يب ، الفترة الأخيرة احاول قدر الامكان اتعلم بالادارة عشان يكون الاساس حقي مزيج بين الهندسة و الادارة لذلك كل الدورات اللي اشترك فيها لها صلة بالادارة و التعامل مع الاخرين.
بالسنوات الاولى لدراستي الجامعية كل الشباب اللي اماشيهم حجزوا و صارت حياتهم كلها رومانسية و كذا يعني . عاد كل من شافني منهم صار يقول لي اذا ما في بنت تكون شريكة لك اخلي اهلي يدوروا لك عادي . ترا والله مو كذا الزواج ، هذي زوجة مو سلة برتقال 😭
سألت واحد من الشباب عن ايام الدراسة و افضل مدرس تأثر فيه و يكن له كل الفضل و كان رده قاتل 😐 رسل لي صورة معلم الشاورما لمطعم كنا ادمان عليه و كان اسمه ابو حيان من سوريا الشقيقة ، فعلا الشاورما تبعه صعب وصفها والله يلوم اللي يلومه 😂💔
وش وجهة نظركم للزوجة الموظفة او الا تدرس ؟ السؤال مفتوح 👌🏻
ما اتخيل زوجتي تجلس بالبيت . اتخيل بكون بالدوام و مكروف و هيا نايمة و اذا رجعت البيت بكون بقمة تعبي و هيا محتاجة تطلع و تستانس . مع توظيفها لو أنا اللي ادفع لها الراتب 😂✋🏻
#فترة_الخطوبة : عطني تعليقك بخصوص أفضل مدة بالنسبة لك مع التعليل ، و ما هي أهم الأفكار التي تُطرح فيها ...
اتخيل ماله داعي تمديد فترة الخطوبة الى سنتين او ثلاث مثل الشائع عند بعض العوائل و المناطق بمجتمعنا بحجة التعارف كون المعرفة الحقيقية ما تبان الا بعد الزواج و مرور الايام. فترة ستة شهور كافية جدا لمعرفة الاساسيات و التفاصيل ممكن معرفتها بعد الزواج 🌝
الحمدلله ما اوصل لمرحلة البكاء 😂 ممكن فرحة خارجة عن المألوف ، اذكر كان عندي تاسك مرررة صعب و كان يهددوني اذا ما خلصته بيكنسلوا اجازتي عاد سويتها و كسرت روووس ، وقتها نططططرت و قلت يس والله سويتها 🕺🏻