لو الواحد عمل ذنب و ندمان عليه ومش هيتكرر تاني ربنا هيسامحه ويغفر له ؟
طبعا ربنا مفيش احن منه وبيغفر بس اهم حاجه تاخدي عهد ان الحاجه دي مش هتكرر تاني واكيد ربنا عالم بالنيه دي واللي جواكي ياعني♥️
احكيلنا موقف حصل معاك، حسيت انه ربنا رد عليك في حاجة
موقف حسسك ان "ايه ده، ربنا شايفني فعلاً وسامعني؟!"
موقف اثر فيك جدًا وقربك لربنا
انا مبحبش اقول المواقف دي عشان بحس انها بيني وبين ربنا حتي مبحكيش عنها لحد بس هقول لعل وعسي تكون اشاره لحد.. ف يوم كنت واقفه ف البلكونه الساعه 5 الفجر بحب الجو الوقت ده وواقفه باصه للسما وفيه قرأن شغال بصوت كويس ياعني بس انا مش مركزه خالص معاه وعماله اتكلم واقول يارب انت عالم بكل اللي بيحصل وعارف انا محتاجه اييه ونفسي احس ان صوتي مسموع وانك هتستجيب واديني اشاره يارب ف نفس الوقت اللي خلصت فيه كلام سمعت الايه دي (واذا سألك عبادي عني فإني قريب اجيب دعوه الداعِ اذا دعانِ) انا وقفت جسمي تلج لان الرد كان ف نفس الثانيه ومش ده الموقف الوحيد اللي بحس ان ربنا بيرد عليا بس مبحبش احكي عشان محدش يفتكر ان اوفر والكلام ده بس ياعني بس فعلا ربنا طول الوقت سامعنا ومعانا وكبير ولطفه عظيم بجد♥️
هو ممكن ولد يكون محرج يعترف بحبه لبنت حتي لو فتحت ليه باب انه يتكلم ولا كدة بيهرب وعاوز يتسلي وخلاص ؟
لو البنت فتحت مجال وباب المفروض وهو واخد باله من ده فهو المفروض يعترف لان مادام هي عملت كداا يبقي عندها القابليه وموافقه ف فكره ان هو محرج يتكلم ويعترف لا يبقي مش بيحب ياعني..
اهتمام حد بتفاصيلك سبب كافي يخليك تحبه؟
طبعاا ده اهم حاجه والله ومش اي حد بيعرف يعملها ياعني
= انت مع الجواز عن حب ولا الجواز التقليدى؟
طول السنين اللي فاتت كنت مؤمنه درجه 1 بالجواز عن حب لذلك فضلت اتنازل عن حاجات كتير ف سبيل ان لاا لازم يبقي عن حب والكلام ده بس بعدين اكتشفت ان كدا كدا اي حد مش هيتجوز غير لما قلبه يدق ف سواء كدا او كدا هحب بردو يبقي عادي مش لازم حب سنين ياعني ماهو بردوو مش كويس ف ظروف كتير ولا جواز تقليدي اعمي ان مناسب وحلو ويلا.. لاا لازم قلبي يدق الاول واحس ان هو ده الشخص اللي انا عاوزاه حتي لو اعرفه من اسبوع ياعني المهم ان احس ان عاوزاه هو مش عشان فرصه جواز حلوه ياعني..
قلبي مكسور جدا💔
ربنا يجبر كسر قلبك كله بيعدي وبيبقي تمام ربنا كبير مفيش حاجه مستاهله والله♥️ قربي من ربنا وصلي القيام لو ركعتين الايام دي كتير هتفرق جدا عن تجربه♥️
اللي اذاك لو جالك يوم تاذيه ..
هتاذيه ولا هتسامحه ؟
لا مش هعمل ده عشان انا جتلي اكتر من فرصه ان اذي اشخاص اذوني ف كل حاجه ف حياتي ومعملتش ده ولا كنت هعمل مهما كنت بفضل اقول جوايا ماانتي كنتي تقدري تجيبي حقك يبقي ليه بقا بس بقول خلاص عند ربنا وحقيقي ماشيه بالجمله دي وبس..
