خطيبي مش حابب الصيغه اللي بنصحه بيها أنه يبطل سجاير ويلتزم ف الصلاه..ساعدته كذا مره وبيرجع تاني وأنا تعبت من محاولاتي معاه ف مبقاش حابب صيغه كلامي ف النصح وكدا ومش عارفه بصراحه اي الطريقه اللي تنفع مع واحد ٢٨سنه ده لو عيل صغير كان زمانه سمع الكلام!؟؟؟؟
بلاش صيغة النصيحة وجربي تقعدي معاه تتناقشوا مع بعض عادي وكل واحد يعرض وجهة نظره ، يمكن ..
وبشكل عام ، الخطوبة هدفها إنك تشوفي العيوب وتعرفي إن كنتِ هتتقبيلها أو لأ ، فـ لازم تكوني مدركة تماماً داخلة على إيه ، ومفيش حد بيتغير إلا من رحم ربي ..
فـ من غير تعب زيادة ولا إرهاق لنفسك أو ظلم ليكم لو مش مرتاحة خلاص استخيري واختاري الوضع المُريح بالنسبة لكِ.
اي طريقة نصحك له ؟
اكيد مش هتجبرية انو يعمل حاجة مفروض يعملها لنفسه هو ربنا يهديه
دي مشكلة I can fix him بس في نقطة مهمة وهي ان خطيبك مش عيب صغير عشان يسمع كلامك أصلا
خدي واحد بيصلي متتعبيش نفسك
و انت مخطوبة لواحد بيشرب سجاير و مبيصليش ليه اصلا؟
والله هي الفكره مش هو ٢٨ سنه او لا
الفكره فيك انت ك شخصيه إزاي تكون عارف شئ زي دا ولسه بتتمسكوا بيهم
وبرضوا ترجعوا تشتكوا م المعامله الي هتتعاملوها منهم
اولاً سر تغيير اى إنسان للأفضل هو الصبر.. اقرأى فى السيره النبويه وهتتعلمى معنى الصبر وازاى تعرفى تأثرى فيه .. عشاق الله لا ينفذ صبرهم مطلقاً لأنهم عندهم معرفه وعلم أن اى ثمره عشان تجنيها لازم لها زراعه ووقت.. تانى حاجه خلى عندك رؤيه وتخيل لخطيبك انه وقت الصلاه بينزل يجرى على الجامع كأنك بتبصى على الشوك بس انتى شايفه الورد.. واخيرا " إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ ".. ومن يشاء هنا عايده على الشخص نفسه مش على ربنا.. يعنى لو هو عايز الهدايه من جواه بس مش قادر لسه يتغلب على نفسه ربنا هيهديه ان شاء الله..
طبعا فى جزء نفسى فى الموضوع بس مش عايزه اطول عليكى اكتر من كده انا حاولت اختصر والله سامحينى 🤭
فشكلى الخطوبة
هو مش صغير وانتي لو مكانوا وحسيتي ان حد بيزن عليكي هتعاندي حتي لو كلامو صح .ادام انتي متقبله دا فيه خلاص سيبيه هو حر وادعيلو وبلاش تكلميه من باب النصيحه
