قناة السنة النبوية اللي بتنقل المسجد النبوي مع احاديث الرسول صلى الله عليه وسلم 24 ساعة يوميا وقناة القرآن الكريم اللي بتنقل الحرم المكي مع القرآن الكريم 24 ساعة يوميا برضه.. راحة نفسية كبيرة تنسي اي هموم..
في العلاقات مع الناس ، احرصوا على استمرار جميل او رحيل نبيل
ولك مثله ان شاء الله :) ربنا يكرمك ويرضيكي ويرضى عنك :)
تطلبها من ابوها مباشرة بدون ما تتكلم معاها.. ولو ظروفك مش متيسرة حاليا ما تقربش منها لحد ما تقدر ماديا.. واطمئن مش هايفوتك رزق ربنا كاتبهولك ابدا بمعنى انها لو من نصيبك محدش هياخدها غيرك.. لكن اتق الله وما تكلمهاش ولا تبعتلها.. ما عند الله لا ينال الا بطاعته.. يسر الله لك الخير وأرضاك..
القراءة والاطلاع في مجالات الاستشارات الاسرية والتربية ضرورة ملحة لكل شخص مقبل على الزواج بل وحتى المتزوجين لأننا وصلنا لنسبة مخيفة من حالات الطلاق في مصر.. دي حالات الطلاق الرسمية ناهيك بقى عن الآلاف من الأسر اللي منفصلين بدون طلاق وهما في بيت واحد عشان الاولاد و الشكل الاجتماعي.. لازم نتعلم ازاي نتعامل مع شريك الحياة والاولاد ومفهوم العلاقات الانسانية عموما.. ده علم على فكرة.. زي ما بنصرف كورسات بالآلاف في مجالاتنا العلمية وناخد ماجستير ودكتوراة ، مستقبلنا وعلاقتنا بأسرتنا يستحق برضه نتعلم عشانه..
ده من حقارة الدنيا ان متعها مبنية على الحرمان.. فالحاجة اللي بتكون ملهوف عليها لما بتمتلكها بعد فترة بتبقى معتادة ومألوفة ومعندكش نفس اللهفة ليها.. وعلى رأي الدكتور احمد خالد توفيق ان عشب الضفة المقابلة من النهر سيبدو دائما اكثر اخضرارا طالما لم تطئه قدماك..
وكمان ده من تلبيس إبليس عشان يشغلنا دايما بالتفكير في المفقود فما نشكرش خالقنا على الموجود..
خريجة صيدلة اسيوط ولله الحمد والفضل والمنة..
اللهم صل على محمد وعلى آل محمد كما صليت على ابراهيم وعلى آل ابراهيم وبارك على محمد وعلى آل محمد كما باركت على ابراهيم وعلى آل ابراهيم انك حميد مجيد
انما سمي القلب قلبا من التقلب.. وكان النبي صلى الله عليه وسلم يكثر من قول يا مقلب القلوب ثبت قلبي على دينك..