فعلا خلص الخير بهالدنيا بصحى الصبح بكسل لاروح ع الجامعة الي نفسي اخلص منها طبعا بدون اي مجهود ابذله... لألاقي بالطريق أطفال ملتمين ع طفل صغير عم بضربو فيه !!.. بسأل حالي شو شافو من الدنيا ليكون الضرب بالنسبة الهم متعة .. بكمل طريقي بدون اي اعتراض خارجي.. لاوصل ع الجامعة والاقي ناس بتنتقد التانين من فوق لتحت حسب طبقاتهم الاجتماعية ومناظرهم الخارجية.. كل حدا منا perfect اسم الله وضل انشوف مدى كمالية الآخر !! مين فينا فيو النقص ع هيك ؟ بروح لألاقي قناة العربية الي ختمت الدين وبتقيم بالناس مين ع الجنة ومين ع النار ؟؟ ونظرا لشروطهم ومقاييسهم العالية طبعا فصعب اتلاقي حد بالجنة .. وبيجي وقت أنام ليمر بعقلي شريط كامل بالاخطاء الي عملتها بحق حالي وحق ربنا وبنام ..... بنام بكل برودة اعصاب طبعا مع قرار التغيير الي بحياتي حيضل قيد التنفيذ بدون اي خطوة لقدام