ويكند يا فاطمة حزين و بعيد عن الاحساء و جمعات الاهل و الاصدقاء 🥹💔! بعد ما كنت مجنون بالاحساء صرت استثقل المشوار و افضل اجلس بالبيت و ارتاح من ضغوطات اسبوع عمل. جد جد كل ما تقدم فينا العمر ، يتغير بداخلنا اشياء و يصير كل غايتك تجلس كذا بهدوء بعيد عن الضوضاء و كلام الناس و القيل و القال 😴✋🏼!
حالة العواصف و الامطار اليوم مخيفة جداً. حنا نداوم بمنطقة ابراج و ببداية العواصف جلست اشاهد من زجاج المكتب لوضع المطر و شفت مجموعة من العمال عالقين بالهواء اثناء تنظيفهم للواجهة الزجاجية للبرج المقابل لمقر عملنا. منظرهم و حركة العربة اللي كانوا فيها يمين و يسار و خروجها عن حدود المبنى يحزن والله. عموما جات المطافي و الاسعاف و المكان كله تم اغلاقه و الحمدلله اللي كتب لهم عمر و طلعوا سالمين ❤️
كنا بالعمل نجتهد و نحاول نجهز برزنتيشن لاجتماع بكرة و الساعة سبعه و نص اتصلوا علينا يبلغونا بتأجيل الاجتماع ✖️!و التعب و ساعات يومي اللي خسرتها شصار عليها 🥹💔!
هذي دعوة لكب العيش يا علي 😂💔! المهم بحياة مهندس المشروع ضروري يأقلم نفسه عالتنقل و العمل مع ناس مختلفة بشكل دوري. لذلك انا اعاني هالفترة بمحاولات فرض الذات و اثبات وجودي لكل اللي حولي. بقولك، بتزييين يا علي بتزييين 🌝💪🏻
اليوم اللي كل الناس ترز كوب القهوة ، سواءً اللي له بالقهوة و اللي ماله 🌝☕️مشاركتي اليوم بالسناب ، كانت النية دانكن و شفنا الطابور و حولنا على اللي جنبه 😂😂🔪
مو لدرجة اصف طابور حق قهوة 😅💔! بيني و بينك القهوة مجانية بالدوام و ننزل نتقهوى بالمقاهي اللي عالكورنيش ، اتخيل الفكرة كلها بالاجواء و الجلسة مع اللي نحبهم مو قصة قهوة 🌝
مسافر برحلة عمل مع مديري و كل شوي يدق و يسأل ها وينك شتسوي و انتبه و اعمل و سو كذا حتى بتسعه و عشرة الليل. سألته اليوم شسالفتك كل شوي تدق و تتطمن يعني، و قال خايف عليكم تضيعون و احس اني مسئول عنكم 😭😭😭😭!
- شخص عايش مثل وضعك سواء الوظيفة او الدراسة او العطالة او الحياة الزوجية ، لمن يجي يفضفض لك عن حجم الضغوط و المعاناة الي يعيشها .. بتحسه يبالغ و ما عنده سالفة ؟ #شاركونا موقف صار لكم يخص هالكلام .
كان واحد من الشباب يداوم معنا بعقود لذلك تكون مهامه محدودة و اذا تكلمت عن الضغط يجلس يستخف بدمه و يقول هالجملة اللي مستحيل انساها؛ جاك مهدلي اللي واقفه عليه الشركة و ما احد يشتغل غيره 😥💔! المهم تدور الدنيا و خوينا جاه عرض بشركة معروفة و بقريد عالي ، المهم كل ما اتصلت عليه يجلس يفضفض و يشكي لي معاناته و انا ابتسم و اسمع له و طبعاً لازم اذكره بغبائه و استخفافه بضغوطات الغير 🌝
الاسبوع الماضي كان مشمس و حار نوعاً ما بلندن و بالويكند سألوني الشباب عن الجو و قلت حار و انتبه تثقل على نفسك بالملابس الشتوية و انت جاي من السعودية 🔥✈️ المهم شحكيلك عن الجو اليوم و الغيوم و البرد 😂💔!
مسلسلات زمان كلها جميلة و فيها هدف 😥👌! مثلا طاش سته كان كله قصص واقعيه للمجتمع بذاك الزمن يتم نقلها باسلوب كوميدي لطيف. كذلك، من فينا ينسى مسلسل الى ابي و امي مع التحية و فكرة العائلة و اخيراً مسلسل درب الفصول الاربعة و غيره الكثير ❤️
اي نعم 🌝! ممكن انا انسان حساس بعض الشيء لكن بداخلي كبرياء البعض يشوفه شوفة نفس او تعالي ☹️ بسبب هالحساسية كان بداخلي الم شديد و كبير لكن كبريائي منعني اتنازل و نمت و انا متظاهر ان الموضوع مو هامني 😴💔! عموماً، الفترة الاخيرة صرت شوي مرن و اراعي اللي حولي. اتخيل التقدم بالعمر له دور بحيث يصبح اغلى ما على الانسان هم الناس اللي حوله و بكذا مستحيل يترك انسان عزيز عليه و هو متضايق.
عادي تشاركون وتعلمون شخص معلوماتكم وخبرتكم بالدوام؟ ولا تخافون ياخذون مكانكم ويصيرون أفضل منكم؟
بالعكس 🥲 استمتع جداً اذا شفت شخص حاب العمل و خاطره يتعلم و يطور من نفسه. انا وقفوا معي ناس كثير ببداية حياتي المهنية و تعلمت على يدهم و هذا الوقت اللي ضروري انقل اللي تعلمته لشخص ببداية حياته المهنية بالتحديد مؤمن ايمان تام بأن كل انسان بياخذ رزقه. اقول لك شيء ماله شغل بالسؤال ، كنا بالمدرسة منافسه عالمراتب الاولى و التفوق و بنفس الوقت كنا نغشش بعض و ما كنت احاتي انه حسين و محمد بياخذوا الاول مو انا 😂🔪! بالاخير ، تحقق حلمي و اشتغلت بالشركة اللي كنت اتمناها اللهم لك الحمد ❤️
أمير كأني من زمان ما فضفضت و هذرت عن العمل و الناس اللي معنا 🌝! اسمع و تحملني 😂😂 كنا باجتماع TIS حق دراسة الطرق لمشروعنا و تأثير حركة المرور، و الديزاينر جلس شهور يختار مداخل و مخارج المشروع. المهم، في بنت محسوب انها مهندسة جديدة معنا جلطتني و صارت تطلب من الديزاينر يكنسل هالمدخل و ينقله هنا و هالمدخل هناك و هذا الطريق مو عاجبني و و و الخ طبعا كل طلباتها ما في لها Basis و مو داقة كرت للكود و كذا تحسسك انها بسوق فاكهة و جالسه تبدل بالتفاح 😂😂😂 يا شيخه الناس جالسه تدرس و تحلل بيانات و ما بقى كيمرا ما نصبناها بالطريق نراقب حركات السيارات و افتراضات و مودل و سوفتوير و اختنا بجلسه وحده صممت مشروع جديد 😂😂😂😂