنقيز والجري والسيريلاك حتى ع النت وقتي ماشي بين المزرعة السعيدة والعاب طبخ وتلبيس و....
السلام عليكم دفعتي العزيزة نبي نعرف شنو نظامكم السمستر هذا بتخشو كورسات ولا بتحظرو في الجامعة ولا بتقرو في الحوش يا ريت تفيدونا لان سمستر جديد ومواد جديدة ومش عارفين كيف وربي يوفقكم :)
وعليكم السلام ورحمة الله اني مش منزلة ولا مادة من ثالثة معدا الميكرو بس ننصحك تاخدي كورس باتو وفارما ع الاقل اريحلك لو نظامك كورسات
كوني انت جمال الصباح واشراقته,الصباح يشرق من عينيك البراقتين انت مشرقة كالشمس , فلا تكوني قمرا او نجما يحتاج غيره ليضئ,, اكتفي بذاتك انت لست مجرد صديقة,,انت نعمة اعوذ بالله من زالها ♥