@MarwaElSa3eed

Marwa El Saeed

Ask me anything Follow
Ask @MarwaElSa3eed

Sort by:

LatestTop

Previous

اتجوز اللي يحبك مش اللي انت تحبه .. مع ام ضد .. وايه رأيك ؟؟

الاتنين ما ينفعوش..
اللي بيحبني لو انا ما بحبوش مش هاقدر اجاريه وأدي له اللي بيتمناه واللي مستنيه مني..
واللي بحبه لو ما بيحبنيش هايعذبني وهاحس اني انسانة ماليش قيمة ولا لازمة..
1
Liked by: Ibrahim Ali

لو متزوجه ايه الحاجات اللي تخليكي تحبي زوجك اكتر ولو عملها ليكي تفرحي جدا و بنعني تاني ازاي الرجل يكسب قلب زوجته

فيه حاجات بتجيب نتيجة مع معظم البنات زي الكلام الرقيق والاهتمام وانك تحسسها ان مفيش بنات غيرها في الدنيا وتقدرها.. كده يعني..

صـفات تحب تكون فيـك...؟

ahmedsamir323’s Profile PhotoAhmed Samir Ameen
كنت اتمنى اثق في نفسي اكتر من كده.. ثقتي في نفسي مهزوزة كتير من فترة طويلة.. وكان نفسي ابقى اجتماعية اكتر من كده واتعود على الناس بسرعة وإن كنت بارتاح اكتر في العزلة.. وكان نفسي ابقى ابرد من كده لأني حاجات كتير باخدها على اعصابي وتقلقني.. أينعم زمايلي في الشغل بيقولولي اني مش باتعصب وصوتي مش بيعلا لكن باقلق من جوه وممكن ما انامش الليل لو فيه حاجة مضايقاني.. واللي زيي للأسف بيدفع التمن من صحته وراحته..
يعني دول اللي فاكراهم دلوقتي..
1
Liked by: Ahmed Samir Ameen

Related users

Esraafikryfakhry’s Profile Photo Esraa Fikry Fakhry
asmaaeljazzar’s Profile Photo Asmââ El-Jazzar
james877
estellepao’s Profile Photo estellepao
Dartkatzs’s Profile Photo Dartkatzs
SWEETSound35’s Profile Photo SWEETSound35
Keeevin2408
levashovigor’s Profile Photo Левашов Игорь
britany
EmirOsmancevic
DiegoCarpioBorja’s Profile Photo Diego Carpio Borja
Edeeth
MahmoudHeiba491’s Profile Photo M

SorrY V̶a̶l̶e̶n̶t̶i̶n̶e̶D̶a̶y̶ I'm Muslim .

ahmedsamir323’s Profile PhotoAhmed Samir Ameen
كلام تمام طبعا وسليم جدا.. لكن بغض النظر عن قصة اصل الفلانتاين اللي كل الناس عارفاها انا مش شايفة ان الأحبة محتاجين عيد حب.. المفروض انه مشاركك في كل تفاصيل حياتك ومفيش اي حاجة في الدنيا ممكن تشغلك عنه وبالتالي كل يوم هو فالانتاين بالنسبة لهم.. بعض الأصحاب او القرايب ممكن مشاكل او مشغوليات تاخدنا منهم شوية كده لكن بنرجع تاني.. حتى الاب والام اللي غرقانين في مسئوليات وشئون بيتهم واولادهم عندهم وقت يهتموا ببعض ويخرجوا شوية من دور الاب والام..

ﻓﻜﺮﺓ ﺃﻛﺘﺐ ﻋﻨﺪﻙ ﺳﺆﺍﻝ ﻭﺍﺑﻌﺘﻪ ﻟﻨﻔﺴﻚ ﻓﻴﻪ ﺫﻛﺮ ﺑﺘﺤﺒﻪ ﻭﻓﻴﻪ الصلاة على النبى "ﺍﻟﻠﻬﻢ ﺻﻞ ﻭﺳﻠﻢ ﻭﺑﺂﺭﮒ ﻋﻠﮯ ﺳﻴﺪﻧﺂ ﻣﺤﻤﺪ ﻭﻋﻠﮯ ﺁﻟﻪ ﻭﺻﺤﺒﻪ ﻭﺳﻠﻢ " ^_^ ﺑﺤﻴﺚ ﻛﻞ يوم أول ﻣﺎﺗﺪﺧﻞ ﻋﻠﻰ ﺍﻷﺳﺌﻠﺔ ﺗﺸﻮﻓﻪ ﺗﺼﻠﻰ ﻋﻠﻰ ﺍﻟﻨﺒﻰ 10 ﻣﺮﺁﺕ :)) #ﺟﺮﺑﻬﺎ_ﻭﻣﺘﻜﺴﻠﺶ #ﻫﻨﻐﻠﺐ_ﺍﻟﺸﻴﻄﺂﻥ_ﻣﻬﻤﺂ_ﺣﺎﻭﻝ_ﻳﻜﺴﺮﻧﺎ_ﻭﻳﻨﺴﻴﻨﺂ

