ليا اتنين صحابي الانتيم في الكلية عاملين جروب سوا نتابع فيه المذاكره المهم هما مش بيعملو حاجة غير صياح بس والمواد صعبه ومش عارفين نذاكر وعياط واحباط في الشات والاقيهم بعد كده مرتبين ع الدفعه واحده فيهم التانيه ع الدفعه والتانيه الخامسه ع الدفعه
ده يبقي اسمه ايه معلش علشان انا مندهشة منهم واعمل ايه
في الأساس فكرة الجروب دي سخيفة أنا تقريباً علاقتي بجروب الدفعة زي علاقتي بالسبانخ لكن لسه فيه عشان لو احتجت حاجة بس عاملة ميوت التهويل والمبالغة صفتين موجودين في كل الطلبة الجامعية في مصر وفي الحقيقة الصفتين دول نابعين من مصادر مختلفة حسب طبيعة الأشخاص الطبيعي المتوتر بيبالغ، واللئيم بيبالغ لضعف إيمانه وقلة حيلته لاعتقاده انه مناله هيحصل عليه بالشكل ده.. اسلم حل خدِي غرضك الرئيسي المراجع والمنهج وخلافه وسيبي لهم الصياح والتهويل واللؤم