لدى الجميع الآن الضوء الأخضر والسَّبب الكافِي للحديث، للإعتذار، لفتح الباب المُغلق ولكسر الحاجز المتين .. الوقت مُناسب الآن للسير وَراء قلبك دُون خوف وخَجل 🖤
قبل شوي قاعده بتفرج على شات بيني وبين شخص توفى قبل فتره صفنت بالكلام والحكي والضحك يالله قديش الدنيا صغيره بيوم وليله وثواني بتوخد ناس من حوالينا واحنا مش حاسين حبوا بعض يجماعه لا تزعلوا بعض ما بتعرفو شو مخبى بكره 💔
لا الحمد لله ما في بيني وبينه أي كلمة ع الشات .. يعني اذا مات بيموت مرتاح 😂
SPACE ❤
إحساس القرف تجاه شخص أقوى بكتير من إحساس الكره .. الكره بيكون غضب مؤقت وبس تهدى بيرجع الوضع عادي أو يهدى بالوقت ، بس القرف إحساس حاسم .. أول ما تحس بقرف ناحية حدا رح تشوف تصرفاته مقرفة نواياه مقرفة تفكيرو مقرف شكله مقرف .. ما راح تعرف تشوف غير هيك ، وعمرها نظرتك ما رح ترجع فيه متل قبل 🖤
💛🍂
حلو إنك تقضي نهارك بلا ما تنطر حدا يطمن عليك لأنك أصلاً بطلت تصدق إهتمام حدا 🖤
صباح الخير ❤️☺️ احكِ
رايقه لدرجة كتبت زي المراهقين صباح السعادة 🤭😂
أيهما تفضل أن تفاجىء الآخرين بمفاجأة جميلة أم أن تجد مفاجأة جميلة من الآخرين؟
طبعا بفضل الجهتين 😎
يمكن بسبب دعواتك ربنا بعده ولو كان خيرا لبقي 👌
ادعي لنفسك واهلك واحبابك والله يجبر بخاطرك ي مها ❤️
لأني رايقه .. بدي احكيلك قصتي مع الدعاء .. كان زمان في شخص كثير كثير قريب وغالي عليي .. كانت كل دعواتي اله .. ما بدعي لحالي .. كنت بس اله .. صار مشكله بينا من زمااان وقرر يختفي ويبعد .. وكنت بس متعوده ادعيلوا .. ووقتها صرت ما بدي أتذكره إنو خلص .. بدي أنساه .. كيف يمها بدك تنسيه وأنتي لا إراديا اسمه بكل صلاة بتنطقيه .. استغفر الله العظيم .. المهم ضليت أجبر حالي إنو ما ادعي ما ادعي ما ادعي ولا انطق اسمه .. لحتى فعلا بطلت اقدر ادعيله ولا ادعي لحالي ولا ادعي لحدا .. حسيت إنو الدعاء رزق ولأني قطعت بدعائي اله .. الله حرمني هاي الدعوات .. هاي كانت ثاني شغله بتصير بيني وبينه وبين ربنا .. كثير بزعل لما أتذكر هالشي .. بس بحكي ربنا عارف وشايف ..
اليوم الي بكون فيه رايقه بيكون أجمل يوم 😂 ولا مره فكرت أو استنيت يكون في أجمل يوم بحياتي .. كله مكتوب وراضيين ..
لما تقعد لحالك بتعرف قديش فيه علاقات استنزفت مشاعرك و وقتك، قديش في مواقف كنت مفكر هظول الناس كان هدفهم مساعدتك بس لما حللت الموقف بتعرف انهم كان بدهم أذيتك زي واحد حامل سكين لما طاحت منه عمل حاله انه كان بده يحميك، قديش في كلمات حكوها و فكرناهم بمزحوا فيها بس لما حللتها كانت اعتراف منهم بمكانتك 💔
ما بعرف .. بس يمكن .. ولا مره كان جواتي لوم ع حدا من الي مروا بحياتي .. بكل مره بطلع حالي أنا الغلطانه ..
لا ولشي .. بس فتحت شوي باب الماضي .. حنييت كثير للماضي .. كان أحلى بكثير .. كان في اله طعم ..
مساحه
بتذكر لما كان يقعد ع الباب من فوق ويستعرض لما كنت أمر من باب بيتهم ع مدرستي ..
_❤
بتذكر باب المدرسة بيوم السبت .. هاد اليوم كان غير عن كل الأيام .. اليوم الي كنت أكرهه عشان السوق .. انقلب فجأة لحب كبير .. كنت اروح مع امي وأحمل اكياس الخضره بس عشان اشوفه ..
.
بتذكر لما قعدنا بكفتيريا التربية وطلعت النتائج .. شو كان هاليوم مميز بالنسبة إلي .. وشو كان نفسي احضنه واباركله قدام الكل ..