ahmedsamir323’s Profile PhotoAhmed Samir Ameen
فكرة حلوة.. في ميزان حسناتكم ان شاء الله..
1
Liked by: sam ®

عندما يتحدث المال يصمت الحب ، مع أو ضد ؟

ضد وبشدة..
أينعم احنا في عصر غلاء الاسعار وكل حاجة غالية نار لكن مادام الاتنين متحابين ومتفاهمين هايصمدوا قدام اي عواصف وهايستحملوا اي شيء لأن وجودهم مع بعض بيهون كل حاجة.. وزمان قالوا خدوهم فقرا يغنيكم ربنا من فضله.. وربنا بيقول: (وأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ).. ربنا هو الرازق.. هو الموضوع بس بيبقى منظرة بين البنات وبعضهم جابلي شبكة بكذا وهنعمل الفرح في اوتيل كذا والشقة 5 اوض وبنصيف في الحتة الفلانية.. واحيانا من الاهل عشان بنتهم مش اقل من بنت فلان اللي اتعمل لها كذا وكذا.. بالعكس دي حتى البنت ما بتفرحش معاه بحاجة لأن كل حاجة جاهزة.. لكن لما يتعبوا ويكافحوا ويصبروا هما الاتنين مع بعض هايفرحوا قوي لما يبدلوا الشقة الصغيرة بشقة اكبر مثلا او يشتروا حاجة في بيتهم مكانوش قادرين يشتروها زمان.. وعموما ربنا يرزق كل بنت بالشخص اللي يريحها ويعمل لها اللي عايزاه..

View more

3
Liked by: Ahmed Samir Ameen NaRy Ahmed :) mahmoud el gebaly

بيقولو كلية صيدله بقت 6 سنين ايه رايك ؟

pinkyrose4’s Profile Photoenas fathi
ان شاء الله والف الف مبروك.. ههههههههه..
انا طبعا موافقة بالثلث وآدي صوابعي العشرة.. بس خطوة اتأخرت كتير.. على الرغم ان فيه ناس محبطة بتقول انها حاجة مالهاش لازمة.. بس فيه كذا مشكلة في تطبيق القرار ده.. يعني مثلا اللي زي حالاتي من اسوان ومفيش عندهم مصانع هايتظلموا لأن المفروض بناخد كل 3 شهور في حتة نتدرب فيها : المصانع والصيدليات والمستشفيات.. بيني وبينك المهنة منهارة.. يعني انا معايا كيميائي في الشغل بيقوللي الصيدلة بتيجي بالممارسة وانا عايز افتح صيدلية!!!!!!!!!!!!!!!!!!!!!!!!!!!!!! انا مش عايزة اجادل معاه بس بحاول افهمه بالذوق طبعا ومن غير تجريح ان الصيدلة ماهياش تجارة دي علم وأخلاق وفن.. وياريت كمان نفسي في اجراءات تانية زي ان التعليم المستمر للصيدلي يبقى ضرورة وإلزام يتحاسب لو قصر فيه لأن الدنيا بتتطور وكل يوم فيه معلومة جديدة وفيه صيادلة كتير كل همهم القرش.. ونفسي الصيادلة ما تخليش بتوع الدبلومات في الصيدلية لوحدهم.. ونفسي الصيادلة يبقى عندهم ضمير وما يبيعوش الترامادول الصيني والفنكوش والأدوية المغشوشة في الصيدليات.. ونفسي يوعوا الناس اللي بتبلبع أدوية الكحة والحساسية عشان يعملوا دماغ انهم كده بيدمروا صحتهم وكمان البنات اللي بتاخد كورتيزون عشان تتخن.. ونفسي التعليم في الكليات يبقى احسن من كده.. ونفسي الناس تبطل تقول (يا أبلة) و(يا برنس) و(يا كابتن) و(يا شبح).. ونفسي الخدمة في مستشفيات الحكومة تبقى آدمية.. بس شكلها كلها طموحات وأماني..

