برأيي ✋🏻 إلّي بدو يدرس جامعة لازم يعيش بكوكب لحالو وما عندو أهل ولا أصحاب ولا أولاد وأهم إشي مش مرتبط وما بحب، بالمختصر ( عقلو يكون بس بالدراسة فقط لا غير ) يستئصل معدتو والكليتين وقلبو والنخاع الشوكي وعقلو بس يخلي الجزء المسؤول عن حفظ المعلومات بالعقل . لأنو مش منطق يعني الواحد يجي بدو يدرس وفجأة يشتاق لحبيبو ويقعد يفكر فيه خمس ست ساعات😂😂😂 ومش منطق برضو أكون بنص الدراسة وفجأة أجوع ولا أصير بدي قهوة ونسكافيه ، وأستقر بالمطبخ سنة ، وما بيحلى تفكر بماضيك الكئيب غير وقت الدراسة ، والنت والجوال إلي لا غنى عنهم وسبب 90% من سوء تحصيلي العلمي😂✌🏻أنا شخصياً .
كال أنا من ذكائي الخارق رحت كتبت هدول عندي عالمكتب مشان كل ما أكسل عن الدراسة أشوفهم وأتشجع وفعلاً والله تشجعت وأنجزت شوي بس اكتشفت بالآخر إنو المشكلة مش بالكسل ، المشكلة بالمادة نفسها يأخي والله مليون (don’t give up ) ما بتخليني أختم المادة أكتر من 400 صفححةةةة ؟؟؟؟؟؟؟؟؟؟؟؟؟ ولل عاليهووود خمسين سنة ضوئية ما بتكفيني أختم كل هاد يا عمي ارحمونا .
هو بصراحة اذا ع الي بستنا والله بستنا بصراحة يعني لانو هليوم رح يكون غير رح تعرفي شغلات كثيرة فيه يعني ع الاغلب رح يغير كثير شغلات لو بعرف انك رح تقبلي هلصندوق والله لاجبلك واعملك حفلة
بتستنى ؟ وشغلات كتيرة بدي أعرفها ؟ وكلمة بصراحة كاتبينها مرتين 🐸 طب أقسم بالله إنو خازوق يجماعة علي فاينل ومتوترة ومهمومة ،وهاليوم بحبو كتيير يعني فعلياً حكون بحتفل مع الكتاب فلا تزيدوا همي همين ، والدنيا آخر السنة ، بحياتكم مش مستوعبة ضغوطات زيادة - استنوا للسنة الجديدة بنبلش الخوازيق عنظافة أحلى وأهيب كمان .
مساحة
ليتَ الّذي بعُهودِ الوصلِ عاهدَني يقولُ لي ما الّذي بالهجرِ أغراهُ
يعني مش منطق إنك بتستنى هاليوم بالدقيقة مشان بالآخر تحكيلي كل عام وإنت بخير 😏 أقل إشي حتكون قاعد بتجهز صندوق ملان أشياء زاكية بيتنا أول البلد يا فانزاتي إلي بحب يزود هدايا 😂😂😂😂😂😂😂 ورقم مدير أعمالي هيو بالبايو 😂 - طب معقول أعيش أجواء أغنية ( لما صارت بالعشرين عريس الغفلة طل لياخدها ويفل💃😂😂) ؟ - ولا ما أتحمس كتيير لأنو احتمال يكون جاييني خازوق عن كل العشرين سنة إلّي مرقو ؟
-
بمناسبة ال 1100 متابع حابة أهديكم أغنية نوال الزغبي - كيف ما بتضيع بأساميهن ( بما إنو فيها ألف ومية ) شكراً من القلب متابعيني من قطر ودبي لولاكم كان ما وصلت لهون 💙 بحبكون كتير #قريباً تطبيق نون ويلا عالساحة كيف ما بتضيع بأساميهن كيف ما بتغلبط فيهن 🎶💃 كيف إلك جلادة ومروة لتحاكيهوووونن لتلائيهوووووون صاروا كتاار يمكن صاروا أكتر من ألف ومية 💃💃💃شرف كبيير محدا ئدك صاحبلي هالكمية 💃🎶😂 وكما قال الشاعر : اتقن عملك تلقى أملك ، وها أنا أجد أملي بكم أيها المتابعون 😍 #حقوق_الطبع_محفوظة
إذا كنت مسؤولًا عن اختيار رئيس الولايات المتحدة، فمن ستختار لهذا المنصب (بإمكانك اختيار أي شخص)؟
قلبي مش مطمني لهالسؤال ، حاسة حالي رح أجاوب من هون وبعدها ألاقي المخابرات عباب بيتنا إلّي خوفني أكتر الأقواس والجملة إلي بينهم 😂😂😂يعني كإنهم بحكولك عادي إحكي إلّي بقلبك ما تتردد. قسماً بالله هالسؤال حاسستو خازوق وأنا كنت مفكرة الآسك تافه طلع مصيدة 🐸
كيف رح تقضي الخميس ؟
الامتحانات للرُكب 🐸💔
يا جماعة اذا في بنت سنجل احكولي
إنت قول إدا في فيل بيطير أسهل 😂💔
ما هي اللعبة الشهيرة التي تكرهها؟ ولماذا؟
لعبة ببجي لأنها عاملة تفكك أسري عنا بالبيت ، ودايماً طوش أنا وأخواني بسببها وبسبب الإزعاج إلي بعملوه ، والنت بضل بطيء وصلوا لمرحلة يتغدوا بالغرفة ، الله يقطعها من لعبة