من شوي اشتريت من بنده نواقص البيت و قابلني عمي. و فاجئني بكلمته: "عسى تشتري من بنده، ما لقيت غيره". يا عم ترا مو نذر اشتري من اليحيى و العامر ، و ثاني حاجة تعرفني كسول و بنده اقرب لي 😅! المهم ، شرايكم باللي لازم يشتري من شخص يقرب له او من ولد ديرته و مستحيل يشتري من غيره حتى لو كان سعر غيره انسب 🌝
الحمدلله على عظيم نعمه ❤️ هنا بتحدث عن طمعنا احنا البشر و نظرنا الدائم للاشياء اللي ما نمتلكها لكن بالحقيقة حنا نملك الكثير و الكثير. الله سبحانه و تعالى وزع الارزاق بين الناس لذلك انتبه تطالع بشيء عند غيرك و مثالي: واحد من الشباب كان يهذر عن فلان و فلوسه و ممتلكاته و هنياله بهالعمر الصغير ملك كل هالاشياء . قلت له تدري ان هالفلان مستعد يتنازل عن كل ثروته و يمتلك بس طفل واحد و انت عندك ثلاثه اللهم لك الحمد. هالفلان الله رزقه بالمال و النعيم و انت الله رزقك بالاطفال و العلم و اشياء كثير فضروري ننظر للنعم اللي عندنا و ما تكون نظرتنا قاصره على اللي عند الغير.
اليوم طلبت power bank من Goui الصدمة خلصت الطلب هنا و يكلمنا المندوب و يطلب موقع البيت. نعم سلامات هل هذا مطعم الشاورما او مندوب Goui , صدمة والله و ما توقعت في توصيل بهالسرعه اهنيهههم ! المهم وصل الطلب و طلعت طالب شيء بالغلط و الحين اترجاهم يردون علينا نبي نستبدل ولا حياة لمن تنادي ، ليه كذا طحتوا من عيني بسرعه 😂😂😂!