الصبح بتصحى رنا تجهر حالها لتروح على الجامعة بتفتح التلفون بتلاقي رسالة من محمد محمد: هبلة!؟ كيفك رنا: مشتاقتلك وانت؟ محمد: ميت على شوفتك رنا: باي محمد: على اساس بتخجلي يعني؟ رنا: ههههههههههههه هيك شي ولك أنا بنت يا حمار محمد: يالله محلا هالصباح رنا: ,,,,,, طلعت على الجامعة زي شي بنت مراهقة بتكتب حرفو على دفترها سرحانة بتفكر فيه وهو بجامعتو مو شايف قدامو من الفرحة المفروض إنو بهالسنة رح يتخرج بس إذا ضل هيك قبل عشرين سنة ما راح يتخرج! الساعة 3 هااا إجت الساعة الي بستناها محمد رن بسرعة على رنا محمد: كيفك؟ رنا: تمام انت؟ محمد: تمام ؛ ءءء تطلعي هسا؟ رنا: وين؟ محمد: عازمك رنا: عازمني يعني في أكل؟؟؟ طيب تعال خدني بسرعة محمد: هههههههه بتفكري ببطنك بس رنا: يالله الزناخة اجا أخدها كان حاط اغنية غريبة شوي! كان حاط أغنية بتعبر عن مشاعرو وإحساسو طلعت رنا ضربت على كتفو وحكت بمزح أو بفضول بدها تعرف: شو شكلو عشقان الأخ؟ محمد بخبث: ميت عشقان مغرم كل شي بالحياة رنا بغيرة: اها تتهنى محمد: ليش هيك قلب وجهك؟ رنا تلبكت: أنا؟ ولا شي محمد: طيب ليش ما سألتيني عنها! رنا: احكي عنها محمد: هي احلى شي بالحياة بسمتها بتجنن ولا صوتها معزوفة موسيقية نظرة عيونها بتسحرني رنا: اهاا محمد: احكيلك مين هي؟ رنا بملل وغيرة وقهر: ااه محمد بإبتسامة: انتي رنا فتحت ثمها ووجها صار أصفر! هاا أنا محمد: اه انتي ♡ رنا: ,,,,,, محمد: طيب وانتي بتحبيني؟؟؟ رنا: لا بعشقك محمد مسك إيدها وشد الدمعة بعيونو تجمعت وحكا بصوت مبحوح : انتي أحلى هدية بعثلي ياها القدر وصلو للمكان,,,ماشي وماسك ايدها خخايف تهرب على مكان وصلو للمطعم أكلو وحكالها إنو في جبل حلو وحاب يتسلقو قررو يروحو على هالجبل تسلقو وتسلقو وصلو للآخر وصرخ محمد : بحبببببببببببببببببببببببك رنا في دموع بتنزل بس دموع الفرحة حضنتو وشدت عليه بكت كتييير وبلشت قصة حب يمكن ما مر على الدنيا زيها كانت أحلى من كل القصص كانت قصة ما فيها مشاكل كلها حب وحنان^^*
اليوم صارلهم مع بعض سنة! رنا بعثت لمحمد: محمد شو بدك تعمل اليوم؟ محمد: بدي اطلع رنا: مع مين؟ محمد: صاحباتي رنا: عفواً؟ محمد: في شي؟ رنا: كيف يعني صاحباتك جد إنت خاين وبتحكيلي كمان محمد بدي انهي كل شي بينا محمد: هههههههههههههههههههههههههه مش طبيعية غيرة البنات رنا وهي بتبكي: محمد خلص بكفي! محمد: هههههههههه ماشي اسمعي بدي احكيلك شغلة رنا: شو بدك تحكي عن صاحباتك محمد: هبلة بعرف شو اليوم ومحضر طلعة الي والك بس حبيت استفزك شوي رنا: مزنخك محمد: اخرسي رنا: بحبك محمد: وأنا بحب صاحباتي رنا: انخلع من وجهي محمد: ياا هبلة يا قلبي يا عمري يا كل شي يا مرتي المستقبلية بموت فيكي ؛ يلا البسي وكمان شوي جاي