هو ونا راحه اقدم ف الكليه عادي والدي يبقا معايا ولا ال هناك هيتريقو وكده للعلم الكليه بعيده عني ونا مروحتش المكان دا قبل كده يعني
مااللي يتريق يتريق ياعني معلش كل واحد حر ياعني مادام عاوزه تاخدي باباكي يبقي فكك من اي حاجه ومتبصيش للنظره االناس والهبل ده بس متقلقيش مفيش حد هيتريق والكلام ده عادي بتحصل ياعني
انا ٣٢ وهو ٣٠ وشكلي اصغر من سني ..ينفع نتجوز؟ ولا عقليه اهله هترفضني بسبب سني
مجتمعنا بيعتقد اوي ف حوار السن ده هو الفرق بينكو ف كبير بس مش عارفه صراحه ممكن يسببوا ازمه ولا عادي بس لو انتو مصممين انكوا تكونوا سوا عافروا ياعني وكله هيمشي وربنا يوفقك♥️
تقول ايه لشخص بيحاول يبعد عنك
مبقولش حاجه بسيبه يبعد مفيش قوه هتخليه يفضل لو هو مش عاوز يبقي ليه.. الحاجه لو مكنتش متبادله مابين الشخصين يبقي ملهاش لازمه وكدا كدا لو فضل بإجبار مني او عشان زعلي يبقي هيجي يوم وبردو ويمشي ف ليه بقا.. ف كل واحد بيختار الطريق اللي بيلاقي نفسه مبسوط فيه
بقيت أخاف أتكلم مع حد كل يوم لأتعود علي وجوده وفجأه يمشي زي كل إللي اتعودت عليهم ومشيوا.
كدا كدا الناس بتمشي وكل حاجه بتتغير مفيش حاجه ثابته حتي احنا فيه وقت من الاوقات ماشيين مش قاعدين ياعني ف بلاش تجربه تخلينا نشوف كل حاجه بالمنظور ان خلاص كدا ..بطلي تخافي وحطي ف دماغك ان عادي دي سنه الحياه وان فيه ناس بتيجي وناس بتروح وده الطبيعي لحد مايجي الشخص اللي يبقي موجود علطول ومنور حياتنا ياعني..
بتحب الشتا
ييييس♥️
لو محتار بين حاجتين اعمل ايه؟
اسوء حاجه اتوجدت حوار الحيره مابين حاجتين وف اغلب الاوقات بنخسر الحاجتين دول من كتر مابنبقي مش عارفين نحدد اي الحاجه اللي عاوزينها ..اوقات كتير بيبقي الانسب حاجه تالته خالص لان لو فيه حاجه من الاتنين اللي بتختار بينهم مهمه هتختارها علطول من غير حيره ..
لو زعلت من حد بتسكت ولا بتعاتب ؟
بفضل ساكته لحد ماالشخص يحس ان فيه حاجه مضيقاني والمفروض تتصلح انما لو حاجه مش اتلاحظت بتكلم واعاتب ..العتاب بيحل حاجات كتير ياعني اوقات
بذمتك الجامعة مش بتوحشك؟
ابدا ابدا ابدا
هي ايه نظرة المجتمع لبنت في كلية تربية؟
ودا بيأثر في الزواج؟
انا خلصت تربيه اهوه ومعرفش اييه النظره احنا بناخد الشهاده مش عشان نظره المجتمع فيه ناس كتير من غير شهادات وناجحين جداا ف بلاش تعميم ياعني+المفروض موضوع الشهاده ده ميفرقش ف الجواز مش عارفه ليه المجتمع بيضخم الحوار ده بجد ياعني🙆♀️
الشاب لمايحس إن في واحدة معجبه بيه بيهتم! وله بيسوء فيها ويفتكر نفسه شبح؟؟؟!
بجد من غير هزار
ع حسب هو مديها قيمه اييه ف حياته لو بيبادلها نفس الشعور معتقدش انه هيشوف نفسه ياعني اصل ليه مادام هو عاوز بس بردو بتختلف من شخص لشخص مقدرش احدد..
ربنا يعوض عليكي بكل خير ويفرح قلبك ال مافيش أطيب منه لأنك تستاهلي كل الحلو ال في الدنيا ومش كل الناس بتعرف تفهمك صح إلا لما تتعامل معاكي وتعرفك كويس ❤️❤️❤️
مش عارفه اقول اييه بجد شكرا ..يارب❤️❤️
ربنا يجبر بخاطرك يارب و يسعدك و يفرح ايامك يارب و يحققلك اي حاجه نفسك فيها 🤲💕💕💕💕💕💕
اللهم امين يارب شكرا🥺❤️
صباح الخير
صباح النور
ربنا يسعدك دايما يارب حرفيا شخصيتك محترمه جدا وطيبه 💕✨