View more

5
Liked by: Ahmed Samir Ameen NaRy Ahmed :) Sandy Nana enas fathi Esraa Fathy

غادة عبد الرازق بتقول اشرح لي صدري :D

أولا: مابحبش اجيب سيرة حد في غيبته..
ثانيا: ما تقول يعني فيها ايه؟؟؟؟؟؟ هي كافرة؟؟؟؟؟ دي مسلمة زينا زيها وإن كانت عاصية.. ربنا يتوب عليها ويرحمها ويهديها ويغفر لها.. ده ربنا بيغفر الذنوب جميعا.. ومش معنى انها عاصية يبقى تسيب كل حاجة ليها علاقة بدينها ولو ذكرت ربنا في مرة نتريق عليها..
ثالثا: بأي حق نتريق عليها أصلا ونقول "يا طاهرة" و "يا شريفة" والكلام ده؟؟؟؟ هو احنا اللي هنحاسب الناس ولا ربنا؟؟؟؟ انا رأيي ان ده قذف..
رابعا: النبي عليه الصلاة والسلام دايما كان خايف على قلبه وبيسأل ربنا الثبات وأمرنا ندعي بحسن الختام (ده النبي يعني).. وقال ان الواحد مننا بيعمل بعمل اهل الجنة حتى يكون بينه وبينها ذراع فيسبق عليه الكتاب فيعمل بعمل اهل النار فيدخل النار والعياذ بالله.. والعكس صحيح طبعا.. احنا مش ضامنين هانموت على ايه.. ممكن احنا نموت على سوء خاتمة وهي ربنا يهديها في اخر عمرها وتتوب..
خامسا: احنا يعني خلاص بقينا ملايكة وعمالين نبص للناس؟؟؟؟ كل واحد يخليه في نفسه وذنوبه وتقصيره في حق ربنا وقلة حيائنا منه.. وهو على الرغم من كده بيستحيي مننا لما نرفع ايدينا اليه انه يردها صفرا خائبتين زي ما ورد في الحديث.. وبيرزقنا ويسترها معانا ويطعمنا ويسقينا ويرحمنا.. ملايين الخلايا جوه جسمك بتتولد وتموت كل يوم وتفاعلات كيميائية لو وقفت اي حاجة منها نموت ربنا هو المتحكم فيها..
معلش انا اسفة لو كلامي شديد بس الموضوع مضايقني فعلا.. فياريت كل واحد يمسك لسانه.. ابو بكر الصديق احد المبشرين بالجنة قال عن لسانه "هذا الذي أوردني المهالك" فما بالنا احنا بقى؟؟؟

View more

3
Liked by: Ahmed Samir Ameen NaRy Ahmed :) Baby heart

انا عايزه اعرف انتي ليه مبقيتيش مروه بتاعة زمان

امممم.. واضح ان انتي حد يعرفني من قريب.. المهم انا اتغيرت للأحسن ولا الأوحش؟؟؟؟
1
Liked by: enas fathi

هل كانت هذه السنة جيدة بالنسبة لك؟

الحمد لله على كل شيء.. والله ربنا ما بيجيب إلا خير مهما افتكرنا العكس..
1
Liked by: Baby heart

متفائلة بالسنة الجديدة ؟

أيوه ان شاء الله.. هاتحصل فيها 3 أحداث حلوة ان شاء الله: فرح أختي وهابقى عمة وهاحضر دبلومة ان شاء الرحمن.. وبالنسبة لمشاكلها وأحزانها فوضت أمري لله واستعنت بالله عليها هو حسبي وسندي ونعم الوكيل..
1
Liked by: Baby heart

ازيك يا مروة فينك ؟؟ مش باينة ليه يا جمراية ؟؟؟

dodysmile6’s Profile PhotoBaby heart
موجودة والله وباطمن عليكم كلكم من بعيد.. ربنا يجعل السنة دي سنة حلوة عليكم كلكم وعلى حبايبكم..
2
Liked by: Baby heart

Next

Language: English

4.1

1,266,418 reviews
© Ask.fm 2024