رنا: اوكي لبست وجهزت حالها طلعت بالسيارة : رنا: وين رايحيين محمد: على الكفتيريا الي شفتك فيها اول مرة رنا: طيب وصلو نزلو من السيارة فاتو كيكة كبيرة بالنص وكل المطعم بالونات احمر وورد وشموع! كل صاحباتها وصحابو موجودين! وبلشت أغنيتهم بحبك أنا كتير! هون رنا بدها تصرخ تبكي بطلت قادرة تحكي حضنتو وحكتلو بحبك يا زنخ محمد: بموت فيكي بس احترميني شوي هههههه رنا: انت الحياة محمد: انتي الروح رجعت على بيتها! يمكن أحلى يوم بحياتها! رنت عليه وحكو للصبح من بين الحكي حكالها ( النا سنة مع بعض بهالتاريخ بالسنة الجاي رح اخطبك ) يوم ورا يوم مرت سنتهم كانت أحلى سنين حياتهم اليوم يوم الفرحة جاي يخطبها! لبس هالبدلة قدام المراية وقف فاتت إمو بتبكي فرحانة بإبنها الشب حكا لإمو : بدي اروح اجيب ورد الها ﻷحلى وردة بحياتي طلع بسيارتو ببيت رنا لبست فستانها الأزرق لأنو هو بحب الأزرق رفعت شعرها! وحطت هالمكياج فاتت إمها فرحانة ببنتها وأختها الكبيرة بتحكيلها والله وخطبتي قبلي شكلي عنست! ضحكة مليانة فرح ضحكت *_*
ضحكة مليانة فرح ضحكت إتأخرو شوي بابا عادي! ليش تأخرو بترن عليه بس ما برد! التلفزيون مشغل وصوت نبضات قلب رنا اعلى منو غير الأب المحطة وحط على الأخبار! خبر عاجل : وفاة شاب عشريني (محمد) تحت أثر حادث سير ؛ مع العلم أن اليوم خطبته ) دمعة حرقت خدها وتذكرت إنها قبل ساعة ونص زعلتو شوي! مع انو اليوم خطبتها زي المجنونة طلعت تركض على الشارع وتصرخ محممممممد وييييييينك؟؟ قاعدين بكذبو عليييييي!! بحكووو إنك متت! محمد محمد ويييينك الكل تجمع عليها فكروها مريضة نفسية بس ما بعرفو إنو وجعها اكبر! أكبر بكتيييير فقدت حبيبها وحياتها! على قبرو قعدت وحكتلو محمد وينك؟ اشتقتلك ارجع وما راح ازعلك فستاني الأزرق بستنى تشوفني فيه والقهوة لساتها على النار بتستنى فيك ليش رحت يا وردة حياتي؟ ليش تركتني بأحلى ايام حياتي باست قبرو وحكتلو بحبك راحت على بيتها صوت ما الها ولا حركة على تختها قاعدة بترن على محمد بس ما برد فاتت على محادثتهم وقرأتها كلها قرأت كل شي ودموعها بتنزل شافت صورتو مش موجودة وآخر ظهور قبل أربع ايام بعثتلو محمد وينك يا زنخ؟ ولك رد علي! كل هااد زعل!؟ اشتقتلك واشتقت لصوتك يلا تصور وابعتلي صورتك استنت ساعة ؛ ساعتين ؛ ثلاث ؛ أربعة وما رد! بعثتلو مريض؟ ليش ما بترد عليي وهي وقتها عرفت إنو جد مات مو مزح لأنو مستحيل ما يرد عليها قلبت حياتها لجحيم على غيابو فقدتو بلحظة فقتدو وهو زعلان! الحكمة: مرات بنتزاعل مع ناس بنحبهم وبنجرح بعض بس بدون ما نفكر ؛ ما بنفكر بالموت كيف ممكن يوخد حدا منا ممكن بأي لحظة نفقد بعض للأبد ؛ لهيك ما لازم نترك لحظة غضب تأثر بينا لأنو الموت ما بفرق بين زعلان ورضيان!.